RUMA 1:18 - Bible Zulgo

¹⁸ Kà sərakwa, Mbulum ana ŋgat mandza ŋa i gər ŋa ya ka, aka ɗif a kwa dər aba ya, a riŋ a ge a matsəɓatsəɓ hinne, agəra gà mburma ana tserdze tì dzer a gurmits a bəɗ tsiye, tar ihər ta fir a aà dukw ana ŋgat a waya ya ka, kamala za ya. Ama ka, a ta ge a ter a seriye. Aɗaba dukw bakal tar ana ta gewa ya ka, ta hə̀ndə̀k dər a vatwa a mburma, aà dite tə sər dukw ana ndzer ŋa ya asa tsa.

RUMA 1:18 ပူးပေါင်းရင်းမြစ်များ

RUMA 1:19

Seriye à gis a tar ka, aɗaba vatwa masəra Mbulum ana ti sir a zləmana ya ka, ndərzayya məpàtà ŋa aà are tar. Aɗaba Mbulum nda gər ŋgar na a ɗif a tar dər a. Ama ka, ti zezem a tsa.

RUMA 1:28

Aɗaba gà mburma ata ti niw mazazama Mbulum, a sàs a tar masəra ŋgat tsiye ka, Mbulum a miyak à tar, na dite ti dzele a ka, metsehe tar ana taf masakəŋa, a da ndaka vatwa ŋa tsiye ya. Ta gewa ka, dukw ana a tsahən biy mege tsidze ya.

RUMA 1:32

Tsaatsa tar ka, tə sər məpala ahəm Mbulum ana a gwa: gà ana ta gewa gà medzibe gà dukw ata ŋgwala tsiye ka, say ta ge a ter a ka, seriye məməta pəra na a ze a taraha ya. Ama ku mege kataya tekeɗe, ta ge a dər akaba gà dukw ata pəra. Taŋa ɗekɗek tsa. Ndeyndey ŋa ka, na tàa ŋgat a gà mìsle ŋgiɗ aà mege dukw ata ŋgwala tsiye ka, ti zèmbeɗe à ter a hinne. Ta gweɗe a ter a, kəkaaha, gwim ka, kamala taŋa ya hiywe pəra.

RUMA 2:3

Ama na kurum ki mwim a à bakal a gà mìsle ŋgiɗ, dite kurum ŋa tekeɗe, kurum ihər ki gwim a gà dukw ata nda ahər kurum ŋa asa dze ana, meme? Wànà kurum kà dzalum ana, ki beywim a i seriye Mbulum a ɓav a?

RUMA 3:9

Na kamala taŋa ya ana, meme na kwa gà Yahuda ya, wànà ki zekwe a gà asiŋ gà gwala ŋgiɗ ika miɗ Mbulum ɓav a? Awaŋ, kataya tsidze. Aɗaba Yàa mbər megweɗe a kurum ka, ku mege gà Yahuda, ku mege gà na tar gà Yahuda tsiye tekeɗe, tar ka, i ahər bakal tserdze.

RUMA 4:15

Aɗaba məpala ahəm a ge a ka, dukw ana, dite matsəɓatsəɓ Mbulum a gis a dər gà na tàa zazam məpala ahəm ata tsiye ɗekɗek. Aɗaba ana məpala ahəm a riŋ tsəka, duwa a riŋ na ti nis a dər a tsa mbaŋa te.

RUMA 5:6

Aɗaba akahər ata piŋŋe ka, kàa ŋgatakwa ndzəɗa aà mege dukw ana ŋgwal ŋa ya tsa. Aləka i dəba ŋa ya, a ndze tits aka məpàslà ahər Mbulum ana a tike ya ka, Yesuw Kiristi a dara, a mət aɗaba kwa ana kwa gà ɓəzla bakal a.

RUMA 5:9

Yesuw Kiristi a mət aɗaba kwa ka, a ne à kwa gà ŋgwal ŋa ika miɗ Mbulum nda məmbəz ŋgar ana a dza dər a. Aɗaba taŋa, kà sərakwa ndzer, a ta mbil a à kwa i matsəɓatsəɓ Mbulum ana zləmana a ta gis a kwa ya.

RUMA 6:13

Kamala taŋa ya, ka ta vəlum ba kurum a ahər a bakal, ma kwara kurum aà mege dukw ana ŋgwala tsiye asa tsidze. Ama vəlum ba kurum a ahər ka, a Mbulum ivaɗ. Aɗaba kurum kà nwim ka, kamala gà mburma ana tàa mbəlara i məməta ya, tàa ŋgat mesife ana awiya ŋa ya. Vəlumar ba kurum a ahər fit, na dite ki nwim a dukw ahər ŋgar aà mege dukw ana ŋgwal ŋa ya ya.

EFESIYA 5:6

Aɗaba gà dukw ata ka, ŋgwal ŋa tsa fit, Mbulum a ge a arəv aà gà mburma ana ta gəs bazlam ŋgar tsiye. Aɗaba taŋa, wura ma ta baza a kurum za nda welewele bazlam ana taf masakəŋa ya tsa.

KULUSIYA 3:6

Agəra gà dukw ata gà ŋgwala tsiye ka, Mbulum a ta gis a dər gà mburma ana ta gəs ahər ahəm tsiye tserdze, a seriye.

2 TESALUNIKE 2:10

A ta ge a ka, gà dukw ana ŋgwala tsiye pampam aà məbànà dər gà na ti ti dzeye a akwa ana a mbete a tsa aà biybiy a tserdze nda dukw ŋgar ata. Ti ti sèwèr a are hinne, aɗaba ana a sàs a tar magəsa dukw ana ndzer a tsa, ti niw a. Na mege ta gəs ka, ana ka, Mbulum a mbil a à tar.

2 TESALUNIKE 2:6

Kinehe ka, duwa a riŋ na a peler a ahəm aà madàra ya tə̀ma. Aɗaba kurum kà sərum dukw ana a ge a dər kamala taŋa ya ya. Ama i təv ana məpàslà ahər Mbulum aka ndze aɗəm a ka, mala mene are ŋgar ata a dere a kuɗa.