RUMA 1:10 - Bible Zulgo

¹⁰ Iye ihər i hemer a kəla pat ka, dite mi viliŋ vatwa aà madaha a təv kurum, i fir a aka kurum a te, na mege ŋgat a waya ya.

RUMA 1:10 ပူးပေါင်းရင်းမြစ်များ

Gà Ɓəzla Meslire 18:21

A miyak à tar a fata. Aləka i təv ana à meh a ba ya ka, a gwaɗa a tar: «I mère a a təv kurum a mba, na Mbulum aka waya ya.» A mah ba, a da i kwite ata ya nda slə̀làh yam.

Gà Ɓəzla Meslire 19:21

I dəba gà dukw ata ta ge ba ya ka, Pul a dzala, a gwa: «I de a a Yeruzalem.» A de a ndaka ahəɗ Makaduniya, dite ndaka ahəɗ Akaya mbaŋa. A gwa asa: «I təv ana Yàa da ya ka, say i ndze a a Ruma mbaŋa.»

Gà Ɓəzla Meslire 21:14

I təv ana mì fə̀r ka, kwets à gis a mifefile mər ata tsiye ka, mì gəs meger kamkam asa tsa, dite mì gwaɗar: «Dukuməŋa ma ge ba, kamala ana a sàs a BATSAH kwa ŋa ya.»

RUMA 15:29

Na Yàa daha a təv kurum ka, i sər, Yesuw Kiristi a pise a kwe a ahəm hinne, agəra ana kwa mandza ŋa i təv ilik ŋa ya.

1 Kurintiya 1:1

Na a wetse a kurumaha wakita aaha ka, iye Pul, iye ana i sàs a Mbulum, a zla iye, a ne à iye mala meslire Yesuw Kiristi ya. Mì wetse ka, mər nda Sastanas, damər kwa ana ika vatwa Mbulum a.

1 Kurintiya 4:19

Ama na mege BATSAH kwa ŋa aka waya ka, i dehe bise. Na Yàa daha ka, i ŋget a a gà na tə sə̀ŋgèrawa à ba tar ata ya kuɗa. Tsam ka, i ti sir a dər, wànà gà bazlam tar ata ŋgùrà ŋgùrà ya ana, taf masakəŋa pəra ya, tsəna, tàa ŋgat ndzəɗa i təv Mbulum a nda ndzer a ya.

FILIPIYA 4:6

Ka tə dzalum duwa kwizikw tsidze. Ama ɗifwim à gà dukw ana tàa sle aà kurum tserdze ya ka, a ahər a Mbulum ivaɗ. Hamumar, mà zlak kurum, dite ki gwimer a kəkaaha mbaŋa.

1 TESALUNIKE 2:18

Aɗaba taŋa na a sàs a mər məmbə̀ɗaha gər a təv kurum a. Iye Pul nda gər gà, i gwaɗawa, i dehe a, i ta fir aka kurumere a asa te ka, sik diŋ. Ama ka, Əbay sitene aka vəl a mər vatwa tsa.

FILIMUN 1:22

Ama i təv ana kàa gəs Unesimus a ga a ma yak a ka, kà lèmbeɗiŋ riŋ təv mehinne i fata mbaŋa. Aɗaba i dzala ka, Mbulum a tsereke a dukw ana kà wizwim a ya, na dite a viliŋ a vatwa aà madaha a təv kurum a.

IBƏRANIKWA 13:19

Iye ihər i ge a kurum a kamkam ndeyndey ka, hamum a Mbulum aɗaba iye, dite ka, mi viliŋ vatwa aà məmbə̀ɗaha gər a təv kurum bise.

YAKUBA 4:15

Ŋgulum ki gweɗwim a ivaɗ ka: «Mege Mbulum a vile a mər a vatwa ka, mìi ndze a nda mesife mər, mìi ge a naha, kige tsa mìi ge a naaka.»