RUMA 11:10 - Bible Zulgo

¹⁰ Mə bats aà tar are ya, na dite ta ŋget a a vatwa asa tsiye. Mesewere are ma ge a tar ba a gər hinne, dzaŋguvŋguv ta ŋguvaya dər ba.»*fd*

RUMA 11:10 ပူးပေါင်းရင်းမြစ်များ

RUMA 1:21

Ku mege tə sər Mbulum a riŋ tekeɗe ka, tì zlibe a à ŋgat kamala ana ŋgat Mbulum a tsa, dite ta ger a kəkaaha ɓav tsa asa mbaŋa. Kamala taŋa ya, madzala gà gər tar ana ti dzele a ya ka, taf masakəŋa. Ti ndze a ka, i lùvùŋ tìtìktìkka. Dite dukw ana ŋgwal ŋa ya ka, tə sər ɓav tsa asa.

RUMA 11:8

Ar ka, kamala ana a riŋ mewetse ŋa i wakita Mbulum ka, ta gwa: «Mbulum a ge a à madzala gà gər tar ka, daɗəkɗəkka. Kamala taŋa ya, bazùɓ aka mət aka tar zirìm zirìm, dite ndə̀kə̀zlə̀zlə̀mma ti sle aà metsereke a zləm ɓav tsa asa. Haa kinehe tekeɗe, ti ndze a ka, kamala taŋa ya.»*fc*

EFESIYA 4:18

Madzala gà gər tar ka, i luvuŋ. Tə sər dukw ana ndzer ŋa ya tsa. Mesife awiya ŋa ana Mbulum a vəl a ka, a riŋ i təv tar tsidze, aɗaba ana kuvəl i zləm tar a, ndàasun ŋana ka, na tə sər duwa tsidze ya.

2 Piyer 2:17

Gà mburma ata ti dzeŋge a bazlam pàrsa ya ka, ta bene a mburma. Tar ka, ti ndzikiɗ ba kamala biye yam ana ndèwsèlèŋŋe yam aka se iɗəm a ya. Dite ka, ti ndzikiɗ ba asa ka, kamala hulɓukw ana himbiɗ à sìweye a dər aà gəza mbulum pakàr pakàr masakəŋa, yam à dzer a iɗəm a tsiye ya. Ama tar ka, Mbulum aka làmbaɗa tar təv mawùràba ŋa ana i luvuŋ tìtìktìkka, are a da aba ya tsiye.

2 Piyer 2:4

Ku mege gà gawla Mbulum ana ta ge bakal akahər ata ya tekeɗe ka, Mbulum aka məlak à tar kataya tsa. A gasa tar, a dza tar a akwa ana a mbete a tsa aà biybiy a. Tar ka, mandza ŋa i luvuŋ ana tìtìktìkka ya. Ti ndze a i fata, haa a pat ana Mbulum a ge a ter a seriye ya.

Yuda 1:13

Tar asa mbaŋa ka, kamala duluv ana i batsah dula, himbiɗ a ɓezle a dər tsuɗkur tsùɗkùr tsuɗkur tsuɗkur a. Bakal tar à pèt a ka, kamala matsakufa yam ana dzə̀dzàràgùffa a ndze a i dula ya. Tar ka, kamala gà mawusawus ana ta kəzlaha ika vatwa ya, tì sìweye aà gəza mbulum a. Mbulum ka, aka làmbaɗa a tar təv i luvuŋ ana ziŋziŋ hinne ya. Ti ndze a i fata ka, aà biybiy, ti sle a aà madàra iɗəm a tsidze.

Yuda 1:6

Gà gawla Mbulum ana i gər ŋa ya tekeɗe, gà asiŋ ŋa iɗəm, a sàs a tar təv mendze ana Mbulum a vəl a tar kəla biy tar a tsa, ta miyak dər. Aɗaba taŋa na Mbulum a hə̀ndə̀k aà tar a təv luvuŋ ana ziŋziŋ ŋa ya ya. Ti ndze a i fata ka, gà madzàwàyà ŋa nda kedirtsè handəslndəsl aà biybiy. Ti ndze a i fata asa ka, ta bebe a haa a pat seriye Mbulum ana batsah ŋa a ta ge a a gà mburma tserdze ya.