RUMA 1:9 - Bible Zulgo

⁹ Ku mege ndeɗime, i hamawa a Mbulum ka, aɗaba kurum. Ama Mbulum ana i ger a meslire nda gəzləŋ ilik, i ɗif a à ŋgwal bazlam ata aka gər Kəla ŋgar a ka, a sər, dukw ana i tsik a ya ka, ndzer kaɗəŋ, pàrsa iɗəm tsa.

RUMA 1:9 ပူးပေါင်းရင်းမြစ်များ

Markus 1:1

Naha Ŋgwal Bazlam ana a ɗif à Yesuw Kiristi Kəla Mbulum a.

Luka 18:1

I dəba ŋa ya, Yesuw a tsik bazlam minew a gà ɓəzla mazazama ŋgat ata, aà meɗife a tar dər ka, say ta hama a Mbulum hiywe, ti ye ba tsidze.

Gà Ɓəzla Meslire 12:5

I fataya tsara ka, gà mburma ata ibam, ta kaslawa Piyer kuɗa. Ama ka, gà mburma Mbulum ta hamawa a Mbulum tserdze kəla pat nda gəzləŋ ilik agəra Piyer.

Gà Ɓəzla Meslire 19:21

I dəba gà dukw ata ta ge ba ya ka, Pul a dzala, a gwa: «I de a a Yeruzalem.» A de a ndaka ahəɗ Makaduniya, dite ndaka ahəɗ Akaya mbaŋa. A gwa asa: «I təv ana Yàa da ya ka, say i ndze a a Ruma mbaŋa.»

Gà Ɓəzla Meslire 24:14

Ama kəla ka, ndzer ŋa na i ge a meslire Mbulum gà tsir mər ka, nda mazazama vatwa Yesuw ana ta gwa, fəla pàrsa ya. Tsaatsa, iye tekeɗe, Yàa gəs dukw ana mewetse ŋa i wakita məpala ahəm Musa nda biy gà ɓəzla məma à guma Mbulum a fit dze.

Gà Ɓəzla Meslire 27:23

Aɗaba i huɗ həvəɗ aaha mbakum a ka, gawla Mbulum ana iye mburma ŋgar, iye riŋ i ger a meslire ŋgar a, aka dara a təv ga ya.

Gà Ɓəzla Meslire 3:26

Kərga taŋa ya, Mbulum a lah meslirra Kəla ŋgar a ka, a təv kurum a dzekwiŋ. A slərra ŋgat a ka, aà mipìsè a kurum ahəm nda məmbə̀ɗà à gər i təv dukw ana ŋgwal ŋa tsiye tserdze.»

RUMA 9:1

Bazlam aaha i tsik a ya ka, ndzer kaɗəŋ, aɗaba ana iye, mala magəsa Yesuw Kiristi, dite na i ses a pàrsa tsiye. Mezite Mesife Mbulum na a ɗifiŋ à dukw ana i tsik a ya ka, ndzer kaɗəŋ, pàrsa iɗəm tsiye. I madzala gà gər gà tekeɗe, kataya mbaŋa.

2 Kurintiya 1:23

Ama Mbulum ka, mala sida gà. Ma lekiŋ, na kige i sàs pàrsa ya. Taŋa Yàa daha a təv kurum a Kurintiya zukw tsəka, aɗaba i waya tsa na i vile a kurum a matsəɓatsəɓ a gəzləŋ kurum a.

2 Kurintiya 11:31

Mbulum Tsir Yesuw BATSAH kwa ŋa ka, a sər, dukw ana iye ihər i tsik a ya ka, ndzer, tsəka, pàrsa iɗəm tsa. Ku weke mà zlə̀b à ŋgat aà biybiy.

GALATIYA 1:20

Mbulum a sər dukw ana i tsik i fataya ka, ndzer, i ses a pàrsa tsidze.

EFESIYA 6:18

Hamum a Mbulum nda gəzləŋ ilik kəla pat, dite gwimer kamkam nda ndzəɗa Mezite Mesife ŋgar. Ka ti ywim ba tsa, ndzum nda metsehe, hamum a Mbulum kəla pat agəra gà asiŋ gà mburma ŋgar ŋgiɗ.

FILIPIYA 1:3

Ku mege ndeɗime tekeɗe, na kàa mwimiŋera a gər a ka, i hamawa a Mbulum aɗaba kurum. I gewar kəkaaha kəla pat.

FILIPIYA 1:4

Meheme ata i hamawa aɗaba kurum a ka, nda gà maŋgayaba hinne.

FILIPIYA 2:22

Ama Timute ka, kà sərum mede ŋgar ana ŋgwal ŋa ya. Mər nda ŋgat məma, mì tsikewa bazlam ŋgwal ŋa ana biy Yesuw Kiristi ya, a mburma. A zlàkawa iye aà megemir kamala kəla ana à zlèk a tsir ŋgar a.

FILIPIYA 3:3

Ama kwa na gà masàsà ŋa nda ndzer a, tsəka, tar tsa. Kamala taŋa ya, kwa na kà nekwa gà mburma Mbulum a. Kwa asa na kà hamawukwa a Mbulum nda ndzəɗa Mezite Mesife ŋgar a. Dite ki ŋgeyekwe a ba ka, agəra ana kwa mandza ŋa i təv ilik ŋa nda gà Yesuw Kiristi ya. Ama kwa ka, ki dzèkwe a are aà dukw ana mburma ta gewa, ta gweɗe a naha ka, ŋgwal ŋa ya tsa.

1 TESALUNIKE 1:2

Mì gewa kəkaaha a Mbulum kəla pat aɗaba kurum tserdze. Ku mege ndeɗime tekeɗe, i təv ana mìi heme a a Mbulum a ka, mì dzalawa a təv kurum, mìi hemer a ka, aɗaba kurum tserdze mbaŋa asa.

1 TESALUNIKE 3:10

Mì hamawa ka, nda gəzləŋ ilik, ku mege ndaàpat, ku mege ndaàvəɗ, na dite ka, mə vəl a məraha vatwa aà məfə̀rà aka kurum asa ya. Aɗaba a sàs a mər ka, meɗìfè a kurum à dukw ana kà sərum zukw tsiye, na dite megìse ana kə̀ gəsum Yesuw Kiristi nda gəzləŋ kurum a, à sìkèh a aka miɗ aka miɗ.

1 TESALUNIKE 5:17

Ka ta miyakum à mahàmà a Mbulum tsidze.

1 TIMUTE 2:7

Aɗaba taŋa na Mbulum a slərra iye ya, i ne mala meslire ŋgar a. A slərra iye ya ka, aà meɗife à dukw ata a mburma, i tsik a guma ŋgar ndzer ŋana a gà mburma ana gà Yahuda tsiye, dite ka, ta gəs nda gəzləŋ ilik. I tsik taŋa ka, ndzer, tsəka, pàrsa iɗəm tsa.

2 TIMUTE 1:3

I təv ana Yàa zlaŋa aɗaba kər a ka, i gewa kəkaaha a Mbulum ana i gewar meslire nda gəzləŋ ilik, nda ndzer ŋa ya. Meslire ana i gewa ya ka, kamala gà tsir gà ana akahər ata ta gewar a mbaŋa. Ku mege ndaàpat, ku mege ndaàvəɗ tekeɗe ka, i hamawa a Mbulum aɗaba kər, i gewar kəkaaha kəla pat.

FILIMUN 1:4

Filimun, damər gà, ku mege ndeɗime tekeɗe ka, i heme a a Mbulum aɗaba kər. I ger a kəkaaha kəla pat.