RUMA 11:20 - Bible Zulgo

²⁰ Kaɗəŋ, pàrsa tsa, kà tsik ka, ndzer. Mbulum a sàsara iɗəm a ka, agəra ana tàa gəs ŋgat tsiye. Kər kinehe ka, kàa ŋgat təv mendze yak, aɗaba ana kàa gəs a. Ama kəla ka, ka tə səkah à gər yak tsa, ki ger a magəɗa ivaɗ.

RUMA 11:20 ပူးပေါင်းရင်းမြစ်များ

Luka 18:14

Yesuw a gwaɗa a tar asa: «Iye ihər i gweɗe a kurum ŋa: Mala dùwan aaha, aləka a da a ma ka, aka mbər mene ŋgwal ŋa ika miɗ Mbulum, bakal ŋgar aka pəl kuɗa. Ama Farisa aaha ka, ŋgat ka, a ne ŋgwal ŋa tsa. Aɗaba na wura a sasar, tə zalar batsah ŋa ka, Mbulum a ne a ŋgat kəla ŋa ivaɗ. Ama wur ana aka ne à ba ŋgar kwizikw ika miɗ mburma ya ka, Mbulum a ne a ŋgat batsah ŋa asa mbaŋa.»

Gà Ɓəzla Meslire 18:6

Ama gà Yahuda ta gəs bazlam ata Pul a tsik a tar a tsa. Tə ndavayar pìslìɗìɗe. I dəba ŋa ya, a dara i liwiŋ tar a, a gàgə̀r aba ahəɗ tar à petek ŋgar a. Taŋa ka, kamala megweɗe ya: I miyak à kurum. Aləka i dəba ŋa ya, a gwaɗa a tar: «Na kàa dzeywim ka, bakal gà asa tsa, ahəm kurum dukw kurum. Daga kinehe ya, i de a ndàra nda təv gà mburma ana tar gà Yahuda tsiye.»

RUMA 11:18

Aɗaba taŋa, ka ta fə̀rum aà gà na ti ne kamala ahər dizl ɗaf ata tə sasara iɗəm piŋŋe kamala za ya tsa. Aàmala na ki gwim aba a zlapa dze ya? Kurum ka, kà nwim gà ɓəza ahər ŋa pəra. Aɗaba ndzəɗa ahər ŋa a dere a ka, i ba zlile ŋana ya, tsəka, ahər ŋa tsa na a vile a ndzəɗa a zlile ŋa ya.

RUMA 11:21

Aɗaba ana Mbulum aka məsak à gà Yahuda ana ti ne gà ɓəza ahər ana ika dizl a tsəna, kà dzala ana, a misek a à kər ɓav a, na kàa gəs ŋgat tsiye, na kər ana tə dzəv aaka kər medzìve ya?

RUMA 12:16

Gəsum aaba ahəm ka, tèrihhwè a təv ilik ŋa. Kà sə̀ŋgə̀rum à ba kurum aka gər gà mìsle ŋgiɗ nda mawàlà ika megemir a tsa. Ki giswim aaba a gà na zləm tar a riŋ tsiye mbaŋa. Ka tə samatum ba kurum ka, waytsà kamala ana kurum ka, gà ɓəzla masəra duwa hinne ya tsa.

RUMA 12:3

Mbulum aka giŋ ŋgwal ŋa, aka tike iye aà megemir ŋgar. Aɗaba taŋa, iye ihər i gweɗe a kurum a ilik ilik tserdze ka: Kà ɗwim à gər kurum, waytsà mər ŋa mà za biy na a tsahən aà mburma tsa. Ki dzelwim a ivaɗ ka, ku weke à fir aà ba ŋgar ka, meme na i ge a ya, dite i de a ndaka vatwa ana ŋgwal ŋa ya. Ki zezemwim a ka, dukw ana Mbulum a vəl a kurum i təv megìse ana kə̀ gəsum ŋgat a, na dite ki livwime a à gər kurum ka, dàyday a.

RUMA 3:3

I fataya ka, kurum ki gweɗwimiŋ ka: Na gà asiŋ gà mìsle ŋgiɗ ika magər tar, tàa zazam bazlam ata tsəna, meme? Ama iye ihər i gweɗe a kurum a asa ka: Na tàa zazam nda ndzer tsəna, wànà kà dzalum ana, Mbulum a ta ge a dukw ŋgar ana a tsik ndzer a asa tsiye?

1 Kurintiya 10:12

Aɗaba taŋa, wele ana a gweɗe a, waytsà iye mehìtsè ŋa ika vatwa Mbulum dzèŋŋe ya ka, say ma ge metsehe, tsəka, a ti dìɗ a ika vatwa Mbulum a.

1 Kurintiya 15:1

Gà damər gà, kinehe ka, a sèsiŋ bazlam ŋgwal ŋa ana i ɗif a kurum dər akahər ata ya, mə̀ mà a kurumara a gər a asa. Aɗaba kàa gəsum nda gəzləŋ, dite megìse kurum ata tekeɗe, ɓəŋɓəŋ lele.

1 Kurintiya 16:13

Ndzum ka, nda metsehe lele. Dite megìse kurum ana kə̀ gəsum ŋgwal bazlam ata nda gəzləŋ ilik a ka, ka dum dər aka miɗ aka miɗ. Arəv ma da aà kurum a tsa, gəzləŋ kurum ma ndza ka, ɓəŋɓəŋ lele.

2 Kurintiya 1:24

Ama mər ka, maa ne gà Əbay aà makwàrà kurum nda təv megìse kurum ana kə̀ gəsum a ɓav tsa. Aɗaba mì sər ka, kàa gəsum Yesuw Kiristi nda gəzləŋ kurum ɓəŋɓəŋ lele. Mì waya ka, ki gekwe a megemir nda gà kurum seyiŋ ivaɗ, na dite maŋgayaba kurum à sìkèh a ya.

2 Kurintiya 10:5

Dite mìi mbete a à bazlam gà mburma ana tə sə̀ŋgə̀rawa à ba tar, ta hìndìk a a vatwa a mburma, dite ka, tə sər Mbulum nda ndzer tsiye tserdze. Dukw ana mìi tsik a ya ka, a sàs a mər mburma ta miyak à madzala gà gər tar ana ŋgwala tsiye, dite ta gəs ahəm aà Kiristi ivaɗ.

FILIPIYA 2:12

A kurum gà masla gà ana i waya kurum hinne ya. Agəra ana kà sərum meme na Yesuw a gəs ahəm aà Mbulum a ka, kurum tekeɗe, gəsum ahər mbaŋa. Akahər ana iye i təv kurum a ka, kàa gəsum ahər ahəm lele. Ama kinehe, iye riŋ i təv kurum asa tsa tekeɗe ka, ki sìkèhwim a à metsehe, ki gwim a kataya hiywe. Kamala megweɗe ya: Mimbile ana Mbulum a mbəl à kurum a ka, say ki gwim a megemir ŋa nda ahər kurum ŋa mbaŋa. Ki gwim a ka, nda magəɗa Mbulum i ba slàɓ slàɓ, ki mirwim ahər aba a dzəŋdzəŋ lele.

KULUSIYA 2:7

Ndzum ka, i ahər ŋgar, kamala dizl ɗaf ana nduŋŋa meŋgè zlile ŋa i biye ya. Megìse kurum ana kə̀ gəsum ŋgat nda gəzləŋ a ka, ma da aka miɗ aka miɗ, ma ge ɓəŋɓəŋ lele. Gəsum ka, dukw ana ti ɗif a kurum dər a, dite ka, ki gwim kəkaaha a Mbulum kəla pat mbaŋa.

2 TESALUNIKE 2:4

Mala mene are ŋgar ata ka, a ge a gùvəl aà gà dukw ana gà mburma tì zlibe a dər a tserdze, ku mege nda təv Mbulum, mege nda təv dukùla tekeɗe ya. A gweɗe a ka, iye na a za gà dukw ata tserdze ya. Ama ndeyndey ŋa ka, a de a a ga Mbulum Batsah ŋana, a ti ndze a aka təv mendze ana gà mburma tì zlibe a dər a. A gweɗe a ka, iye na Mbulum a.

1 TIMUTE 6:17

Gwaɗa a gà ɓəzla limana ana ika gər ahəɗ kinehe ya ka, ti ɗe à gər tar agəra limana tsa, dite tə ta fə̀r aà limana tar ata kamala dukw ana ŋgwal ŋa ndzer a tsa asa. Aɗaba tə sər pat ana à ndìv a ya tsa. Say tə dzala ka, Mbulum na ŋgwal ŋa ndzer, a vile a kwe a dukw tserdze ya, dite na ki ŋgeyekwe a dər ba ya.

IBƏRANIKWA 3:12

Gà damər gà, gwim metsehe, aɗaba gəzləŋ wura ika magər kurum ma ta ge makula ŋa kamala taŋa ya tsa, dite ka, a niw a magəsa Mbulum, à mbìɗer a dəba, a ŋgat ana mala məvəla mesife ya tsa.

IBƏRANIKWA 3:19

Kamala taŋa ya kaɗəŋ ka, tàa sle aà mada a təv mendze ŋgar ata zayya, tì sifik a ba ya tsəka, aɗaba ana tàa gəs ŋgat nda gəzləŋ tsiye.

IBƏRANIKWA 4:11

Aɗaba taŋa, mərakwa aaka aba, dite ka, kə ŋgatakwa vatwa aà mede a təv mendze ŋgar ata zayya ŋa, ki sìfìkikwe a iɗəm ba ya. Gekwa metsehe, wura ilik ika magər kwa ya ma ta mà a dəba kamala gà tsir kwa ata ta gəs ahəm aà Mbulum tsiye tsa.

IBƏRANIKWA 4:6

Gà mburma ana, tə tsaraka bazlam ŋgwal ŋana malahalah ŋa ya ka, tàa sle aà mede a təv mendze ŋgar ata zayya ŋa, tì sifik a iɗəm ba ya tsəka, aɗaba ana tàa gəs ŋgat nda gəzləŋ tsiye. Ama kà sərakwa ndzer, gà asiŋ gà mìsle ŋgiɗ ka, ti diŋa.

YAKUBA 2:19

Kər kə̀ gəs ana Mbulum ana ŋgat ilik a tsiye? Taŋa ka, lele. Ama kə̀la ka, gà sitene tə sər mbaŋa, ti dzedzeriŋa, ta ger a magəɗa hinne.

YAKUBA 4:6

Ama ndzəɗa ŋgar ana a vəl a kwa ya ka, a za dər gà dukw meèweke ana i gəzləŋ kwa ya tserdze. A de a ka, aka miɗ aka miɗ kamala ana mewetse ŋa a riŋ i wakita Mbulum ka, ta gwa: «Mbulum a niw a gà ɓəzla zlapa, dite a vile a ndzəɗa a gà na ta həna à gər a bəɗ a.»*fb*

1 PIYER 1:17

I təv ana kà hamawumar a ka, kà zalawumar «Mbulum Tsir mər.» Ama taŋa ka, lele. Aɗaba mendze kurum ana ɗa ika gər ahəɗ a ka, kamala gà slele ya. Ku mege kurum i slele tekeɗe, ndzum ka, nda magəɗa Mbulum i gəzləŋ kurum lele. Aɗaba ŋgat a ge a seriye gà mburma tserdze ka, nda ndzer ŋa, tsəka, a wele a ikaba mburma ya mewele tsa. A ge a ter a seriye ka, ku weke nda megemir ŋgar ana a ge ya.

1 PIYER 5:12

Silas na a zlèk iye aà mewetse a kurumaha kəla wakita aaha ya. Aɗaba i sər, ŋgat ka, damər gà ndzer ŋa ana ika vatwa Mbulum a. I wetse a kurumaha bazlam aaha ka, aà məma a kurumaha à arəv, dite kə̀ ŋgatum ndzəɗa. I tsik a kurum taŋa ka, aka gər ŋgwal Mbulum ana a ge a kwe a nda ndzer kaɗəŋ a. Kamala taŋa ya na i tsik a kurum mbaŋa ya. Mərum aba aà dukw ata.

1 PIYER 5:9

Dzìrìk hitswim aka miɗ ŋgar nda ndzəɗa megìse kurum ana kə̀ gəsum Mbulum a gəzləŋ kurum a. Aɗaba kurum kà sərum, gà asiŋ gà damər kurum ana ika vatwa Mbulum, ku mege i ŋga ika gər ahəɗ tserdze ya ka, tar riŋ tì sèwèr a are kamala kurum a mbaŋa.

Sunwa Yuhana 18:7

Ta vəl a tar mesewere are hinne, arəv ma da dər aà tar a dùwaɗ, kamala Əbay tar ana ta ŋgat hinne, ta gewa məburnun a mbaŋa. Ta gwaɗawa i gər tar ka:

Sunwa Yuhana 3:17

Kurum ki gweɗwim a i gər kurum ka, waytsà mər ka, gà Əbay ŋa, maa ŋgat duwa tserdze, kuɗa duwa a ge a mər a asa tsa. Ama kurum ŋa kà sərum aaba tsa. Kurum ka, gà ɓəzla mesewere are ivaɗ. Ti zleŋe a kurum, kurum ka, gà matawak hinne, sagurɗumɗum petek ika kurum tsa, dite kurum ka, gà guluf asa mbaŋa.