RUMA 1:7 - Bible Zulgo

⁷ Kamala taŋa ya, na i ge a kurumaha wusa tserdze, a kurum gà mburma ana Mbulum a waya kurum i Ruma ya. A zal a kurum ka, dite ka nwim gà mburma ŋgar. Gà Mbulum Tsir kwa nda Yesuw Kiristi BATSAH kwa ŋa, ta pise a kurum ahəm, ta vəl a kurum matasla yam a gəzləŋ zayya lele.

RUMA 1:7 ပူးပေါင်းရင်းမြစ်များ

Mata 5:16

Aɗaba taŋa, mede kurum ana ŋgwal ŋa ya, mə̀ pàt aba ika miɗ mburma tserdze, kamala dzaydzay ata ya, dite ta fə̀r aà megemir kurum ana ki gwim a a Mbulum ŋgwal ŋa lele ya ka, tar ibam, tə̀ zàmbaɗa à Mbulum Tsir kurum ana i gər ŋa ya mbaŋa te.»

Yuhana 20:17

Yesuw a gwaɗar: «Kə̀ gəs ba aà iye tsa, aɗaba Yàa tsəl a təv Tsir gà zukw tsa. Ama ka, ka ta gwaɗa a gà damər ga ka, i tsil a a təv Tsir gà ana Tsir kurum mbaŋa ya. Ŋgat na Mbulum gà ya, dite biy kurum mbaŋa asa ya.»

Gà Ɓəzla Meslire 15:23

Ta wetse a tar wakita ata a ahər, tə da dər. Kamala ana ta wetse ya ka, ta gwa: «Mər mi ge a kurumaha wusa, a kurum gà damər mər ana gà Yahuda tsiye, kurum riŋ mandza ŋa i gà kwite Antakiya nda gà i Siriya, dite nda gà i Kilikiya ya. Na a wetse a kurumaha wakita aaha ka, mər gà ɓəzla meslire Mbulum nda gà bàba ŋa ana ika magər gà mburma Mbulum ana i faha ya.

Gà Ɓəzla Meslire 9:13

Ama Ananiyas a gwaɗar aakaha: «Batsah ga ŋa, wele ata ka, Yàa tsarakaya mesewere are ŋgar ana a sèwèrewa a gà mburma yak i Yeruzalem a hinne.

RUMA 1:6

Kurum gà mburma Mbulum ana i Ruma ya, kurum tekeɗe ka, ika magər gà mburma ata mbaŋa. Aɗaba Mbulum a zal a kurum ka, na dite ki nwim a gà mburma Yesuw Kiristi ya mbaŋa.

RUMA 5:1

Kamala taŋa ya, Mbulum a ne à kwa gà ŋgwal ŋa ika miɗ ŋgar ka, aɗaba ana kə̀ gə̀sakwa ŋgat nda gəzləŋ kwa ya. Ama kinehe ka, ki ndzekwe a zayya nda gà Mbulum, agəra dukw ana Yesuw Kiristi BATSAH kwa ŋa a ge ya.

RUMA 5:5

Na ki dzelekwe aaka a gà gər kamala taŋa ŋa ya ka, biy taf masakəŋa tsa. Mbulum à mbìɗ a kwe a dəba tsa dukw ŋgar. Aɗaba a ɗif a kwa ka, à meweye ŋgar ana a waya kwa hinne ya. A ɗif a kwa dər kataya ka, nda ahər Mezite Mesife ŋgar ana a vəl a kwa ya.

RUMA 8:28

Kà sərakwa, gà mburma ana Mbulum a waya tar, a zal a tar, dite ta ge dukw ana a tsahən ahər a ka, a ge a megemir nda gà tar kamala ana a waya ya. A sasar dukw ana a ge a ba nda gà tar tserdze ya ka, ma ge a tar ŋgulum.

RUMA 8:39

Ku mege gà dukw ana i gər ŋa i Mbulum gà ndzəɗa ŋa ya, nda dukw ana ɗa i bəɗ a tekeɗe, ti sle a aà mege duwa tsa mbaŋa asa. Kamala taŋa ya, duwa a riŋ ilik ika magər gà dukw ana Mbulum a geye tar tserdze ya, na a ses a ikaba kwa nda meweye ŋgar ana a weye a kwa ya tsidze. Kà sərakwa meweye ŋgar ata ka, aɗaba Yesuw Kiristi BATSAH kwa ŋa.

RUMA 9:25

Ar ka, kamala ana mewetse ŋa a riŋ i wakita Husiya, mala məma à guma Mbulum ana akahər ata ya ka, Mbulum a gwa: «Gà mburma ana piŋŋe gà biy gà tsiye ka, i ne à ter a gà mburma gà kuɗa. Dite gà na i waya tar tsiye ka, kinehe ka, i waya tar kuɗa.

1 Kurintiya 1:24

Ama gà mburma ana Mbulum a pala tar, a ne à tar gà biy ŋgar a ka, ku mege tar gà Yahuda, ku gà Yahuda tsa tekeɗe ka, ta fir ahər a kamala ana dukw falày masakəŋa ya tə tsa. Aɗaba tar tə sər, Yesuw Kiristi ka, ndzəɗa Mbulum, dite ŋgat a ɗif ibam, à metsehe Mbulum a mburma asa mbaŋa.

1 Kurintiya 16:23

Yesuw BATSAH kwa ŋa ma ge a kurum ŋgwal ŋa aka miɗ aka miɗ.

GALATIYA 6:18

Gà damər gà, i heme a a Yesuw Kiristi BATSAH kwa ŋa, dite ma ge a kurum ŋgwal ŋa. *Amin.

EFESIYA 1:2

Gà Mbulum Tsir kwa nda Yesuw Kiristi BATSAH kwa ŋa ta ge a kurum ŋgwal ŋa, ta vəl a kurum matasla yam a gəzləŋ zayya lele.

EFESIYA 6:23

Taŋa gà Mbulum Tsir kwa nda Yesuw Kiristi BATSAH kwa ŋa tə dza a kurum matasla yam a gəzləŋ zayya lele, a kurum ana riŋ nda gà damər tserdze ya. A sèsiŋ ka, gà Mbulum nda Yesuw Kiristi ta vəl a kurum mawàyà ba aka magər kurum ilik ilik tserdze mbaŋa, dite kà səkahum à magəsa tar nda gəzləŋ kurum fit dze.

FILIPIYA 1:2

Gà Mbulum Tsir kwa nda Yesuw Kiristi Batsah kwa ŋana ta pise a kurum ahəm, ta vəl a kurum matasla yam a gəzləŋ zayya lele.

FILIPIYA 4:13

I sər magəsa gəzləŋ i təv duwa tserdze ka, say nda təv Yesuw Kiristi ana a viliŋ a ndzəɗa ya.

FILIPIYA 4:20

Gà mburma tə̀ zlə̀b à Mbulum Tsir kwa ka, aà biybiy. *Amin.

FILIPIYA 4:23

Yesuw Kiristi BATSAH kwa ŋa mi pise a kurum ahəm ilik ilik tserdze.

KULUSIYA 1:2

Mì wetseha ka, a kurum gà mburma Mbulum ana i Kulusiya ya, a kurum ana kà nwim gà damər mər, kurum riŋ mandza ŋa i təv ilik ŋa nda gà Yesuw Kiristi, ki zezemwim a ŋgat nda gəzləŋ ilik a. Mì heme a a Mbulum Tsir kwa, dite ma ge a kurum ŋgwal ŋa, mə vəl a kurum matasla yam a gəzləŋ zayya lele.

KULUSIYA 3:12

Mə məts a kurum gər tsa: Mbulum a pala kurum, na dite kà nwim gà biy ŋgar a. Ŋgat na a waya kurum a ya. Aɗaba taŋa, say mede kurum ma ge ka, ŋgwal ŋa, kamala i gà mburma ŋgar ana a ne à tar gà awiya ŋa ya. Gà asiŋ gà mìsle ŋgiɗ ti ndze a kurum are tsehe, kə̀ gəsum ba lele, Hənum ba à gər a bəɗ, ki gwim ŋgwal a gà mìsle ŋgiɗ, dite kə̀ gəsum gəzləŋ mbaŋa.

KULUSIYA 3:15

Matasla yam ana Yesuw Kiristi a vəl a kurum a ka, mà rah a gəzləŋ kurum lele. Aɗaba Mbulum a zal a kurum ka, na dite kà nwim ba ilik, ki ŋgetwim a mandza zayzay ata ya. Gwim kəkaaha a Mbulum kəla pat.

1 TESALUNIKE 1:1

Na a wetse wakita aaha ka, iye Pul, mər nda Silas, nda gà Timute. Mì wetseha ka, a kurum gà mburma Mbulum ana i Tesalunike ya. A kurum ana kàa nwim gà mburma Mbulum Tsir kwa, nda Yesuw Kiristi BATSAH kwa ŋa ya. Mbulum ma ge a kurum ŋgwal, mə vəl a kurum matasla yam a gəzləŋ zayya lele.

1 TESALUNIKE 1:3

Kəla pat a màwa a mərra a gər a, meme na kurum ihər ki gwim a megemir ŋgwal ŋa lele, aɗaba megìse kurum ana kə̀ gəsum Yesuw Kiristi nda gəzləŋ a ya. Dite asa ka, kurum ihər ki mirwim a aba sah hinne, aɗaba ana kà wayum ŋgat a, dite ki ndzwim a ɓəŋɓəŋ lele, nda metìkè madzala gà gər kurum a təv ŋgar a.

1 TESALUNIKE 1:4

Gà damər gà, mì sər ka, Mbulum a waya kurum. A pala kurum ka, dite ka nwim gà mburma ŋgar.

1 TESALUNIKE 4:7

Aɗaba Mbulum a zal a kwa ka, aà mege mezelme tsa. A zal a kwa ka, na dite ki nekwe a gà tsəɗaŋŋa ika miɗ ŋgar a ivaɗ.

1 TESALUNIKE 5:28

Yesuw Kiristi BATSAH kwa ŋa ma ge a kurum ŋgwal ŋa aka miɗ aka miɗ.

2 TESALUNIKE 1:2

Mìi heme a a gà Mbulum Tsir kwa ata nda Yesuw Kiristi BATSAH kwa ŋa, ta ge a kurum ŋgwal, ta vəl a kurum matasla yam a gəzləŋ kurum zayya lele.

2 TESALUNIKE 3:16

Mìi heme a a BATSAH kwa ŋana ŋgat mala məvəla zayzay a mburma ya, dite mə vəl a kurum matasla yam a gəzləŋ kəla pat ndaka vatwa ŋgiɗ pampam. BATSAH kwa ŋa ma ndza nda gà kurum tserdze.

2 TESALUNIKE 3:18

Yesuw Kiristi BATSAH kwa ŋa ma ge a kurum ŋgwal ilik ilik tserdze kəla pat.

1 TIMUTE 1:2

I wetseha wakita aaha ka, a kər Timute ana kà ne kəla gà ndzer a, aɗaba kàa gəs Yesuw nda gəzləŋ yak ilik. Gà Mbulum Tsir kwa nda Yesuw Kiristi BATSAH kwa ŋa ta gik ŋgwal, ka ndza a tar are tsehe, dite ta vəlak matasla yam a gəzləŋ zayya lele.

1 TIMUTE 6:2

Na bəla gà ɓəzla ga tar ata tar riŋ ti zezem a Yesuw Kiristi nda gà tar tserdze ka, tə ta dzala ka, mər ilik ika miɗ Yesuw Kiristi tsam ana, là ŋa ya, aàmala na mìi zlibe a à tar a asa ya tsa. Seyiŋ tsa, ŋgwal ŋa ka, ta ge a tar megemir nda gəzləŋ ilik lele, mà za dər na tə lah ahər piŋŋe ya. Aɗaba gà ɓəzla ga tar ata ta gəs Yesuw Kiristi nda gəzləŋ a, ta waya tar, dite tar tekeɗe, ta ge ŋgwal a gà mburma aaha mbaŋa. Araha, naha ka, gà dukw ana ki ɗif a dər a mburma, ki mbizle a ter aaka a, ta ge kamala taŋa ya.

2 TIMUTE 1:2

I wetseha ka, a kər Timute ana kà ne kəla gà, i waya kər nda ndzer a. Gà Mbulum Tsir kwa nda Yesuw Kiristi BATSAH kwa ŋa ta gik ŋgwal, ka ndza a tar are tsehe, dite ta vəlak matasla yam a gəzləŋ zayya lele.

2 TIMUTE 4:22

Iye ihər i heme a a BATSAH kwa ŋa, dite ma ndza i təv yak hiywe. Mbulum mi pisewa a kurum ahəm tserdze.

TITUS 1:4

I wetseha ka, a kər Titus ana kər kà ne kəla gà, kà nema ilik i təv megìse ana kə̀ gə̀sama Mbulum a ya. I heme a a Mbulum Tsir kwa nda Yesuw Kiristi ana ŋgat mala məmbə̀là à kwa ya, ta gek ŋgwal ŋa, ta vəlak matasla yam a gəzləŋ zayya lele.

FILIMUN 1:25

Yesuw Kiristi BATSAH kwa ŋa ma ge a kurum ŋgwal lele, a kurum ilik ilik tserdze.

FILIMUN 1:3

Mìi heme a a gà Mbulum Tsir kwa, nda Yesuw Kiristi BATSAH kwa ŋa, dite ta ge a kurum ŋgwal, ta vəl a kurum matasla yam a gəzləŋ zayya lele.

YAKUBA 1:1

Iye Zakup, mala megemir gà Mbulum nda Yesuw Kiristi BATSAH kwa ŋa. I geha wusa a gà mburma Mbulum ana tə dzaya aba vatwa ilik ilik ku mege a ŋga aka gər ahəɗ tserdze ya.

1 PIYER 1:15

Kamala ana ŋgat tsəɗaŋŋa, a zal a kurum, dite kà nwim gà mburma ŋgar a ka, kurum tekeɗe, nwim gà tsəɗaŋŋa i təv gà dukw ana ki gwim a ya tserdze mbaŋa.

1 Yuhana 3:1

Fə̀rum kwaŋ, meme na Mbulum a waya kwa hinne ya, dite ka, a zal a kwa dər gà ɓəza ŋgar asa ya? Kàa nekwa ka, gà ɓəza ŋgar kaɗəŋ. Gà mburma gər ahəɗ aaha tə sər ka, kwa kàa nekwa gà ɓəza Mbulum tsəka, aɗaba ana tə sər Mbulum tsiye.

2 Yuhana 1:3

Gà Mbulum Tsir kwa nda Yesuw Kiristi Kəla ŋgar ti ta vile a kwe a ŋgwal tar ana kà ndzakwa a tar dər are tsehe ya, dite ti ta vile a kwe a matasla yam a gəzləŋ. Gà dukw ata ka, ki ŋgetekewiŋa, na kwa ana ki zezemekwe a bazlam ndzer ŋana i təv Mbulum a, ki weyekwe a ba ika magər kwa mbaŋa.

Sunwa Yuhana 2:1

Wele ata a gweɗiŋ asa: «Wetseha bazlam aaha a gawla Mbulum ana i kwite Efesiya, a kesle a gà mburma Mbulum a.*fa* Ki wetse a ka, bazlam aaha: Bazlam ŋa na a tsik ka, wele ana gà mawusawus ata təsəla magəsa ŋa i ahər ŋgar a, dite ŋgat ka, wele ana a riŋ à sìweye a ika magər gà dukw ata təsəla, məvàɗà ŋa nda gura ana tsakala ŋa hinne, gà akwa ikəka ndwatsndwatsutstswa ya.

Sunwa Yuhana 2:12

Wele ata a gweɗiŋ asa: «Wetseha bazlam aaha a gawla Mbulum ana i kwite Pergamus, a kesle a gà mburma Mbulum a. Ki wetse a ka, bazlam aaha: Bazlam ŋa, na a tsik ka, wele ana màsalamà ŋgar a riŋ matasla ŋa hapəpəpa, a zəm tsèke sula ya.

Sunwa Yuhana 2:18

Wele ata a gweɗiŋ asa: «Wetseha bazlam aaha a gawla Mbulum ana i kwite Tiyatira, a kesle a gà mburma Mbulum a. Ki wetse a ka, bazlam aaha: Bazlam ŋa, na a tsik ka, Kəla Mbulum, wele ana are ŋgar a də̀v kamala akwa ya, dite ŋgat ka, wele ana sik ŋgar ndizze kamala ndzemde ana ti tike a akwa ya asa mbaŋa.

Sunwa Yuhana 2:29

Na wura a riŋ gər ŋgar aka ge aà metsereke ya ka, mà dza zləm a dukw ana Mezite Mesife Mbulum a riŋ ihər a tsik a a gà mayahaba gər gà mburma Mbulum a lele.»

Sunwa Yuhana 2:8

Wele ata a gweɗiŋ asa: «Wetse bazlam aaha a gawla Mbulum ana i kwite Samirna, a kesle a gà mburma Mbulum a. Ki wetse a ka, bazlam aaha: Bazlam ŋa na a tsik ka, wele ana malahalah ŋa ika gər gà duwa tserdze ya, dite ŋgat na à ndìv a à gà dukw ata tserdze ya mbaŋa asa. Wele ata ka, aka mət, ama aka mbəlara i məməta ya asa.

Sunwa Yuhana 22:21

Ŋgwal ana Yesuw BATSAH kwa ŋa a ge a kwa ya ka, ma ndza i təv kurum gà mburma ŋgar tserdze aà biybiy.

Sunwa Yuhana 3:14

Wele ata a gweɗiŋ asa mbaŋa: «Wetseha bazlam aaha a gawla Mbulum ana i Lawdikiya, a kesle a gà mburma Mbulum a. Ki wetse a ka, bazlam aaha: Na a tsik bazlam ŋa ka, wele ana tə zalar *Amin a, ŋgat ka, mala sida Mbulum ana ndzer, à ses a pàrsa tsidze ya. Dukw ana Mbulum a ge tserdze ya, a dara ka, i təv ŋgar a mbaŋa.

Sunwa Yuhana 3:22

Na wura a riŋ gər ŋgar aka ge aà metsereke ka, mà dza zləm a dukw ana Mezite Mesife Mbulum a tsik a a gà mayahaba gər gà mburma Mbulum a lele.»

Sunwa Yuhana 3:7

Wele ata a gweɗiŋ asa: «Wetseha bazlam aaha a gawla Mbulum ana i Filadelfiya, a kesle a gà mburma Mbulum a. Ki wetse a ka, bazlam aaha: Na a tsik bazlam ŋa ka, wele ana tsəɗaŋŋa, bakal ihər tsa, dite ŋgat ka, mala ndzer ŋa asa ya. Lèkilè Əbay Dawda ka, i ahər ŋgar. Na bəla aka hə̀ndə̀k i duwa ya ka, wura ilik a sle aà mehìndìkè aɗəm a tsidze, kige tsa, na bəla aka hə̀ndə̀k aɗəm ka, wura ilik a sle a aà mehìndìkè iɗəm a tsa asa mbaŋa.