RUMA 10:10 - Bible Zulgo

¹⁰ Aɗaba a mbil a, a ne a dər ŋgwal ŋa ika miɗ ŋgar ka, say à wur ana aka gəs Yesuw nda gəzləŋ, aka tsikara ika arah a, ŋgat na Batsah ga ŋa ya, parakkà lele ya.

RUMA 10:10 ပူးပေါင်းရင်းမြစ်များ

Markus 9:23

Yesuw a gwaɗar aaka: «Aàmala na kù gwa ka, kà sle aà mege duwa ka, zlak mər te ya? Ama dukw tserdze ka, mawùràba ŋa tsa, na kər riŋ kàa gəs iye nda gəzləŋ yak a.»

Luka 8:15

Dite gà mìsle ŋgiɗ pam asa ka, ti ndzikiɗ ba wur daw ana a dza aka ahəɗ ŋgwal ŋana. Ti tsereke a bazlam Mbulum, ta gis a a gəzləŋ tar lele nda maŋgayaba. Bəla mesewere are aka ndzera ka, hiywe ta misek a dər tsa, ta ge a dukw ana a ge a ŋgulum a Mbulum a.»

Gà Ɓəzla Meslire 8:37

{Filip a gwaɗar aakaha: «Na kàa gəs Yesuw Kiristi nda gəzləŋ ilik ka, ti tsilwiɓ à kər a a yam.» Wele ata a gwaɗar aakaha asa: «Yàa gəs nda gəzləŋ ga ilik. Ŋgat ka, Kəla Mbulum.»}

RUMA 10:11

Aɗaba mewetse ŋa a riŋ i wakita Mbulum ka, ta gwa: «Ku weke tekeɗe, wur ana aka gəs a ka, birek birek duwa a ger a tsa.»*fc*

RUMA 10:9

Na kàa gə̀sakwa nda gəzləŋ, kàa tsikikwa ika miɗ mburma parakkà, Mbulum na a mbəlara à Yesuw i məməta ya, dite na a ne BATSAH kwa ŋa ya ka, Mbulum a ta mbil a à kwa mbaŋa.

GALATIYA 2:16

Ama ku mege kataya tekeɗe, kà sərakwa ndzer, wura ilik ŋgwal ŋa ika miɗ Mbulum tsidze, say wele ana aka gəs Yesuw Kiristi nda gəzləŋ a. Tsəka, wele ana a tike madzala gà gər ŋgar aka məpala ahəm gà Yahuda ya ka, a ne a ŋgwal ŋa tsa. Kwa tekeɗe ka, kàa gə̀sakwa Yesuw Kiristi nda gəzləŋ, na dite Mbulum a samata taŋa ka, à gis a kwa kamala kwa gà ŋgwal ŋa ika miɗ ŋgar a. A ge kataya ka, agəra ana ka zazamakwa məpala ahəm gà Yahuda ya tsa. Aɗaba ta wetse i wakita Mbulum akahər ata ka, ta gwa: «*fa*

FILIPIYA 3:9

Say mandza ŋa nda ŋgat ilik na i waya ya. Ama i ta gweɗe a ka, iye ŋgwal ŋa ika miɗ Mbulum, agəra dukw ana piŋŋe i ge ŋgwal ŋa, i zazam məpala ahəm gà Yahuda ya ka, i gweɗe a asa tsa. Ama kəla ka, duwa a riŋ ilik i sir a dər, i gweɗe a, iye ŋgwal ŋa ika miɗ ŋgar a ka, agəra ana i gəs Yesuw Kiristi nda gəzləŋ a. Mbulum na a ne à iye ŋgwal ŋa ya, aɗaba megìse ana i gəs ŋgat a.

IBƏRANIKWA 10:22

Aɗaba taŋa, gə̀sakwa Yesuw Kiristi nda gəzləŋ ilik lele. Madzala gà gər kwa ka, ma ge wàkit wàkit tsa. Dite sìrìkikwa a təv Mbulum ka, ndiɓ nda gəzləŋ ilik mbaŋa. Aɗaba Yesuw aka bara gəzləŋ kwa nda məmbəz ŋgar, dite aka bara kwa nda yam ŋgar ana tsəɗaŋŋa ya asa mbaŋa.

IBƏRANIKWA 3:12

Gà damər gà, gwim metsehe, aɗaba gəzləŋ wura ika magər kurum ma ta ge makula ŋa kamala taŋa ya tsa, dite ka, a niw a magəsa Mbulum, à mbìɗer a dəba, a ŋgat ana mala məvəla mesife ya tsa.

1 Yuhana 4:15

Wur ana a gweɗe a ka, Yesuw Kiristi ŋgat Kəla Mbulum a ka, Mbulum a ndze a i təv ilik ŋa nda gà ŋgat. Ŋgat tekeɗe ka, ti ndze a i təv ilik ŋa nda Mbulum mbaŋa.

Sunwa Yuhana 2:13

I sər təv ana kurum mandza ŋa iɗəm a. Təv ata ka, i mekwere Əbay sitene ana a kwere a ya. Ama kəla ka, kàa miyakum à iye tsa, kàa dum aka miɗ nda megìse kurum ana kə̀ gəsum iye nda gəzləŋ kurum a, ku mege i təv ana ta kəɗ aà kurum Antipas, wele ana mburma gà ndzer, a ɗif à zləm gà tekeɗe ya. Ta kəɗ ŋgat ka, ika magər kurum a, i təv ana Əbay sitene mandza ŋa iɗəm a.