RUMA 11:24 - Bible Zulgo

²⁴ Aɗaba taŋa, kurum gà mburma ana gà Yahuda tsiye, kà nwim ka, kamala ahər dizl ɗaf ata taf masakəŋa i dala, tə sàsara, tə dara, tə dzava aka na ŋgwal ŋa lele ya ya. Na Mbulum a sər mege dukw ana kuɗa ihər a kataya ya ana, kà dzalum ana, a sle a aà məma à gà Yahuda a təv mendze tar ata dukw tar tsiye, na tar ana ti ne gà ahər ŋa ana ndzer ŋa ya seyiŋ a?

RUMA 11:24 ပူးပေါင်းရင်းမြစ်များ

RUMA 11:23

Na gà Yahuda ata ta mbəɗara gər a təv ŋgar a, tàa gəs Yesuw ka, à me à ter a a təv mendze tar ata asa tsara, aɗaba ŋgat ka, tits a sle a aà mimèra à tar a, dukw ŋgar.

RUMA 11:25

A kurum gà damər gà ana gà Yahuda tsiye. A sèsiŋ i tsik a kurum a ka, dukw ana makàhà ŋa i təv Mbulum, aka pàtakwa dər akahər ata zukw tsiye. I tsik a ka, dukw ana, dite ki slwim a aà mesikehe à ba kurum ika miɗ ŋgar tsik asa tsiye. Araha na dukw ana i tsik a ya: Ama gà asiŋ ŋa i liwiŋ gà Isərayel ka, tàa ne aba gà mandàkugùrum kaɗəŋ. Kəla ka, gà dukw ata ta ge aaka aba kataya ya ka, à ndìviŋa. Ama say gà na gà Yahuda tsa, Mbulum a pala tar, testes tàa yahabaha gər a təv Mbulum ŋa ya dzekwiŋ. I fataya ka, ta mbìɗ a aba a təv ŋgar, ta gis a kuɗa.

RUMA 11:30

Kurum ana gà Yahuda tsiye, akahər ata ka, kàa gəsum ahəm aà Mbulum tsa. Ama kinehe ka, kàa ndzum are tsehe a Mbulum, a zal a kurum aɗəm avukw ŋa, agəra ana tar ta gəs ahər ahəm tsiye.