RUMA 11:11 - Bible Zulgo

¹¹ Aɗaba taŋa, kinehe ka, i wiziŋa: Na kataya dze ana, wànà gà Yahuda ata tə dza ika vatwa ya ana, tàa dzeye kweleŋ a? Awaŋ, tàa dzeye tsa. Ama ka, agəra ana ta ge bakal a, na gà asiŋ gà mburma ŋgiɗ ta ŋgat vatwa ana Mbulum a mbil a dər à tar a ya. A ge dər kataya ka, na dite gà Yahuda ta ge aaka are nda təv tar a.

RUMA 11:11 ပူးပေါင်းရင်းမြစ်များ

Luka 20:16

Ama a gwaɗa a tar: «A dehe a ka, a bets a iɗəm gà ɓəzla megemir dizl ɗaf ŋgar ata ya fit, dite à dze aɗəm a gà mìsle ŋgiɗ awiya ŋa asa.» Ama gà mburma ata tə tsaraka bazlam ŋgar ata kataya ka, ta gwaɗar aaka: «Gà dukw ata tserdze ya ka, a ge a ba diydiy tsidze.»

Gà Ɓəzla Meslire 13:42

Aləka i təv ana gà Pul nda Barnabas tə ndəv à mifefile tar ata ya ka, tə dara i ga mahàmà aà Mbulum a. Gà mburma ata i fataya, ta gwaɗa a tar: «Mbə̀ɗumara gər a a pat mesìfìkà ba ŋgiɗ a, ka tsikwim a mər guma aaha asa.»

Gà Ɓəzla Meslire 18:6

Ama gà Yahuda ta gəs bazlam ata Pul a tsik a tar a tsa. Tə ndavayar pìslìɗìɗe. I dəba ŋa ya, a dara i liwiŋ tar a, a gàgə̀r aba ahəɗ tar à petek ŋgar a. Taŋa ka, kamala megweɗe ya: I miyak à kurum. Aləka i dəba ŋa ya, a gwaɗa a tar: «Na kàa dzeywim ka, bakal gà asa tsa, ahəm kurum dukw kurum. Daga kinehe ya, i de a ndàra nda təv gà mburma ana tar gà Yahuda tsiye.»

RUMA 10:19

Taŋa ka, i wiz a biy ŋgiɗ asa: Wànà gà Yahuda dze ana, tə tsaraka ti tsiye? Ama ka, tàa tsaraka dukw ŋgar. Ta gəs tsa pəra. Musa tekeɗe, aka mbər metsike aka gər bazlam ata. A gwa, Mbulum a gwa ka: «I ge a dukw ana, dite kurum gà mburma gà ki gwim aaka a are nda təv gà asiŋ gà mburma ana taf masakəŋa ya, nda gà ki gwim a arəv nda təv gà asiŋ gà mìsle ŋgiɗ ana tə sər duwa tsiye mbaŋa.»*fh*

RUMA 11:1

Kamala taŋa ya, Kinehe ka, i wiziŋa. Na kataya ana, wànà Mbulum aka məsak à gà mburma ŋgar ata ya? Awaŋ, aka məsak à tar tsa. Iye nda gər gà tekeɗe ka, kəla gà Isərayel ana i gwala Abəraham a. I dara ka, i hwife Benyamin a.

RUMA 11:12

Akahər bakal tar ata ta ge ya ka, Mbulum a ge ŋgwal ŋa ka, a gà asiŋ gà mburma ana ika gər ahəɗ tserdze ya. Agəra medìɗè tar ata tə dəɗ ika vatwa ŋgar a ka, a pise ahəm a gà asiŋ gà mìsle ŋgiɗ hinne kuɗa. Dite na gà Yahuda tserdze ta mbəɗ gər a təv ŋgar ana, a pisakwe a ahəm ana, à zè a taŋa tsiye.

RUMA 11:14

A sèsiŋ ka, bəla gà asiŋ ga ta ŋget a megemir ata i ge a ya ka, dite ŋgwilwim ŋgwilwim ta ge a are aka mege megemir ata i ge a ya, dite ka, tə dara, ta ge kataya, dite na Mbulum a mbil a à tar a.

RUMA 11:31

Kamala taŋa ya, i təv tar kinehe tekeɗe, kataya mbaŋa. Tar ihər ta gis a ahəm aà Mbulum tsa, dite na a ge a kurum aɗəm ŋgwal ŋa avukw ŋa ya. Dukw ata a ge ba kataya ka, na dite tar tekeɗe, ta mbìɗ a aba a təv Mbulum, tì ndzer a are tsehe ya.