RUMA 11:32 - Bible Zulgo

³² Kamala taŋa ya, sifek a pə̀lakwa à metsehe aà gər, ku mege weke tserdze, a ziwe a gər ŋgar, na dite kə̀ gə̀sakwa ahər ahəm tsiye. A ge dər kataya ka, aɗaba a waya na kwa tserdze ki ndzekwer are tsehe ya.

RUMA 11:32 ပူးပေါင်းရင်းမြစ်များ

Yuhana 1:7

A dara ka, aà meɗìfè à təv dzaydzay ŋa a gà mburma, dite ka, gà na tàa tsaraka bazlam ŋgar ata tserdze ya ka, ta gəs təv dzaydzay ŋa ata a tsik a ter a ya.

Yuhana 12:32

Iye ka, ta gis a iye, ti tike a iye aà dizl, ta hitse a dər akaba à iye aà mbulum. I dəba ŋa ya, i zelere a a gà mburma ya tserdze, tə dara a təv ga ya.»

RUMA 11:31

Kamala taŋa ya, i təv tar kinehe tekeɗe, kataya mbaŋa. Tar ihər ta gis a ahəm aà Mbulum tsa, dite na a ge a kurum aɗəm ŋgwal ŋa avukw ŋa ya. Dukw ata a ge ba kataya ka, na dite tar tekeɗe, ta mbìɗ a aba a təv Mbulum, tì ndzer a are tsehe ya.

RUMA 3:22

Vatwa ata gà mburma ti ne a dər ŋgwal ŋa ika miɗ Mbulum a ka, aɗaba megìse tar ana ta gəs Yesuw Kiristi nda gəzləŋ a. Vatwa ata ka, biy gà na ta gəs ŋgat a tserdze, tsəka, biy gà Yahuda ɗekɗek tsa. Aɗaba i təv Mbulum ka, mburma tserdze kalkal ilik pəra.

RUMA 3:9

Na kamala taŋa ya ana, meme na kwa gà Yahuda ya, wànà ki zekwe a gà asiŋ gà gwala ŋgiɗ ika miɗ Mbulum ɓav a? Awaŋ, kataya tsidze. Aɗaba Yàa mbər megweɗe a kurum ka, ku mege gà Yahuda, ku mege gà na tar gà Yahuda tsiye tekeɗe, tar ka, i ahər bakal tserdze.

RUMA 5:19

Aɗaba kà sərakwa, gà mburma hinne, ti ne gà ɓəzla bakal ka, agəra wele ata ilik a gəs ahəm aà Mbulum tsiye. I təv Yesuw Kiristi tekeɗe, ar ka, kamala taŋa ya mbaŋa. Gà mburma hinne, ti ne gà ŋgwal ŋa ika miɗ Mbulum ka, aɗaba ana ŋgat ilik a gəs ahər ahəm a.

GALATIYA 3:22

Seyiŋ tsa, ar ka, kamala ana ta wetse i wakita Mbulum a, ta gwa ka, bakal na a kwere a gà mburma ana ika gər ahəɗ tserdze ya ivaɗ. A ge kataya ka, na dite dukw ana Mbulum a tsik i sida ya, a gwa, a ta vile a a mburma ya ka, nda ahər Yesuw Kiristi. Dukw ata a vile a ter a ya ka, agəra megìse tar ana ta gəs ŋgat nda gəzləŋ a.

GALATIYA 3:23

Akahər ata piŋŋe ka, vatwa a riŋ, na dite gà mburma ta gis a Kiristi nda gəzləŋ a ka, a riŋ zukw tsa. Kwa ka, kamala wele ana gidziwwè mandza ŋa i daŋgay a, na kwa i ahər məpala ahəm gà Yahuda ya, haa təv ana Mbulum a vəl a kwa vatwa aà magəsa Yesuw Kiristi nda gəzləŋ kuɗa ya.