RUMA 10:3 - Bible Zulgo

³ Aɗaba tàa tsaraka vatwa ana Mbulum a ne a dər à mburma ŋgwal ŋa ika miɗ ŋgar a tsa. Tar riŋ ti yehe a vatwa ivaɗ ka, aà mene à ba tar ŋgwal ŋa i təv ŋgar nda ahər tar. Kamala taŋa ya, ŋgùɗak ta məsak aba à vatwa ana Mbulum a ne a dər à tar ŋgwal ŋa ika miɗ ŋgar a.

RUMA 10:3 ပူးပေါင်းရင်းမြစ်များ

Luka 10:29

Ama mala medzeŋge məpala ahəm Mbulum ata a sasar ka, mene à ba ŋgar mala ndzer ŋa. A tsam biy ŋgiɗ aà Yesuw asa, a gwaɗar: «I weye a mburma dze ana, gà weke?»

Luka 16:15

Ama Yesuw a gwaɗa a tar aaka: «Kurum ka, gà mburma ana ta ge a duwa ka, ika are mburma ya ɗekɗek a. Ama Mbulum ka, a sər gà gəzləŋ kurum. Aɗaba dukw ana gà mburma ta fir ahər a ŋgwal ŋa lele ndzer a ka, i təv Mbulum ka, ŋgwal ŋa tsa ndeyndey.

RUMA 1:17

Nda təv bazlam ŋgwal ŋa ata ka, Mbulum a riŋ ihər a ɗif a dər a gà mburma tserdze ka, meme na ti sle a aà mene gà ŋgwal ŋa ika miɗ ŋgar a. Ama na a ne a kataya ka, say gà na ta gəs Yesuw Kiristi nda gəzləŋ tar ɗekɗek pəra, daga aà malahalah ŋana ya, haa a tsikw a mandəvandəv ŋana ya, tsəka, vatwa ŋgiɗ ka, a riŋ tsa. Ar ka, kamala ana mewetse ŋa a riŋ i wakita Mbulum ka, ta gwa: «Wur ana aka gəs Mbulum nda gəzləŋ ŋgar a ka, Mbulum a ne a à ŋgat ŋgwal ŋa ika miɗ ŋgar, a viler a mesife.»*fa*

RUMA 10:2

I sər dukw ana ta ge a ya, ta waya matsahəna aà ba tar nda gəzləŋ ilik i təv Mbulum. Ama tə sər vatwa dukw ana ta ge a ya tsa. Ti ye a ba bə̀ram bə̀ram taf masakəŋa.

RUMA 10:20

I dəba ŋa ya, Ezaya, mala məma à guma Mbulum tekeɗe, a tsik parakkà lele. A gwa, Mbulum a gwa ka: «Gà mburma ana tàa yaha iye tsəka, aləka tar na ta ŋgat iye ya. I pàt à ba gà ka, a gà na tàa hemiŋ a tsiye.»*fi*

RUMA 11:7

Dite kinehe ana, ki gweɗekwe a ana, meme? Ki gweɗekwe a ka, dukw ana gà Isərayel ti yaha ka, ta ŋgat tsa. Ama kəla ka, mburma ndaw tsa na i liwiŋ tar Mbulum a pala tar, ta ŋgat a. Gà asiŋ aaha dze ya ka, tar gà ɓəzla segeme. A sàs a tar mezele Mbulum ana a zal a tar a tsa.

RUMA 3:22

Vatwa ata gà mburma ti ne a dər ŋgwal ŋa ika miɗ Mbulum a ka, aɗaba megìse tar ana ta gəs Yesuw Kiristi nda gəzləŋ a. Vatwa ata ka, biy gà na ta gəs ŋgat a tserdze, tsəka, biy gà Yahuda ɗekɗek tsa. Aɗaba i təv Mbulum ka, mburma tserdze kalkal ilik pəra.

RUMA 5:19

Aɗaba kà sərakwa, gà mburma hinne, ti ne gà ɓəzla bakal ka, agəra wele ata ilik a gəs ahəm aà Mbulum tsiye. I təv Yesuw Kiristi tekeɗe, ar ka, kamala taŋa ya mbaŋa. Gà mburma hinne, ti ne gà ŋgwal ŋa ika miɗ Mbulum ka, aɗaba ana ŋgat ilik a gəs ahər ahəm a.

2 Kurintiya 5:21

Kiristi ka, aka ge bakal duwa ilik tsidze. Ama ka, Mbulum a zla bakal kwa tserdze, a tike aka gər ŋgar. A ge dər kataya ka, aɗaba kwa, dite i təv ana kwa mandza ŋa i təv ilik ŋa nda gà Kiristi ya ka, a ne a à kwa gà ŋgwal ŋa ika miɗ ŋgar.

FILIPIYA 3:9

Say mandza ŋa nda ŋgat ilik na i waya ya. Ama i ta gweɗe a ka, iye ŋgwal ŋa ika miɗ Mbulum, agəra dukw ana piŋŋe i ge ŋgwal ŋa, i zazam məpala ahəm gà Yahuda ya ka, i gweɗe a asa tsa. Ama kəla ka, duwa a riŋ ilik i sir a dər, i gweɗe a, iye ŋgwal ŋa ika miɗ ŋgar a ka, agəra ana i gəs Yesuw Kiristi nda gəzləŋ a. Mbulum na a ne à iye ŋgwal ŋa ya, aɗaba megìse ana i gəs ŋgat a.

2 Piyer 1:1

Na a wetse a kurumaha wakita aaha ka, iye Simun Piyer ana iye mala megemir Yesuw Kiristi ana i gewar meslire ya. I wetseha wakita aaha ka, a kurum ana kà gəsum Yesuw Kiristi nda gəzləŋ kurum tserdze, kalkal kamala mər ana mì gəs ŋgat mbaŋa ya ya. Vatwa megìse ata ka, dukw ŋgwal ŋa. Yesuw Kiristi a vəl a kwa vatwa ata ka, dite ku weke mà gəs ŋgat. Aɗaba ŋgat ka, mala ndzer ŋa, a wele a ikaba mburma ya tsa. Ŋgat ka, Mbulum, a mbəl à kwa i bakal kwa ya.