RUMA 11:2 - Bible Zulgo

² Mbulum aka məsak à gà mburma ŋgar ana a pala tar daga aà gər malahalah ŋa ata ya tsa. Kurum kà sərum tsiye, na dukw ana i wakita Mbulum ka, Iliya a ge seriye aà gà Isərayel ika miɗ Mbulum a. A gwaɗa a Mbulum ka:

RUMA 11:2 ပူးပေါင်းရင်းမြစ်များ

Markus 12:26

Yesuw a gwaɗa a tar asa: «Dite aàla na ki wizwim a aà iye bazlam gà məməta ana ta mbilere a i biye ya ya? Wànà kàa dzeŋgwim təv ana i wakita Musa, Mbulum a fàfəlar agəra gà məməta ana ta mbilere a i biye ya te tsiye? Aɗaba mewetse ŋa iɗəm i fata ka, Mbulum a gwaɗarra i huɗ bagur adak ana dzaydzay ŋa ya: *fe*

Luka 4:1

Aləka Yesuw a rah nda Mezite Mesife Mbulum lele ka, a dara i dulwa Yurdan a. Dite Mezite Mesife Mbulum ata a da à ŋgat a kusak.

Yuhana 4:11

Məkəs ata a gwaɗar: «Əbay, araha sùwà kwitsikw, dite kwets dukw matəfara ŋa iɗəm a tekeɗe, a riŋ aà kər tsəna, ki ŋgeter a yam ata a vile a mesife a mburma ya dze ana, i ŋga ya?

Gà Ɓəzla Meslire 13:48

Aləka gà mburma ana tar gà Yahuda tsiye, tə tsaraka mifefile ata ka, ta ŋgaya ba hinne, dite tə dza ba aà mazàmbàɗà à bazlam Mbulum BATSAH kwa ŋa. Ama gà mburma ana Mbulum a pala tar, a vile a ter a mesife ana à ndìv a tsa aà biybiy ya ka, ta gəs bazlam ata nda gəzləŋ ilik tsara.

Gà Ɓəzla Meslire 15:18

I tsik aba ya daga piŋŋe, dukw ana i gwa, i ta ge a aka miɗ mba ya.> «*fa*

Gà Ɓəzla Meslire 3:17

Ama i sər gà damər gà, dukw ana kàa gwim nda gà Əbay kurum aà Yesuw a ka, kàa gwim ndzer, pàrsa iɗəm tsa, aɗaba kà sərum tsa pəra.

Gà Ɓəzla Meslire 7:40

Ama ta gwaɗa a Haruna: *fs*

RUMA 6:16

Kurum dze ana, kà sərum ti tsiye? Na bəla kàa vəlum ba kurum a wura, ki gweɗwim a, mìi gis ahər a ahəm ka, kàa nwim gà ɓele ŋgar na taŋa ya. Na bəla kurum ihər ki giswim a ahəm aà bakal ka, taŋa ka, kàa nwim gà ɓele bakal dukw ŋgar. I dəba ŋa ya ka, ki metwim a agəra bakal ata. Kige tsa na bəla kurum riŋ ihər ki giswim a ahəm aà Mbulum ivaɗ ka, kurum gà ɓele ŋgar na taŋa ya mbaŋa, dite ka, a ne à kurum a gà ŋgwal ŋa ika miɗ ŋgar.

RUMA 9:23

Dite a gà asiŋ ŋa ibam, a sasar à pèt a ter a à ndzəɗa ŋgar ana a za duwa tserdze, tì zlibe a dər a. A waya mege a tar ŋgwal ŋa, a zal a tar dər ka, daga piŋŋe na aà ta ŋgat ndzəɗa ŋgar ata ya.

RUMA 9:6

Ki gweɗekwe a ka, dukw ana Mbulum a tsik i sida ya, a gwa, i ta ge a a gà mburma gà ya ka, a ne a dukw taf masakəŋa tsa. Ama kəla ka, gà Isərayel fit tsa na ti ne gà mburma ŋgar a.

1 Kurintiya 6:2

Kurum kà sərum te tsiye, gà mburma Mbulum na ti ta ge a seriye a gà mburma ana ika gər ahəɗ a tserdze ya? Na kataya ana, dite meme na ki slwim a aà masàsà ikaba kəla bazlam ata ika magər kurum a te tsiye?

1 Kurintiya 8:3

Ama wur ana à sìŋgìr a à ba ŋgar tsa, a waya Mbulum ivaɗ a ka, ŋgat na Mbulum a gweɗe ahər a parakkà, wele aaha ka, biy ga ya.

FILIPIYA 1:22

Ama kə̀la ka, na iye riŋ mandza ŋa nda are mba ka, i ge a megemir ana à zlèk a mburma ya. Kamala taŋa ya, a giŋ gərəŋ gərəŋ na i liwiŋ gà bazlam ata sula ya. I zle a iɗəm ana, awara ya ka, i sər tsa.

IBƏRANIKWA 1:1

Akahər ata ka, Mbulum aka fàfəl a gà bàba gà tsir kwa medzige diŋ. A slərawa gà ɓəzla məma à guma ŋgar a təv tar, ta màwa a tar à bazlam ŋgar ndaka vatwa ŋgiɗ pampam.

1 PIYER 1:2

Daga piŋŋe, Mbulum Tsir kwa a sər dukw ana a ta ge a kurum a ya. A pala kurum ka, dite ka nwim gà mburma ŋgar, nda ndzəɗa Mezite Mesife ŋgar. A sasar ka, ki giswim a ahəm aà Yesuw Kiristi, à gwetseke aà kurum a məmbəz ŋgar, na dite ki ndzwim a tsəɗaŋŋa ika miɗ Mbulum a. Mbulum ma ge a kurum ŋgwal ŋgar hinne, dite mə vəl a kurum matasla yam a gəzləŋ kurum aka miɗ aka miɗ mbaŋa.