RUMA 10:2 - Bible Zulgo

² I sər dukw ana ta ge a ya, ta waya matsahəna aà ba tar nda gəzləŋ ilik i təv Mbulum. Ama tə sər vatwa dukw ana ta ge a ya tsa. Ti ye a ba bə̀ram bə̀ram taf masakəŋa.

RUMA 10:2 ပူးပေါင်းရင်းမြစ်များ

Yuhana 16:2

Ti ti delewere a kurum i ga mahàmà a Mbulum tar a. Pat ŋa a riŋ a ndzere a ka, wura à kiɗ a aà kurum a, a gweɗe a, i ge taŋa ka, dukw ana a tsahən aà Mbulum a.

Gà Ɓəzla Meslire 21:20

Tə tsaraka bazlam ata lele ka, tə dza ba aà mazàmbàɗà à Mbulum. Aləka i dəba ŋa ya, ta gwaɗa a Pul: «Samata kwaŋ, damər mər, i faha ka, gà Yahuda hinne na tàa gəs Yesuw a. Ama hiywe tar riŋ ta ge a iɗəm metsehe a məpala ahəm Musa ya.

Gà Ɓəzla Meslire 21:28

Gà mburma ata ibam, ta wideye aaba hinne, ta gwaɗa a gà asiŋ gà mburma: «Dumara tsəma, kurum gà mburma aaha i Isərayel a. Araha, na wele ana a tsikewa manəsa bazlam nda təv gà Isərayel a, dite ka, nda təv məpala ahəm Musa ya, dite nda təv ga Mbulum batsah ŋa aaha kwa iɗəm a asa. Ama a zeke a dər ndeyndey, aɗaba araha, aka ndzəkara gà mburma ana gà Yahuda tsiye, a təv aaha ŋgwal ŋa lele tsəɗaŋŋa biy Mbulum a. Tàa nəs dər.»

Gà Ɓəzla Meslire 22:22

Gà mburma tə dza zləm a mifefile Pul ata lele. Ama i təv ana a riŋ a tsik a ter a bazlam ata, a gwa ka, i de a a təv gà na gà Yahuda tsiye ka, a tsəɓ a tar hinne. Əndats tə tə̀rə̀tsar ikaba bazlam ata ya. Tə dza ba aà Mewideye, ta gwa: «Kə̀ɗakwa wele aaha fit a biye daw. Ŋgulum mə̀ mət iɗəm a, tsəka, ma ndza à bəra tsa.»

Gà Ɓəzla Meslire 22:3

«Iye ka, gà Yahuda. Ta wa iye ka, i kwite Tarsus ika ahəɗ Kilikiya. Ama i gəl ba ka, i faha i Yeruzalem. Ama mala medzeŋge məpala ahəm Mbulum Gamaliyel na a ɗifiŋ à məpala ahəm Mbulum gà tsir kwa nda ndzer ŋa lele ya. Akahər ata ka, Yàa zazam fəla gà tsir kwa tikwitstse kamala kurum ana ki zezemwim a kinehe ya mbaŋa.

RUMA 10:1

Gà damər gà, a sèsiŋ i gəzləŋ gà hinne, i waya na gà mburma ana i gwala gà ya, ta mbele a ya. I misek a à mahàmà a Mbulum tsa, aɗaba tar.

RUMA 10:3

Aɗaba tàa tsaraka vatwa ana Mbulum a ne a dər à mburma ŋgwal ŋa ika miɗ ŋgar a tsa. Tar riŋ ti yehe a vatwa ivaɗ ka, aà mene à ba tar ŋgwal ŋa i təv ŋgar nda ahər tar. Kamala taŋa ya, ŋgùɗak ta məsak aba à vatwa ana Mbulum a ne a dər à tar ŋgwal ŋa ika miɗ ŋgar a.

2 Kurintiya 4:4

Tə tsaraka bazlam ŋgwal ŋa ata tsəka, aɗaba ana Əbay sitene, mala makwàrà gər ahəɗ aaha, aka ge à tar guluf i huɗ metsehe tar, dite ta gəs tsiye. Aɗaba a waya tsa na ta ŋget a a dzaydzay ana à div a i təv tar a ya. Dzaydzay ata a dara ka, i huɗ ŋgwal bazlam ata aka gər ndzəɗa Yesuw Kiristi ana tì zlibe a dər a. Aɗaba Mbulum nda gər ŋgar a pàt à ba ka, nda təv Kiristi.

2 Kurintiya 4:6

I təv ana Mbulum a ge gər ahəɗ akahər ata ya ka, a gwa: «Dzaydzay mà də̀v i luvuŋ.» Ama Mbulum ŋa ka, taŋa ilik hiywe na a vəl dzaydzay ŋgar ata à div a i gəzləŋ mər a mbaŋa. A ge dər kataya ka, aà məpàtà à ndzəɗa ŋgar ana tì zlibe a dər, à div a ika miɗ Kiristi ya. Aɗaba taŋa na mər ihər mìi tsik a bazlam ŋgwal ŋa ata a mburma ya.

2 Kurintiya 8:3

Iye ihər i tsik a kurum ŋa: Tàa dzaya siŋgwe hinne, kamala ana ndzəɗa tar a sle ya. Awaŋ, kataya tsa. Ŋgulum i gweɗe a ka, tə dza ka, a za ndzəɗa tar kweleŋ fètìte. Mandza siŋgwe ata tə dza ya ka, nda meweye tar, tsəka, wura na a tsik a tar a tsa asa mbaŋa.

GALATIYA 1:14

I huɗ madzala gà gər gà ata ya ka, i za dər gà asiŋ gà màndàla gà hinne, na nda mazazama fəla gà Yahuda ya. I vəl ba gà fit a məpala ahəm gà tsir mər, i ge ka, tèrihhwè lele.

GALATIYA 4:15

Akahər ata ka, kə̀ ŋgayawum ba ka, hinne. I sər ndzer, na mege a ge a ba ka, ana ka, kàa ndzahumara gà are kurum i gər a, ùndzuɗ ùndzuɗ kàa dzwìmiŋ. Dite meme na ki ŋgeywim a ba kinehe asa tsiye?

FILIPIYA 1:9

I hamawa a Mbulum aɗaba kurum ka, dite mawàyà ba ana ki weywim a ba ika magər kurum ilik ilik tserdze ya, mà səkah aaka aka miɗ aka miɗ. Kamala taŋa ya ka, ki sirwim a ndzer ŋa lele, dite ki slwim a aà masəra ikaba à gà dukw ana naha ka, a da ndaka vatwa Mbulum, kige tsa, naha ka, a da dər tsiye.

FILIPIYA 3:6

Yàa zazam fəla gà Yahuda kalkal lele. Yàa ɗif dər a mburma tèrihhwè lele mbaŋa, i təv ana i sèwèr are a gà na tə zazam vatwa Yesuw a. Yàa nəs à məpala ahəm mər ilik tsidze. Nda təv fəla mər ka, iye ka, ŋgwal ŋa hinne.

KULUSIYA 4:13

Iye ka, Yàa ŋgatar nda are gà, meme na a riŋ a ge a megemir hinne, aɗaba kurum, dite agəra gà mburma Mbulum ana i Lawdikiya ya, nda gà na i Hiyerapulis a mbaŋa ya.