RUMA 1:20 - Bible Zulgo

²⁰ Wura aka sle aà meŋgete a Mbulum ilik tsidze. Ama daga aà gər ana a ge gər ahəɗ a, haa kinehe ka, gà dukw ana a ge tserdze ya, ti ɗif dər a gà mburma parakkà, meme na ŋgat a ndza ya. Aɗaba ndzəɗa ŋgar ana a ndze a aà biybiy a ka, aka pàt aba ndzer. Ti sir a dər mbaŋa, ŋgat ilik na Mbulum a. Aɗaba taŋa na ti sle a aà megweɗe a ka, maa sər tsəka, ti sle a tsiye.

RUMA 1:20 ပူးပေါင်းရင်းမြစ်များ

Mata 5:45

dite ka, nwim gà ɓəza Mbulum Tsir kurum ana i gər ŋa ya. Aɗaba Mbulum ka, a waya mburma hinne. Pat ŋgar a də̀vawa ka, aka gər gà mburma ana ta ge a dukw ana ŋgwala tsiye mbaŋa, dite aka gər gà mburma ana gà ŋgwal ŋa ya tserdze. A dzawa yam tekeɗe, kamala taŋa ya mbaŋa, tsəka, a wele a ikaba mburma ya tsa.

Markus 10:6

Ama akahər ana Mbulum a ge gà dukw tserdze ya ka, kataya tsa. A riŋ mewetse ŋa i wakita Mbulum ka:

Yuhana 1:18

Wura aka ŋgat a Mbulum ilik tsidze. Ama Kəla ŋgar ata mifèndèz ŋa tə ndzawa i təv ilik ŋa nda ŋgat a, na a ɗif a kwa dər a.

Yuhana 15:22

Na mege i dara ndeɗiŋa, dite i tsik a tar gà bazlam tsəka, ana ka, Mbulum à gis a tar nda seriye ŋgar tsa. Ama kinehe ka, tàa tsaraka dukw ana i tsik a ya tserdze, dite ta ge a dər akaba bakal ka, bakal tar ata à pìl a asa tsa.

Gà Ɓəzla Meslire 17:29

Na kwa tserdze gà ɓəza Mbulum ka, a da dər tsa na ki dzelekwe a ka, Mbulum a ndzikiɗ ba gà dukw ana ta geye a nda ahər a, kamala gura ana ta və̀ɗ a, nda gà dukw ana tsəzlzla ya, kige tsa kur ana ta pàpə̀z nda metsehe tar a.

Gà Ɓəzla Meslire 22:1

«Gà damər gà nda gà tsir gà, tsarakum dukw ana i tsik a kurum aaba ika ba gà ya dzekwiŋ.»

RUMA 1:19

Seriye à gis a tar ka, aɗaba vatwa masəra Mbulum ana ti sir a zləmana ya ka, ndərzayya məpàtà ŋa aà are tar. Aɗaba Mbulum nda gər ŋgar na a ɗif a tar dər a. Ama ka, ti zezem a tsa.

RUMA 16:26

Ama kinehe ka, aka pàt dər kuɗa. A pàt dər ka, nda bazlam gà ɓəzla məma à guma Mbulum ana ta wetse aka gər Yesuw Kiristi ya. Mbulum, ŋgat mala mandza aà biybiy, a sasar ka, ti tsik a bazlam ŋa a mburma aà slàla aà slàla tserdze, na dite ta gis a ŋgat nda gəzləŋ lele, ta gis ahər a ahəm a.

RUMA 2:1

Aɗaba taŋa, kurum ana a sàs a kurum mege medzibe gà dukw ata tsiye tekeɗe, sərum dər, ku weke ka, a be a i seriye Mbulum a ɓav tsa. Aɗaba na kurum ki mwim a à bakal a gà mìsle ŋgiɗ, dite kurum ŋa tekeɗe, kurum ihər ki gwim a gà dukw ana ŋgwala tsa, kamala biy gà mburma ata ta ge ya asa ana, meme? Na ki mwim a à bakal a gà mìsle ŋgiɗ kamala taŋa ya ka, kì gwim aba seriye nda ahər kurum ŋa.

RUMA 2:15

Kamala taŋa ya, dukw ana ta gewa kataya ya, na a ɗif a kwa dər ka, Mbulum aka wetse məpala ahəm ŋgar a gəzləŋ tar, na dite tə sər dər mege dukw ana ta ge ŋgwal ŋa ya ya. Madzala gà gər tar ibam, a riŋ a ɗif a ter a à taŋa mbaŋa. Aɗaba a gà təv ŋgiɗ ka, tə sərawa dər, na tàa ge dukw ana ŋgwal ŋa ya ya. Dite a gà təv ŋgiɗ ibam, tə sərawa dər na tàa ge bakal a asa mbaŋa.

1 Kurintiya 1:20

Dite na kataya ana, taŋa gà mburma ana tàa ŋgat metsehe gər ahəɗ aaha kinehe ya ana, wànà tə sər duwa ya? Awaŋ, tə sər tsa. Kamala taŋa ya, gà mburma ana ti dzeŋge məpala ahəm gà Yahuda hinne ya tekeɗe, tə sər duwa tsa mbaŋa. Dite gà mburma ana ta mbetsewaba ahəm ika magər tar a tekeɗe, tə sər duwa ɓav tsa asa mbaŋa. Aɗaba Mbulum a ɗif dər parakkà, na à metsehe biy gər ahəɗ aaha ka, a ne dukw falày taf masakəŋa ya.

KULUSIYA 1:15

Wura a sle a aà meŋgete a Mbulum nda are tsidze. Ama Yesuw Kiristi ana gà mburma ta ŋgatar a ka, a ndzikiɗ ba kalkal kamala Mbulum a. A ɗif a kwa dər, meme na a ndza ya ya. Ŋgat ka, malkwara. Mendze ŋgar ka, piŋŋe, à gər ana Mbulum aka ge gà duwa zukw tsiye.

KULUSIYA 2:9

Kà dzum aà tar zləm tsəka, aɗaba ana madzala gà gər Mbulum tserdze ka, i ba Yesuw Kiristi ya. Dukw ana a ne i təv Mbulum tserdze ya ka, i təv Yesuw Kiristi tekeɗe, kamala taŋa ya mbaŋa kaɗəŋ.

1 TIMUTE 1:17

Ku weke mà zàmbaɗa à Əbay Mbulum ana mekwere ŋgar a ndze a aà biybiy a. Ŋgat na nda gà mesife ana à ndìv a tsiye. Ŋgat ilik na Mbulum Batsah ŋa, mburma a sle aà meŋgeter a tsiye. Mezembeɗe ma ge ka, biy ŋgar ilik. *Amin.

1 TIMUTE 6:16

Aɗaba ŋgat ilik na a ndze a aà biybiy a. A ndze a ka, i təv dzaydzay ŋa ana wura a sle a aà mede aɗəm a tsiye. Wura a aka ŋgatar ilik tsa, dite kinehe tekeɗe, wura a riŋ a sle aà meŋgeter a zukw tsa asa ya mbaŋa. Gà mburma tə̀ zlə̀b à ŋgat, Əbay ŋgar ma ndza aà biybiy. *Amin.

IBƏRANIKWA 11:27

Agəra megìse Musa ana a gəs Mbulum nda gəzləŋ a ka, a da ika ahəɗ Ezipt ya, tar nda gà asiŋ gà Isərayel. Ku mege Əbay gà Ezipt a ge a arəv nda təv ŋgar hinne tekeɗe ka, aka ge magəɗa tsa. A mà aba aà arəv ìŋgìk, a da aka miɗ aka miɗ kamala ana a riŋ a ŋget a a Mbulum ana wura a ŋgatawar nda are tsiye ya.*fo*

IBƏRANIKWA 9:14

Ama na məmbəz gà dukw ata aka sle aà məbàrà tar kamala taŋa ya ka, məmbəz Kiristi à zè a taŋa fit kweleŋ nda ndzəɗa. Ŋgat ana aka ge bakal duwa ilik tsidze ya, a vəl ba ŋgar a Mbulum nda ndzəɗa Mezite Mesife Mbulum ana a ndze a aà biybiy a. Məmbəz ŋgar ata ka, a bere a bakal i gəzləŋ kwa ya lele, na dite ki gekwe a dukw ana a dzeye a à kwa asa tsiye. Ama ki gekwe a ka, megemir Mbulum ana ŋgat mala məvəla mesife a mburma ya ivaɗ.