RUMA 1:16 - Bible Zulgo

¹⁶ Iye ihər i ɗif a à bazlam ŋgwal ŋa ata ka, parakkà, hwarwa a giŋ a tsa. Aɗaba bazlam ŋgwal ŋa ata ka, ndzəɗa Mbulum iɗəm, a sle a aà məmbə̀là à gà na ta gəs Yesuw Kiristi nda gəzləŋ tar tserdze ya. Malahalah ŋa ka, a mbil a à gà Yahuda, dite i dəba ŋa ya, a mbil a à gà mburma ana tar gà Yahuda tsiye mbaŋa.

RUMA 1:16 ပူးပေါင်းရင်းမြစ်များ

Markus 8:38

Kurum gà mburma ana kinehe, kurum riŋ i magər gà na ti niw Mbulum a. Dite ka, wur ana a gweɗe a ter a ka, i sər Yesuw tsa, nda bazlam ana i tsik a tsəka, iye, wur ana a dara i təv Mbulum a tekeɗe, i ti tsik a kataya mbaŋa. I ti niw a ŋgat i təv ana i dere a nda ndzəɗa Tsir gà ana ti zlibe a dər a, dite nda gà gawla Tsir gà ana a ndzək tar a.»

Luka 9:26

Na wura a gweɗe a ika miɗ mburma, i sər Yesuw tsa, nda bazlam gà ana i tsik a ya ka, iye, *wur ana a dara i təv Mbulum a tekeɗe, i ti tsik a kataya mbaŋa. I ti niw a ŋgat i təv ana i dere a nda Əbay ga, nda ndzəɗa Tsir gà ana ti zlibe a dər a, dite nda biy gà gawla Tsir gà ana a ndzək tar a.

Yuhana 7:35

Gà bàba gà Yahuda ata tə tsaraka bazlam ŋgar ata kataya ka, ta gwaɗaba ika magər tar: «A ti de a dze ana, a ŋga, na dite ka, ki slekwe a aà mesire tə̀vəməŋa tsidze ya? Wànà a de a ana, a təv gà Yahuda ana ta gwitse aba aka ahəɗ diriŋ a liwiŋ gà Girek, a dzeŋge a ter a diriŋ i fata, dite ka, a dzeŋge a a gà Girek mbaŋa kəla ya?

Gà Ɓəzla Meslire 3:26

Kərga taŋa ya, Mbulum a lah meslirra Kəla ŋgar a ka, a təv kurum a dzekwiŋ. A slərra ŋgat a ka, aà mipìsè a kurum ahəm nda məmbə̀ɗà à gər i təv dukw ana ŋgwal ŋa tsiye tserdze.»

RUMA 10:17

Kamala taŋa ya, wur ana à gis a bazlam ata ka, say na aka tsaraka ya. Aka tsaraka tekeɗe ka, say na ti tsiker aka gər Yesuw Kiristi ya dzekwiŋ.

RUMA 15:19

dite agəra dukw mene aà mburma ata pampam a ge nda ndzəɗa Mezite Mesife Mbulum nda ahər gà ata ya mbaŋa. Kamala taŋa ya, Yàa ŋgat vatwa aà meɗife à bazlam ŋgwal ŋa ana aɗaba Yesuw Kiristi ya, a gà mburma tserdze, ika tsèke Yeruzalem a, tsikw Yàa ndze dər aka ahəɗ Iliriya.

RUMA 15:29

Na Yàa daha a təv kurum ka, i sər, Yesuw Kiristi a pise a kwe a ahəm hinne, agəra ana kwa mandza ŋa i təv ilik ŋa ya.

RUMA 2:9

Gà na ta gewa dukw ana ŋgwala tsiye tserdze ka, ti ndze a nda magəɗa, Mbulum ibam, à ti sèwèr a ter a are hinne asa mbaŋa. A lèh a mesewere are ka, a gà Yahuda dzekwiŋ, dite i dəba ŋa ya, a gà asiŋ gà slàla ŋgiɗ ana pampam a mbaŋa.

RUMA 4:11

Aka ana Abəraham aka sàs ba ŋgar zukw tsiye ka, Mbulum aka ne à ŋgat ŋgwal ŋa ika miɗ ŋgar, aɗaba ana a gəs ŋgat nda gəzləŋ a. Dite i dəba ŋa ya, Mbulum na a gwaɗar ka, sàs ba kuɗa ya. Masàsà ba ŋgar ata a sàs ba ya, a ɗif dər a mburma ka, na dite tə sər dər, Abəraham aka ne ŋgwal ŋa ika miɗ Mbulum kaɗəŋ a. Kamala taŋa ya, na Abəraham a ne tsir gà na ta gəs Mbulum nda gəzləŋ tar a tserdze, ku mege tàa sàs ba tsa tekeɗe ya. Mbulum a ne à ter a gà ŋgwal ŋa ika miɗ ŋgar ka, kamala ana a ne à Abəraham ŋgwal ŋa ika miɗ ŋgar a mbaŋa.

1 Kurintiya 15:2

Ŋgwal bazlam ata ka, biy na Mbulum a mbil a dər à kurum a, na bəla kurum ihər ki dwim a dər aka miɗ aka miɗ nda magəsa ŋa nda gəzləŋ ilik, kamala ana i tsik a kurum a ya. Na kataya tsəka, megìse kurum ata a ne a taf masakəŋa.

1 Kurintiya 2:2

Ələk i dara a təv kurum a ka, i dzala, i gwa: Yàa daha aka magər kurum ka, i tsik a kurum a bazlam Yesuw Kiristi ɗekɗek, tsəka, i dzele a duwa ŋgiɗ tsa. I ɗif a kurum a dər ndeyndey ka, à məməta ŋgar ana a mət aà dizl magə̀làwà ŋa ya.

1 Kurintiya 2:4

I màwa a kurum à bazlam Mbulum, i ɗifewa a kurum dər. Dukw ana i tsikewa a kurum a ka, a dara i metsehe mburma ya tsa. Yàa bana kurum nda bazlam ilik tsidze. Ama Mezite Mesife Mbulum na a ɗif a kurum à bazlam gà ata nda ndzəɗa ŋgar ndzer kaɗəŋ a.

1 Kurintiya 9:12

Na gà asiŋ gà mìsle ŋgiɗ ta wiz a dukw ana ti ndze a dər a, i təv kurum ana, mər mìi sle a mewize mbaŋa, a zè a dər biy tar ata tsiye? Ama maa wiz aà kurum duwa ilik tsidze. Mì bàs gəzləŋ i mesewere are ana a le aà mər tserdze ya pəra mbaŋa, na dite ka, mìi hìndìk a a vatwa a bazlam ŋgwal ŋa ata aka gər Yesuw Kiristi, mburma tì dzer a zləm a tsiye.

1 Kurintiya 9:18

Dukùla na a ne dukw maya ba gà ata ya? Na a ne ka, bazlam ŋgwal ŋa ana i tsik a a mburma ka, biy taf, Yàa wiz duwa tsiye. Vatwa a riŋ te ibam, na ta viliŋ a duwa agəra bazlam ŋgwal ŋa ata i tsik a ter a ya. Ama ka, Yàa gəs tsa.

2 Kurintiya 2:12

I mah ba ka, i da a Turuwas aà metsìkè bazlam ŋgwal ŋa ana aka gər Yesuw Kiristi ya, a mburma. I ndzeha a fata ka, BATSAH kwa ŋa aka lèmbeɗiŋ aba təv a, a viliŋ vatwa aà metsìkè ŋa parakkà lele.

2 Kurintiya 4:4

Tə tsaraka bazlam ŋgwal ŋa ata tsəka, aɗaba ana Əbay sitene, mala makwàrà gər ahəɗ aaha, aka ge à tar guluf i huɗ metsehe tar, dite ta gəs tsiye. Aɗaba a waya tsa na ta ŋget a a dzaydzay ana à div a i təv tar a ya. Dzaydzay ata a dara ka, i huɗ ŋgwal bazlam ata aka gər ndzəɗa Yesuw Kiristi ana tì zlibe a dər a. Aɗaba Mbulum nda gər ŋgar a pàt à ba ka, nda təv Kiristi.

2 Kurintiya 9:13

Məvəla dukw taf kurum ata na à pèt a à ndzer kurum a mburma parakkà, ti sir a dər, gəzləŋ kurum ŋgwal ŋa, kàa gəsum ŋgwal bazlam ata aka gər Yesuw Kiristi ya ka, ndzer kaɗəŋ, dite kàa gəsum ahər ahəm lele asa ya. Na tàa samata, ki gwim a kataya ka, gà mburma hinne ti ti zèmbeɗe a à Mbulum. Ti ti zlibe a dər mbaŋa, agəra ana ki vilwim a ter a gà dukw kurum fə̀làh fə̀làh, dite ki vilwim a a gà asiŋ gà mburma Mbulum ŋgiɗ tserdze mbaŋa ya.

GALATIYA 1:7

Bazlam ŋgwal ŋana ar ka, kamala ana i ɗif a kurum dər a, tsəka, biy ŋgiɗ a riŋ na a dara i təv Mbulum a ka, a riŋ tsa. I tsik a kurum kataya ka, aɗaba ana i samata ka, gà mìsle ŋgiɗ a riŋ na wis wis ta wise a kurum a à gər a. A sàs a tar ka, manəsa à bazlam ŋgwal ŋa ana biy Yesuw Kiristi ya, ta waya ka, ti tsik a pam.

1 TESALUNIKE 2:13

Mìi misek a à mege kəkaaha a Mbulum tsidze, aɗaba akahər ana mì ɗif a kurum à bazlam Mbulum a ka, kàa gəsum kamala taŋa ya. Kurum kà sərum, bazlam ata a dara ka, i təv Mbulum a, tsəka, bazlam gà mburma ana taf masakəŋa ya tsa. Ndzer kaɗəŋ, bazlam ata ka, biy Mbulum dukw ŋgar. Ar ka, ndzəɗa ŋa, a ge a megemir i ba kurum ana kurum gà mburma Mbulum a.

1 TIMUTE 1:11

Batsah meɗè à dukw aaha ka, a dara i bazlam ŋgwal ŋa ana Mbulum a tsikiŋ, a miyekiŋ dər ɗa a ahər a. Bazlam ŋgwal ŋa ata ka, biy mezlibe à Mbulum Batsah ŋana. Aɗaba ŋgat na a ne təv mipìsè ahəm nda maŋgayaba ana kəla pat a.

2 TIMUTE 1:12

Aɗaba taŋa na kinehe i sèwèr a are kamala naha ya. Ama ka, i ge a magəɗa ɓav tsa. Aɗaba i sər na wele ana i gəs ŋgat nda gəzləŋ gà ya. Dite i sər ndzer asa ka, dukw ana aka viliŋ a ahər a ka, a kesle a lele, haa a pat ana a ta ge seriye ya.

2 TIMUTE 1:16

I heme a a BATSAH kwa ŋa, na dite gà mburma ana i ga i bəra Winesifarus a, ti ndzer a are tsehe ya. Aɗaba ku mege iye riŋ i daŋgay tekeɗe ka, wele ata a ge a hwarwa a mburma, aɗaba iye tsa. A mèwiŋaha à arəv ka, hinne.

2 TIMUTE 1:8

Aɗaba taŋa, tsik bazlam BATSAH kwa ŋana a mət aà dizl magə̀làwà ŋa ya a gà mburma ka, parakkà lele, ki ge dər magəɗa tsidze. Dite ku mege iye riŋ i daŋgay gədzə̀zlzla agəra ana i zezem a ŋgat a tekeɗe, ki ge dər hwarwa ika miɗ mburma tsa asa mbaŋa. Ama ka, hadzal ba yak aà mesewere are nda iye, aɗaba bazlam ŋgwal ŋana ivaɗ. Mbulum na a vilek ahər a ndzəɗa ya.

IBƏRANIKWA 4:12

Kà sərakwa bazlam Mbulum ka, ŋgat na a vile a mesife a mburma ya. Ar ka, ndzəɗa ŋa hinne mbaŋa. Ndzəɗa ŋgar ka, a za dər màsalamà ana matasla ŋa hapəpəpa a zəm tsèke sula ya. A pìts a madzala gà gər mburma ka, kamala màsalamà ana à ses a ikaba təv mezìve ya, nda gà tsa, a dehe a, ərrats à ses a atasl ana azuz iɗəm a. Bazlam ŋgar ata ka, kwàndàlàz à pètere a iɗəm à gà dukw ana gà mburma ti dzele a i gəzləŋ tar, a sàs a tar aà mege ya.

1 PIYER 4:16

Ama na wura à sèwèr a are agəra mazazama Yesuw Kiristi ka, ma ta ge hwarwa tsa. Ma ge kəkaaha a Mbulum ivaɗ, aɗaba ana tə zalawar nda zləm Yesuw Kiristi ya.