RUMA 1:28 - Bible Zulgo

²⁸ Aɗaba gà mburma ata ti niw mazazama Mbulum, a sàs a tar masəra ŋgat tsiye ka, Mbulum a miyak à tar, na dite ti dzele a ka, metsehe tar ana taf masakəŋa, a da ndaka vatwa ŋa tsiye ya. Ta gewa ka, dukw ana a tsahən biy mege tsidze ya.

RUMA 1:28 ပူးပေါင်းရင်းမြစ်များ

Gà Ɓəzla Meslire 17:23

Aɗaba Yàa sùwaya i kwite kurum tserdze. Yàa ŋgat a gà təv ana kà tàwàlawum aɗəm gà duwa ya. Ama ka, Yàa le aà kur ana kà batsawum aaka gà duwa ya, mewetse ŋa ihər, kamala megweɗe ya ka: Aɗaba taŋa kurum riŋ ihər ki dzwìm a gurmits a bəɗ ka, a mbulum ana kà sərum ŋgat ŋa tsiye. Ama kinehe i dara ka, aà meɗife a kurum à ndzer ŋana kuɗa.

Gà Ɓəzla Meslire 17:32

Aləka gà mburma ata tə tsaraka bazlam Pul ata a ɗif à wele ana a mbəlara i məməta ya ka, gà mìsle ŋgiɗ tə dza ba aà sawla, ti sewle ahəriŋa. Gà asiŋ ŋa ta gwaɗar: «Ki ti tsik a mər a guma bazlam ata a pat ŋgiɗ asa.»

RUMA 1:18

Kà sərakwa, Mbulum ana ŋgat mandza ŋa i gər ŋa ya ka, aka ɗif a kwa dər aba ya, a riŋ a ge a matsəɓatsəɓ hinne, agəra gà mburma ana tserdze tì dzer a gurmits a bəɗ tsiye, tar ihər ta fir a aà dukw ana ŋgat a waya ya ka, kamala za ya. Ama ka, a ta ge a ter a seriye. Aɗaba dukw bakal tar ana ta gewa ya ka, ta hə̀ndə̀k dər a vatwa a mburma, aà dite tə sər dukw ana ndzer ŋa ya asa tsa.

RUMA 1:21

Ku mege tə sər Mbulum a riŋ tekeɗe ka, tì zlibe a à ŋgat kamala ana ŋgat Mbulum a tsa, dite ta ger a kəkaaha ɓav tsa asa mbaŋa. Kamala taŋa ya, madzala gà gər tar ana ti dzele a ya ka, taf masakəŋa. Ti ndze a ka, i lùvùŋ tìtìktìkka. Dite dukw ana ŋgwal ŋa ya ka, tə sər ɓav tsa asa.

RUMA 1:24

Aɗaba taŋa, agəra ana gà mburma ata ta ge kataya ya ka, Mbulum a miyak à tar, dite ti zezem a gà dukw meèweke ba tar ana gəzləŋ tar a waya ya ɗekɗek, nda gà megeye gà dukw ana ika magər tar a ndeɗe aka ter a hwarwa hinne ya asa mbaŋa.

RUMA 1:26

Agəra gà dukw ana gà mburma ata ta gewa kamala taŋa ya ka, Mbulum a miyak à tar, na dite ta geye gà dukw meèweke ba tar ata a ndeɗe aka ter a hwarwa, à kiv a ter a hinne ya. Gà məkəs tar ŋa, ta miyak à mandza nda gà asləka, ta hənawa nda gà məkəs ŋgiɗ, ta geye a gà dukw ana a tsahən aà Mbulum tsidze ya.

1 Kurintiya 15:34

Agəra taŋa, kinehe ka, pìɗekeywim i mekweye ya, ki gwim bakal asa tsa. Aɗaba i samata, gà asiŋ gà mìsle ŋgiɗ ika magər kurum a ka, tàa sər Mbulum zukw tsa. I tsik a kurum taŋa ka, dite gurɓə̀ts hwarwa ma ge a kurum.

2 Kurintiya 10:5

Dite mìi mbete a à bazlam gà mburma ana tə sə̀ŋgə̀rawa à ba tar, ta hìndìk a a vatwa a mburma, dite ka, tə sər Mbulum nda ndzer tsiye tserdze. Dukw ana mìi tsik a ya ka, a sàs a mər mburma ta miyak à madzala gà gər tar ana ŋgwala tsiye, dite ta gəs ahəm aà Kiristi ivaɗ.

EFESIYA 5:4

A da dər tsa na ki ɗivwim a zləm a gà tsàpà, nda gà rawraw bazlam ana biy metsike tsiye. Ama say gwim kəkaaha ka, a Mbulum ivaɗ, aɗaba ŋgwal ŋgar ana a ge ya.

2 TESALUNIKE 1:8

A dere a ka, ŋgar ŋgar, nda gà akwa məvata ŋa. A ti sèwèr a dər are a gà na ti niw Mbulum a, dite nda gà na tì dze a zləm a bazlam ŋgwal ŋa ana ti ɗif a dər aka gər ŋgar a tsiye mbaŋa.

2 TIMUTE 3:8

Gà ɓəzla məbànà mburma ata ka, tàa niw dukw ana ndzer a, kamala gà Yanas nda Yembires ana ti niw bazlam Musa, ta màr à bakal akahər ata ya mbaŋa. Metsehe ana i gər tar a ka, manəsa ŋa fit. Tàa dzawa ika vatwa Mbulum ana zləmana ta gis a a gəzləŋ tar a.

TITUS 1:16

Tar riŋ ihər ta gweɗe a ka, waytsà mì sər Mbulum ndzer, tsaatsa i təv gà dukw tar ana ta ge a ya ka, pàrsa, tə sər tsa. Tar ka, gà ŋgwal ŋa tsa fit, aɗaba ana a sàs a tar magəsa ahəm aà Mbulum tsiye, dite ka, tar tekeɗe, ti sle a aà mege dukw ana ŋgwal ŋa tsiye asa mbaŋa.

FILIMUN 1:8

Aɗaba taŋa, iye ihər i gek a kamkam, aà mege dukw ana i tsikik a kinehe ya. Iye mala meslire Yesuw Kiristi ana a viliŋ ndzəɗa ya ka, i sle aà megweɗek a, say ki ge a dukw ana a de a ndaka vatwa ŋa lele ya, nda ndzəɗa.

2 Piyer 3:5

Gà mburma ata ti tsik bazlam ata kataya ya ka, a sàs a tar masəra dukw ana akahər ata Mbulum a ge ya tsa. Kamala megweɗe ya: Mbulum a ge gəza mbulum nda gər ahəɗ ka, nda bazlam ŋgar ata a tsik a. A lah mege gər ahəɗ ka, nda yam. Dite a vəl a ba vatwa a gà yam nda ahəɗ pampam kuɗa.