RUMA 10:6 - Bible Zulgo

⁶ Ama vatwa ana mburma a ne a ŋgwal ŋa ika miɗ Mbulum agəra ana a gəs ŋgat nda gəzləŋ a ka, pampam. Mewetse ŋa a riŋ i wakita Mbulum aka gər vatwa ata ka, ta gwa: «Aàmala na ki dzele a i gər yak, ki gweɗe a ka, weke na a sle a aà matsəla a gəza mbulum a ya?»*fb* Kamala megweɗe ya, aà mazàlàra a mala məmbàlà à mburma ana Mbulum a gwa, i ti slir a kurumehe a ya, ma tarra a bəɗ a asa ya ya, aɗaba aka mbər medera.

RUMA 10:6 ပူးပေါင်းရင်းမြစ်များ

Yuhana 6:33

Aɗaba dukw mezime ata Mbulum a vile a a mburma ya ka, nda ahər wur ana a tarra i gər ŋa ya. Ŋgat na a ne dukw mezime ata, a vile a mesife a mburma ya.»

Yuhana 6:38

Aɗaba i tarra i gər ŋa ya ka, aà mege dukw ana a sèsiŋ a tsa. Ama i dara, i ge a ka, dukw wele ana a slər aakara iye ya.

Yuhana 6:58

Aɗaba taŋa, iye ihər i tsik a kurum a asa: Taŋa na a ne dukw mezime ana ndzer ŋa, a dara i gər ŋa ya ya. Ama ar ka, kamala biy na gà tsir kurum tə zəm akahər ata, dite ta mata ya tsa. Ama ku weke na aka zəm dukw mezime ata i viler a ya ka, à mìt a tsa, a ndze a aà biybiy.»

RUMA 3:22

Vatwa ata gà mburma ti ne a dər ŋgwal ŋa ika miɗ Mbulum a ka, aɗaba megìse tar ana ta gəs Yesuw Kiristi nda gəzləŋ a. Vatwa ata ka, biy gà na ta gəs ŋgat a tserdze, tsəka, biy gà Yahuda ɗekɗek tsa. Aɗaba i təv Mbulum ka, mburma tserdze kalkal ilik pəra.

RUMA 3:25

Mbulum a tike ŋgat kamala dukw ana ta kìɗer a ya, na dite à mìt a aɗaba kwa, məmbəz ŋgar a beye a à kwa i bakal a ya. Kamala taŋa ya, Mbulum a sər ba à kwa nda gà ŋgat ka, aɗaba ana kə̀ gə̀sakwa Yesuw Kiristi nda gəzləŋ kwa ya. A ge dər kataya ka, dite mburma tə sər dər, ŋgat ka, mala ndzer, a waya bakal tsa. Akahər ata ka, aka gəs gəzləŋ i təv bakal ana gà mburma ta gewa ya. A fə̀r ahər kamala ana aka ŋgatar tsiye. Ama aka bəra aaha kinehe ya ka, a ɗif dər a gà mburma kuɗa, aà tə sər dər ka, ŋgat mala ndzer, a waya bakal tsa. Ŋgat a sasar a ge a ka, dukw ana ndzer a, dite ŋgat asa ka, a waya a ne a à mburma gà ŋgwal ŋa ika miɗ ŋgar, na à gà na ta gəs Yesuw Kiristi nda gəzləŋ tar a.

RUMA 4:13

Kamala taŋa ya, Mbulum a tsik i sida ya, akahər ata ka, a gwaɗa a gà Abəraham nda gà ɓəza ŋgar: «I ta vile a kurum a mekwere gər ahəɗ tserdze, a ne a biy kurum.»*fc* Mbulum a tsik taŋa ka, aɗaba ana Abəraham aka zazam məpala ahəm ŋgar ata ya tsa. Ama a tsiker kataya ka, agəra ana a gəs ŋgat nda gəzləŋ a, na dite a ne à ŋgat ŋgwal ŋa ika miɗ ŋgar a.

FILIPIYA 3:9

Say mandza ŋa nda ŋgat ilik na i waya ya. Ama i ta gweɗe a ka, iye ŋgwal ŋa ika miɗ Mbulum, agəra dukw ana piŋŋe i ge ŋgwal ŋa, i zazam məpala ahəm gà Yahuda ya ka, i gweɗe a asa tsa. Ama kəla ka, duwa a riŋ ilik i sir a dər, i gweɗe a, iye ŋgwal ŋa ika miɗ ŋgar a ka, agəra ana i gəs Yesuw Kiristi nda gəzləŋ a. Mbulum na a ne à iye ŋgwal ŋa ya, aɗaba megìse ana i gəs ŋgat a.

IBƏRANIKWA 1:3

Ŋgat a riŋ à pèt a à mezlibe Mbulum ana tì zlibe a dər a, nda təv dzaydzay ŋana i təv ŋgar a. Aɗaba ŋgat na a zla ba kalkal kamala Mbulum a, dite ŋgat na a riŋ à gis a gà dukw ana tserdze ya, nda bazlam ŋgar ana ndzəɗa ŋa ya. A làmbaɗa vatwa ana Mbulum à pìl a dər à bakal a mburma ya, na dite ti ne a gà tsəɗaŋŋa lele ika miɗ ŋgar a. I dəba ŋa ya ka, a da a mbulum kuɗa. A daha, a ndza aka tsèke ahər mezime Mbulum, mala ndzəɗa batsah ŋana a kwere a gà dukw tserdze ya.

IBƏRANIKWA 11:7

Agəra megìse Nuhu ana a gəs Mbulum nda gəzləŋ akahər ata ya ka, a dzalawa aka dukw ana Mbulum a tsikewar, a ta ge a ba aka miɗ mba ya. Ku mege aka ŋgat a gà dukw ata ti ta ge a ba ya zukw tsa tekeɗe ka, aka gəs ahər ahəm. A làmbaɗa batsah slə̀làh yam ana gà mburma ŋgar tserdze ta beye dər à batsah yam ana a rah aka gər ahəɗ fèɗìɗe, dite ka, ti dzeye aɗəm asa tsiye. Nda megìse ŋgar ata a gəs Mbulum a ka, a pə̀z gər ahəɗ a bəɗ nda seriye. Gà mburma ana tə sər Mbulum tsiye ka, tàa dzeye fit. Kamala taŋa ya mbaŋa na Mbulum a zla ŋgat kamala mburma ŋgwal ŋa ya ika miɗ ŋgar ka, aɗaba megìse ŋgar ata a gəs ŋgat nda gəzləŋ a.*fc*