RUMA 10:17 - Bible Zulgo

¹⁷ Kamala taŋa ya, wur ana à gis a bazlam ata ka, say na aka tsaraka ya. Aka tsaraka tekeɗe ka, say na ti tsiker aka gər Yesuw Kiristi ya dzekwiŋ.

RUMA 10:17 ပူးပေါင်းရင်းမြစ်များ

Markus 4:24

Yesuw a gwaɗa a tar asa: «Ama ka, gwim metsehe a dukw ana i tsik a kurum a ya lele, dite ki gwim a metsehe a dukw ana ki gwim a a gà mburma ŋgiɗ pampam a asa. Dukw ana kàa gwim a tar a ka, Mbulum tekeɗe, à me a kurum a dər aɗəm ka, kamala taŋa ya mbaŋa. Ama ŋgat kəla ka, à zè a dər biy na kì gwim a ter a fit.

Luka 11:28

Ama Yesuw a gwaɗar aaka: «Seyiŋ tsa ivaɗ, maŋgayaba ka, ika gər gà mburma ana ti tsereke a bazlam Mbulum, ta gis ahər a ahəm lele ya.»

Luka 8:11

I dəba ŋa ya, Yesuw a gwaɗa a tar kuɗa: «Bazlam minew ata a sasar aà megweɗe ka, na a ne hwife ka, bazlam Mbulum.

Luka 8:21

Ama Yesuw a gwaɗa a gà mburma ana i təv ŋgar i fataya: «Gà mama gà nda gà damər gà ka, gà mburma ana tar riŋ tì dze a zləm a bazlam Mbulum, dite ta gis ahər a ahəm a.»

Yuhana 1:37

Gà ɓəzla mazazama Yuhana ata sula ya, tə tsaraka dukw ana a tsik a ka, tə zazam Yesuw.

RUMA 1:16

Iye ihər i ɗif a à bazlam ŋgwal ŋa ata ka, parakkà, hwarwa a giŋ a tsa. Aɗaba bazlam ŋgwal ŋa ata ka, ndzəɗa Mbulum iɗəm, a sle a aà məmbə̀là à gà na ta gəs Yesuw Kiristi nda gəzləŋ tar tserdze ya. Malahalah ŋa ka, a mbil a à gà Yahuda, dite i dəba ŋa ya, a mbil a à gà mburma ana tar gà Yahuda tsiye mbaŋa.

RUMA 10:14

Kaɗəŋ. Ama na tàa gəs BATSAH kwa ŋa nda gəzləŋ tar tsəna, dite meme na ta hemer a ya? Na tàa tsaraka maɗə̀và zləm ŋgar tsəna, meme na ta gis a ŋgat nda gəzləŋ tar a? Na wura aka tsik a tar bazlam ŋgar tsəna, meme na ti tsereke a ya?

2 Kurintiya 2:17

Ama mər ka, mìi sle a aà mege ŋa, agəra ana Mbulum a slər ahər mər a, tsəka, mìi sle a ɓav tsa. Aɗaba gà mburma hinne, na ti tsikewa bazlam Mbulum a mburma ka, ta fə̀r ahər kamala dukw metsèkèle ya. A sàs a tar aà maŋgata dər nuba. Ama mər ka, mì gewa dər kamala taŋa ya tsa. Mì tsikewa bazlam ŋgar a mburma ka, nda gəzləŋ ilik ika miɗ ŋgar, agəra ana mər ka, gà ɓəzla meslire Kiristi ya.

GALATIYA 3:2

I tsèm aà kurum a ka, duwa ilik pəra. Wànà Mezite Mesife ana Mbulum a vəl a kurum ana, agəra ana kà zazamum məpala ahəm gà Yahuda ya ya? Awaŋ, Mbulum a vəl a kurum Mezite Mesife ŋgar ka, agəra ana kàa dzum zləm a bazlam ŋgwal ŋana, dite kə̀ gəsum Yesuw Kiristi nda gəzləŋ kurum a. Wànà kataya tsiye?

GALATIYA 3:5

Aɗaba Mbulum a riŋ ihər a vile a kurum Mezite Mesife ŋgar, dite a riŋ ihər a ge a gà dukw mene aà mburma ŋgiɗ pampam ika magər kurum mbaŋa asa. A ge taŋa dze ana, wànà agəra ana kà zazamum məpala ahəm gà Yahuda ya ya? Awaŋ, a ge taŋa ka, agəra ana kàa dzum zləm a bazlam ŋgwal ŋana, dite kàa gəsum Yesuw Kiristi nda gəzləŋ kurum a.

KULUSIYA 3:16

Vəlum vatwa a bazlam Yesuw Kiristi, tsìsl mà rah a gəzləŋ kurum lele, ka dzalum aaka gà gər hiywe. Ɗifwim aba à vatwa ika magər kurum. Ɗifwim aba dər aba nda zèyezèye, kamala ana Mbulum a vəl a kurum metsehe ya. Zàmbaɗum à Mbulum nda gà dimis pampam. Làhum gà dimis ana Mezite Mesife ŋgar a ɗif a kurum dər a. Làhum gà dimis ata a Mbulum, nda megèr kəkaaha i gəzləŋ kurum hinne.

1 TESALUNIKE 2:13

Mìi misek a à mege kəkaaha a Mbulum tsidze, aɗaba akahər ana mì ɗif a kurum à bazlam Mbulum a ka, kàa gəsum kamala taŋa ya. Kurum kà sərum, bazlam ata a dara ka, i təv Mbulum a, tsəka, bazlam gà mburma ana taf masakəŋa ya tsa. Ndzer kaɗəŋ, bazlam ata ka, biy Mbulum dukw ŋgar. Ar ka, ndzəɗa ŋa, a ge a megemir i ba kurum ana kurum gà mburma Mbulum a.

IBƏRANIKWA 4:2

Aɗaba kwa tekeɗe ka, kàa tsarakukwa bazlam ŋgwal ŋana kamala ana akahər ata gà tsir kwa ata i kusak tə tsaraka ya mbaŋa. Ama bazlam ata ka, aka ge a tar ŋgulum ɓav tsa, agəra ana ku mege tàa tsaraka tekeɗe ka, tàa gəs a gəzləŋ tar tsiye.

1 PIYER 1:23

Aɗaba kà sərum, Mbulum a vəl a kurum mesife awiya ŋa, nda ndzəɗa bazlam ŋgar ana a vile a mesife a mburma, diydiy à ndìv a tsiye. Kurum ka, kàa nwim gà ɓəza Mbulum ana ŋgat à mìt a tsidze ya. Ŋgat ka, kamala kwa ana ki metekwa a ya tsa.

Sunwa Yuhana 1:9

Iye Yuhana, damər kurum na a wetse a kurumaha wakita aaha ya. Iye nda gà kurum ka, kwa mandza ŋa i təv ilik ŋa nda gà Yesuw Kiristi. Aɗaba taŋa, iye kinehe ka, i sèwèr a are kamala kurum a mbaŋa. Iye riŋ ihər i bès a gəzləŋ mesewere are ata nda gà kurum, na dite ki ndzekwe a i *mekwere Mbulum ana a kwere a ya, nda gà kurum tserdze asa mbaŋa ya. Iye ka, ta gəs iye, tə da à iye aka ahəɗ ana malàwàrà ŋa nda yam, tə zalar Patmus a. Megìse ana ta gəs iye ya ka, agəra ana i tsikewa bazlam Mbulum parakkà, i gwaɗawa ka: «Yesuw na a ɗif a kwa à vatwa ndzer ŋana ya.»