RUMA 1:13 - Bible Zulgo

¹³ Gà damər ga, sərum dər ka, sik diŋ na i yahawa vatwa aà madaha a təv kurum a. Ama ka, haa kinehe Yàa ŋgataha vatwa zukw tsa. A sèsiŋ, i dehe a ka, aà mazlàkà kurum, kamala ana i zlàkawa gà asiŋ gà mburma ana ika gà ahəɗ ŋgiɗ a mbaŋa, na dite gà asiŋ ŋa ta mbìɗ a à gəzləŋ tar a təv Mbulum, tì sìkèhehe a a təv kurum aka miɗ aka miɗ a.

RUMA 1:13 ပူးပေါင်းရင်းမြစ်များ

Yuhana 12:24

Iye ihər i gweɗe a kurum a nda ndzer, pàrsa iɗəm tsa: Na tàa tike hwife daw ilik a biye tsəka, a ndze a kataya, à sìkèh a tsa. Ama na tàa slige ka, a sliliŋa. Say wur ŋa ata a gwinekiŋa, dite naha a ge a ba, a ge a wur hinne.

Yuhana 15:16

Kurum tsa na kà zlum iye kamala Batsah kurum ŋa ya. Ama iye na a pala kurum a, dite kà nwim gà ɓəzla mezezeme iye ivaɗ. I pala kurum ka, aà mege meslire gà, dite ka nwim kamala dizl ɗaf ata a we a hinne ya. Mege megemir kurum a de a aka miɗ aka miɗ, a ndze a aà biybiy. Kərga taŋa ya na, dukw ana ki wizwim a aà Tsir gà nda zləm gà ya ka, a vile a kurum ŋa.

Yuhana 4:36

Wele ana a pele a dukw i bəɗ a ka, a ŋget a dukw mayaba ŋgar daga aà kinehe ya, dite a yehe a gər a gà wur gà duwa. Gà dukw ata tserdze ya ka, kamala megweɗe ya ka, gà mburma ana ta ŋget a mesife ana à ndìv a tsa aà biybiy a. Kərga taŋa ya, gà wele ana a slige duwa, nda wele ana a pele a i bəɗ a ka, ta ŋgeye a ba məma.

Gà Ɓəzla Meslire 1:15

A pat ŋgiɗ duwa, i təv ana gà ɓəzla magəsa Yesuw nda gəzləŋ ti yahaba gər, ti sle a dərməka nda dzik səla ya ka, Piyer a hitse aà mbulum i magər tar. A gwaɗa a tar:

Gà Ɓəzla Meslire 14:27

Ti ndzeha a fata tsara ka, ti yaha gər a gà mburma Mbulum ana i fataya, tə ɗama a tar dukw ana Mbulum a ge nda gà tar a tserdze. Tə sər dər ka, meme na a vəl vatwa a gà mburma ana gà Yahuda tsiye, dite na ti tike madzala gà gər tar a təv Mbulum mbaŋa ya.

Gà Ɓəzla Meslire 15:12

I dəba bazlam ata ya tsara ka, gà Pul nda Barnabas tə dza ba aà maɗàmà gà dukw mene à mburma ana Mbulum a ge nda gà tar ika magər gà mburma ata tar gà Yahuda tsiye. Mayahaba gər gà mburma ata tserdze ya ka, tə ndza ɗikɗik, tə dza a tar aaka zləm.

Gà Ɓəzla Meslire 19:21

I dəba gà dukw ata ta ge ba ya ka, Pul a dzala, a gwa: «I de a a Yeruzalem.» A de a ndaka ahəɗ Makaduniya, dite ndaka ahəɗ Akaya mbaŋa. A gwa asa: «I təv ana Yàa da ya ka, say i ndze a a Ruma mbaŋa.»

Gà Ɓəzla Meslire 21:19

Pul a geye a tar wusa, a ɗama a tar parakkà, dukw ana Mbulum a ge nda təv megemir ŋgar ana ika magər gà mburma ana tar gà Yahuda tsiye.

Gà Ɓəzla Meslire 28:14

I fata ka, mì le riŋ aà gà ɓəzla magəsa Yesuw ana ti ne gà damər mər i fataya. Ta gwaɗa a mər: «Kamkam, ndzum ɗa i təv mər kwaskwa ilik te.» Dite i dəba ŋa ya, mì tsìmìɗ aba a Ruma kuɗa.

RUMA 1:12

Kige tsa, ŋgulum i gweɗe a ka, kwa tserdze mayakwabaha à arəv, na dite ka, megìse kurum ana kə̀ gəsum Yesuw Kiristi nda gəzləŋ kurum a ka, à mìŋgehe a à arəv a. Kamala taŋa ya, megìse gà ana i gəs Yesuw Kiristi nda gəzləŋ a tekeɗe ka, à mèye a kurumaha a arəv mbaŋa.

RUMA 11:25

A kurum gà damər gà ana gà Yahuda tsiye. A sèsiŋ i tsik a kurum a ka, dukw ana makàhà ŋa i təv Mbulum, aka pàtakwa dər akahər ata zukw tsiye. I tsik a ka, dukw ana, dite ki slwim a aà mesikehe à ba kurum ika miɗ ŋgar tsik asa tsiye. Araha na dukw ana i tsik a ya: Ama gà asiŋ ŋa i liwiŋ gà Isərayel ka, tàa ne aba gà mandàkugùrum kaɗəŋ. Kəla ka, gà dukw ata ta ge aaka aba kataya ya ka, à ndìviŋa. Ama say gà na gà Yahuda tsa, Mbulum a pala tar, testes tàa yahabaha gər a təv Mbulum ŋa ya dzekwiŋ. I fataya ka, ta mbìɗ a aba a təv ŋgar, ta gis a kuɗa.

RUMA 7:1

A kurum gà damər gà, kurum kà sərum gà məpala ahəm tserdze ka, lele. Ama kà sərum asa ka, məpala ahəm a ŋget a ndzəɗa aka gər mburma ka, say aka ana ŋgat a riŋ aà bəra mba ya ɗekɗek pəra.

1 Kurintiya 1:10

Gà damər gà, iye ihər i ge a kurum a kamkam nda zləm Yesuw Kiristi BATSAH kwa ŋa: Bazlam kurum ma ge ka, ilik pəra, tsəka, wùràpə̀ppa ka ndzakum ba ikaba ya təv pampam tsa.

1 Kurintiya 10:1

A kurum gà damər gà, a sèsiŋ ka, dzalum gà gər aka dukw ana a ge ɗa ba nda təv gà bàba gà tsir kwa ana akahər ata piŋŋe, tə zazam Musa ya. Mbulum a ndza a tar aka miɗ nda hulɓukw ŋgaŋŋa kamala akwa ya. A ɗif a tar à vatwa, a tar ata tserdze. Dite tə tsalara i duluv ana tə zalar duluv nduzzwa ŋa ya.

1 Kurintiya 12:1

Gà damər gà, kinehe ka, a sèsiŋ i fèfil a kurum a aka gər gà ndzəɗa Mezite Mesife Mbulum ana a dzaya a mburma, aà megeye dər gà dukw pampam a kuɗa. I waya ka, ki sirwim a taŋa lele.

1 Kurintiya 14:20

Gà damər gà, ka tə dzalum duwa kamala gà ɓəza ndirkiz a tsa. Dzalum gà gər ka, kamala ana kurum gà bàba gà mburma ya. Ama nda təv mege bakal ka, nwim kamala gà ɓəza kəla ndirkiz ana kwizikw tə sər ikaba à dukw bakal a tsiye.

1 Kurintiya 14:26

Aɗaba taŋa, gà damər gà, na kataya dze ana, ki gekwe a ana, meme? Ama i təv ana ki yehwimebe a gər a ka, mìsle ŋgiɗ à lèh a i ŋgar dimis, mìsle ŋgiɗ a dzeŋge a bazlam Mbulum a mburma, dite mìsle ŋgiɗ ibam, a me a à dukw ana Mbulum a tsiker a, a mburma. Biy ŋgiɗ ka, à fèfil a i ŋgar ndaka ahəm ana ŋgat aka sər tsiye, dite naha ka, à me a dərra iɗəm a parakkà. Ama dukw ana ki gwim a tserdze ya kəla ka, say biy ana gà mburma Mbulum ta ŋget a ndzəɗa ɓəŋɓəŋ, ti de a dər aka miɗ aka miɗ lele ya.

1 Kurintiya 9:2

Ku mege gà mìsle ŋgiɗ ta gəs iye kamala ana iye mala meslire Mbulum tsiye tekeɗe, i təv kurum ka, kà sərum, iye ka, mala meslire ŋgar ndzer. Kə̀ gəsum Yesuw Kiristi nda gəzləŋ ka, aɗaba ana i ɗif a kurum à bazlam ŋgwal ŋa ya. Aɗaba taŋa, na a sər ba ka, iye mala meslire ŋgar ndzer kaɗəŋ a.

2 Kurintiya 1:8

Gà damər mər, a sàs a mər ka, mìi ɗif a kurum a à mesewere are ana mì sèwèr ika ahəɗ Asiya ya. Mesewere are ata ka, a beha, a za ndzəɗa mər fit kweleŋ fètìte. Mì gwa ka, mesife mər aka ndəv, mìi mete a dər pəra.

2 Kurintiya 2:14

Gekwa kəkaaha a Mbulum, aɗaba ana a dza mər a ahər a Yesuw Kiristi, dite ŋgat a ne Batsah mər ŋa, a de à mər a aka miɗ kəla pat. Kamala taŋa ya, a sàs a Mbulum ka, a ɗif a dər a mburma tserdze, dite ka, ku weke ma sər dər, Kiristi na a mba aà duwa tserdze ya. A slər mər, aà metsìkè bazlam ata aka gər Kiristi ya, dite ka, aà gà mburma tə sər ŋgat. Bazlam ata mìi tsik a ya ka, ar kamala wirdè ana a ze hwaŋŋà ya. A zehe a ka, aà gà mburma tserdze, ku mege a ŋga.

GALATIYA 3:15

Gà damər gà, i ɗif a kurum a dər ka, nda mendzikiɗe ba dukw ana a ge a ɗa ba ika gər ahəɗ kinehe ya. Na bəla gà mburma sula tàa dza akaba ahəm dukw ana ti tsik a, tàa wetse aba ya fit, dite tàa ge ahər lambà ahər tar dze ana, taŋa ana, wura a riŋ a sle a aà medzeye à bazlam tar ata ya ya? Kige tsa, wura a sle a aà mesikehe dər aaka ya? Awaŋ, a riŋ tsa.

GALATIYA 6:18

Gà damər gà, i heme a a Yesuw Kiristi BATSAH kwa ŋa, dite ma ge a kurum ŋgwal ŋa. *Amin.

FILIPIYA 1:22

Ama kə̀la ka, na iye riŋ mandza ŋa nda are mba ka, i ge a megemir ana à zlèk a mburma ya. Kamala taŋa ya, a giŋ gərəŋ gərəŋ na i liwiŋ gà bazlam ata sula ya. I zle a iɗəm ana, awara ya ka, i sər tsa.

FILIPIYA 4:17

Ama siŋgwe kurum tsa na a sèsiŋ i ŋget a ya. Seyiŋ tsa ivaɗ, gəzləŋ ga a ŋgeye a ba, aɗaba i sər ka, Mbulum a pise a kurum a ahəm, agəra dukw ana kà vilwimiŋ taf masakəŋa ya.

KULUSIYA 1:10

Kamala taŋa ya, mede kurum ana ika vatwa Mbulum a, a ge a ka, kamala ana a sàs a Yesuw Kiristi BATSAH kwa ŋa ya. Ki gwim a ka, dukw ana a tsahən ahər a tserdze. Ki gwim a ka, dukw ana ŋgwal ŋa ya, kamala dizl ɗaf ana a we a hinne gwètsik gwètsik a. Dite ka, ki sìkèhwim a à masəra Mbulum aka miɗ aka miɗ mbaŋa.

KULUSIYA 1:6

Ŋgwal bazlam ata a ɗe a zləm, ku mege i ŋga, ika gər ahəɗ tserdze. Ar ka, kamala dizl ɗaf ana a gil a ba, dite ka, a we a hinne ya. Kamala taŋa ya, kurum tekeɗe ka, dukw ata a riŋ a de a aka miɗ aka miɗ ika magər kurum mbaŋa, daga aà gər pat ana kà lah metserekwim bazlam ata ya ka, kà sərum ndzer, kàa ndzwim are tsehe a Mbulum, aka ge a kurum ŋgwal ŋa.

1 TESALUNIKE 2:18

Aɗaba taŋa na a sàs a mər məmbə̀ɗaha gər a təv kurum a. Iye Pul nda gər gà, i gwaɗawa, i dehe a, i ta fir aka kurumere a asa te ka, sik diŋ. Ama ka, Əbay sitene aka vəl a mər vatwa tsa.

1 TESALUNIKE 4:13

Gà damər mər, a sàs a mər ka, sərum duwa aka gər gà məməta. Aɗaba arəv ma ta da aà kurum a kamala gà na ta veve a Yesuw tsiye tsa.

2 TESALUNIKE 2:7

Kaɗəŋ, ku mege kinehe, gà mburma hinne tàa mbər medzè ba aà menìwè Mbulum kamala taŋa ya. Dite kà sərakwa ndzəɗa wele ata ŋgwala tsiye a riŋ ka, aɗaba Mbulum na a ɗif a kwa dər a. Ama gà dukw ata ka, ti dere a zukw tsa. Say na wele ata a riŋ a peler a ahəm aà madàra kinehe ya, a de a iɗəm a dzekwiŋ,

2 TIMUTE 4:17

Ama kəla ka, BATSAH kwa ŋa aka zlak iye, a viliŋ ndzəɗa, na dite i tsik bazlam Mbulum a mburma parakkà, i həmbər duwa tsa, dite ka, ku mege weke ɗa i faha ika magər gà na tar ga Yahuda tsiye ka, ma tsaraka ya. BATSAH kwa ŋa a be à iye i ahər məməta ya, kamala ana ta bera à duwa i bazlam azil a.