RUMA 1:1 - Bible Zulgo

¹ Na a wetse wakita aaha ka, iye Pul, mala megemir Yesuw Kiristi. I wetseha ka, a kurum gà mburma Mbulum ana i Ruma ya. Mbulum a zeliŋ, a ne à iye mala meslire ŋgar, na dite i ɗif a à ŋgwal bazlam ŋgar aaha a mburma ya.

RUMA 1:1 ပူးပေါင်းရင်းမြစ်များ

Markus 1:14

Akahər ata ta gəs Yuhana, ti tike ŋgat a daŋgay gədzə̀zl. I dəba ŋa ya, Yesuw a tsaraka tàa gəs Yuhana ka, a mbəɗaha gər aka ahəɗ Galile. A daha ka, a dza ba aà metsìkè bazlam ŋgwal ŋa ana a da dərra i təv Mbulum a, a mburma. A gwaɗawa a tar:

Yuhana 12:26

Na aka sàs a wura aà megiŋ meslire ka, say ma zezem iye. Ŋgat ka, a ti ndze a i təv ana i ti ndze aɗəm a ya. Aɗaba wur ana a giŋ a meslire ya ka, Tsir gà a ti zlibe a à ŋgat mbaŋa.»

Yuhana 15:15

I sle aà mezele a kurum a ka, gà ɓəzla meslire gà asa tsa, aɗaba gà ɓəzla meslire ka, tə sər dukw ana mala ga tar a ge a ya tsa. I zel a kurum a ka, gà masla gà ivaɗ. Kà sərum taŋa ka, aɗaba ana Yàa mbər meɗife a kurum à guma ana i tsarakara i təv Tsir gà ya fit.

Yuhana 15:20

Bazlam ana ndeɗiŋa i tsik a kurum a ka, mə̀ məts a kurum gər tsa, na i gwa ka, mala meslire a zè a mala ga ŋgar tsiye ya. Na tàa sèwèriŋ are ka, ti ti sèwèr a kurum a are mbaŋa. Na tàa dza gurmits a bəɗ a guma gà ka, ti ti dze a a bəɗ a biy kurum mbaŋa.

Gà Ɓəzla Meslire 13:9

Ama Sawul ana tə zalar Pul maràhà ŋa i ba nda Mezite Mesife Mbulum a, a səraraha aka dukw ana a ge a ya ka, a fə̀r ahər ɗegìrgìr ser aka miɗ ŋgar.

Gà Ɓəzla Meslire 20:24

Ama iye ka, Yàa dzala mesife gà tə tsa. Dukw ilik a sèsiŋ ka, say i ndìv a à meslire ana Yesuw BATSAH kwa ŋa a viliŋ a, tsam ka, tsway, tsəka, duwa a riŋ tsa. Mege megemir ŋa ka, kamala megweɗe ya: Metsìkè bazlam Mbulum ŋgwal ŋa ana mburma a ndzer a dər are tsehe ya.

Gà Ɓəzla Meslire 21:40

Əbay gà sliwdze ata a vəlar vatwa. I dəba ŋa ya, Pul a hitse aka dàmbàzlà ga ata, a zla ahər a Mbulum, a ge dər kətkətkət, kamala megweɗe ya ka, ndzum ɗikɗik. Aləka gà mburma ata tə ndza ɗikɗik ka, Pul a dza ba aà mifèfìlè a tar ndaka ahəm tar gà Yahuda. A gwaɗa a tar:

Gà Ɓəzla Meslire 22:21

Dite i dəba ŋa ya, a gweɗiŋ asa: «

Gà Ɓəzla Meslire 22:7

I dəɗ dər a bəɗ tsara, dite i tsarakara mifefile duwa a ɗera i gəza mbulum a, a gweɗiŋara ka:

Gà Ɓəzla Meslire 26:1

Aləka Agaripa a gwaɗa a Pul: «I vilek a vatwa kinehe ka, fàfəl ika ba yak a kuɗa.» Pul a zla ahər a mbulum, kamala megweɗe ya ka, i fèfil a kurum a te. Dite a dza ba aà mifefile. A gwaɗa a Əbay ata:

Gà Ɓəzla Meslire 26:14

Mì dza a bəɗ fit. Dite i tsarakara iɗəm mifefile duwa i fataya ndaka ahəm mər gà Yahuda ya. Mifefile ŋa a ɗe à iye ka:

Gà Ɓəzla Meslire 27:23

Aɗaba i huɗ həvəɗ aaha mbakum a ka, gawla Mbulum ana iye mburma ŋgar, iye riŋ i ger a meslire ŋgar a, aka dara a təv ga ya.

Gà Ɓəzla Meslire 9:15

Ama BATSAH kwa ŋa ata a gwaɗar: «Da pəra, aɗaba Yàa zla wele ata aà ma giŋ megemir gà, ma ɗif à zləm gà ika miɗ gà bàba ŋa ana ta kwere a mburma ya, nda gà asiŋ gà mburma tserdze, dite nda gà Yahuda ya mbaŋa.

RUMA 1:16

Iye ihər i ɗif a à bazlam ŋgwal ŋa ata ka, parakkà, hwarwa a giŋ a tsa. Aɗaba bazlam ŋgwal ŋa ata ka, ndzəɗa Mbulum iɗəm, a sle a aà məmbə̀là à gà na ta gəs Yesuw Kiristi nda gəzləŋ tar tserdze ya. Malahalah ŋa ka, a mbil a à gà Yahuda, dite i dəba ŋa ya, a mbil a à gà mburma ana tar gà Yahuda tsiye mbaŋa.

RUMA 1:5

Mbulum a zla iye ka, aɗaba Kəla ŋgar ata, dite a ne à iye mala meslire ŋgar a. Kamala taŋa ya, a giŋ ŋgwal ŋa, na dite ka, i ɗif a à bazlam ŋgar a mburma, ku mege i ŋga, ika gər ahəɗ tserdze ya. A sasar ka, ta gəs ŋgat nda gəzləŋ, dite ta gəs ahər ahəm, tə̀ zlə̀b à Yesuw Kiristi.

RUMA 1:9

Ku mege ndeɗime, i hamawa a Mbulum ka, aɗaba kurum. Ama Mbulum ana i ger a meslire nda gəzləŋ ilik, i ɗif a à ŋgwal bazlam ata aka gər Kəla ŋgar a ka, a sər, dukw ana i tsik a ya ka, ndzer kaɗəŋ, pàrsa iɗəm tsa.

RUMA 11:13

Kinehe ka, i fèfil a kurum a, a kurum ana iɗəm gà Yahuda tsiye: Iye ka, mala meslire Mbulum. A slərra iye ya ka, a təv kurum ana gà Yahuda tsiye. Aɗaba taŋa iye ihər i ŋgeye a ba hinne, agəra megemir ŋgar ana a viliŋ ahər a.

RUMA 15:16

A giŋ ŋgwal ŋa ka, na a zla iye aà meɗè à zləm Yesuw Kiristi ika magər gà na tar gà Yahuda tsiye. Yàa vəl ba gà a ahər a Mbulum fit, aà meɗìfè à bazlam ŋgwal ŋa ana a dara i təv ŋgar a. I tsik a ka, a gà na gà Yahuda tsiye, na dite ta gis a ŋgat a. A sèsiŋ ti ne a kamala dukw taf ana ta vəlar, a tsahən ahər, dite Mezite Mesife ŋgar a palara iɗəm tar a.

RUMA 15:29

Na Yàa daha a təv kurum ka, i sər, Yesuw Kiristi a pise a kwe a ahəm hinne, agəra ana kwa mandza ŋa i təv ilik ŋa ya.

RUMA 16:18

Medzìbe gà mburma ata ta ge a megemir ka, a *Kiristi BATSAH kwa ŋa tsa. Ta ge a ka, dukw ana a tsahən aà gəzləŋ tar a ɗekɗek pəra. Ta mèhe a à arəv a gà mburma nda himmè bazlam gìŋgefkèffe ka, nda dukw pàrsa masakəŋana, dukw ana ti tsiker a ika arah a. Kamala taŋa ya, ta bene a dər gà mburma ana tə səraha aka bazlam ŋa tsiye.

RUMA 16:25

Zàmbaɗakwa à Mbulum, aɗaba ŋgat ka, a sle a aà məvəla a kurum ndzəɗa i təv megìse ana kə̀ gəsum ŋgat a ɓərɓər lele. Ar ka, kamala ana i tsikewa a mburma i təv ana i màwa a tar à bazlam ŋgwal ŋana aka gər Yesuw Kiristi ya. Bazlam ata piŋŋe ka, makàhà ŋa. Ama kinehe ka, Mbulum aka pàt a kwa dər parakkà, a mà dər ka, kamala taŋa ya mbaŋa. Akahər ata piŋŋe ka, Mbulum aka tike aaka zlìmbits.

1 Kurintiya 1:1

Na a wetse a kurumaha wakita aaha ka, iye Pul, iye ana i sàs a Mbulum, a zla iye, a ne à iye mala meslire Yesuw Kiristi ya. Mì wetse ka, mər nda Sastanas, damər kwa ana ika vatwa Mbulum a.

1 Kurintiya 9:1

Fə̀rum aà mede gà ana i de a ya. Iye ana, i ziwe a gər gà tsiye? Iye mala meslire Mbulum asa tsiye? Dite Yàa ŋgat a Yesuw BATSAH kwa ŋa nda are gà mbaŋa tsiye? Kurum tserdze kà nwim gà mburma Mbulum ka, aɗaba iye, agəra ana i ge megemir a Yesuw BATSAH kwa ŋa ya.

2 Kurintiya 1:1

Na a wetse a kurumaha wakita aaha ka, iye, Pul ana Mbulum a zla iye, a ne à iye mala meslire Yesuw Kiristi ya. Mì wetse ka, mər nda Timute, damər kwa ana ika vatwa Mbulum a. Mì wetseha ka, a kurum gà mburma Mbulum ana i Kurintiya ya, dite nda gà asiŋ gà ɓəzla magəsa Mbulum ŋgiɗ ana ta gəs nda gəzləŋ, ika ahəɗ Akaya ya tserdze.

2 Kurintiya 11:5

Kurum kù gwaɗum aà gà mburma ata ka, waytsà tar ka, gà bàba gà ɓəzla meslire Mbulum kuɗa. Ama iye ka, i sər ndzer, tar ka, tə za dər iye tsa.

2 Kurintiya 11:7

Akahər ata, i təv ana i tsikewa kurum bazlam ŋgwal ŋa ana a dara i təv Mbulum a ka, Yàa gwaɗa a kurum, pìlwimiŋ dukw maya ba gà ka, Yàa tsik a kurum tsidze. I həna à gər a bəɗ tiɓìzl aɗaba kurum, na dite i zlèk a kurum ika vatwa Mbulum a ivaɗ. Tsəna, wànà i ge taŋa ana, bakal ivaɗ a?

2 Kurintiya 12:11

Iye ihər i ge a zlapa kataya ka, aɗaba i ne à ba gà kamala ana iye mala falày masakəŋa taf a. Ama kəla ka, kurum na kà fàrum aka iye ndzəɗa aà mege à ba gà kataya ya. I ge a aba zlapa ka, aɗaba ana kàa zlə̀bum à iye tsiye. Ana ka, say kurum na ki zlìbwim a à iye ya ivaɗ, tsəna, kataya tsiye? Aɗaba ku mege iye ka, duwa taf masakəŋa tekeɗe, gà asiŋ gà ɓəzla meslire Mbulum kurum ata kə̀ gwaɗum, tar gà bàba ŋa ya ka, tə za dər iye tsidze.

2 Kurintiya 2:12

I mah ba ka, i da a Turuwas aà metsìkè bazlam ŋgwal ŋa ana aka gər Yesuw Kiristi ya, a mburma. I ndzeha a fata ka, BATSAH kwa ŋa aka lèmbeɗiŋ aba təv a, a viliŋ vatwa aà metsìkè ŋa parakkà lele.

2 Kurintiya 4:5

I təv ana mìi tsik a bazlam ŋgwal ŋa ata ya ka, mìi tsik a aka gər ba mər ŋa tsa. Mìi tsik a ka, aka gər Yesuw Kiristi. Mì gwaɗawa a tar ka, ŋgat na Batsah ŋa ika gər gà mburma tserdze ya. Mər mì ne ka, gà ɓəzla meslire kurum pəra, aɗaba Yesuw.

GALATIYA 1:1

Na wetse wakita aaha ka, iye Pul, mala meslire Yesuw Kiristi. Meslire ata i ge a ya ka, mburma na a slər ahər iye ya tsa. Dite kwets ti tike aɗəm iye metike ɓav tsa asa. Ama ka, Yesuw Kiristi na a slər ahər iye ya kəla, tar nda Mbulum Tsir kwa ana a mbəlara à ŋgat i məməta ya ya.

EFESIYA 1:1

Iye Pul, wele ana Mbulum a zla kamala mala meslire Yesuw Kiristi ya. I wetseha wakita aaha ka, a kurum gà mburma Mbulum ana i Efesiya ya. I wetseha ka, a kurum ana kàa gəsum Yesuw Kiristi nda gəzləŋ lele, dite ka, kurum riŋ mandza ŋa i təv ilik ŋa nda gà ŋgat asa ya.

EFESIYA 1:13

Kurum tekeɗe ibam ka, i təv ana kàa tsarakum bazlam ŋgwal ŋana ndzer, kà sərum ka, ki ta mbilwim a dər a ka, kə̀ gəsum Yesuw Kiristi nda gəzləŋ kurum mbaŋa. Kərga taŋa ya, Mbulum aka ge aà kurum lambà nda Mezite Mesife ŋgar ana a gwa ka, i ta vile a kurum a ya, aɗaba ana kurum mandza ŋa i təv ilik ŋa nda gà Yesuw Kiristi ata ya.

EFESIYA 4:11

Ŋgat na a dzaya ba ndzəɗa aà megeye gà megemir pampam a mburma ya. A ne à gà asiŋ gà mburma ŋgiɗ kamala gà ɓəzla meslire ŋgar a, gà asiŋ ŋa gà ɓəzla məma à guma ŋgar. Gà asiŋ ŋa ibam, gà ɓəzla metsìkè bazlam ŋgar a gà na tàa gəs ŋgat nda gəzləŋ zukw tsiye. Dite a ndzək gà mìsle ŋgiɗ pam asa, a ne à tar gà ɓəzla magəsa aba gər a gà mburma Mbulum, dite nda gà na ti dzeŋge a bazlam ŋgar a mburma ya.

FILIPIYA 1:1

Na a wetse wakita aaha ka, iye Pul, mər nda Timute ana mər gà ɓəzla meslire Yesuw Kiristi ya. Mì wetseha ka, a kurum gà mburma Mbulum ana i Filipiya, kurum riŋ mandza ŋa i təv ilik ŋa nda gà Yesuw Kiristi ya. Mì wetseha ka, a gà bàba ŋa ana ika magər kurum a, dite a gà ɓəzla mazlàkà kurum gà mburma Mbulum tserdze mbaŋa.

FILIPIYA 2:11

Ku weke a gweɗe a parakkà: «Yesuw Kiristi na Batsah ŋa ika gər gà duwa ya tserdze ya.» Kamala taŋa ya, tì zlibe a à Mbulum Tsir ŋgar mbaŋa.

KULUSIYA 1:1

Iye Pul, wele ana Mbulum a zla iye, a ne à iye mala meslire Yesuw Kiristi ya. Mì wetse a kurumaha wakita aaha ka, mər nda Timute, damər kwa.

KULUSIYA 1:25

Mbulum a zla iye ka, a ne à iye mala meslire kurum, kurum ana kə̀ gəsum ŋgat a. A gweɗiŋ ka, ɗif à bazlam gà a mburma tserdze parakkà, dite a kurum tekeɗe, a ge a kurum a ŋgulum mbaŋa.

1 TESALUNIKE 2:2

Ama ələk mì ta medeha a təv kurum ka, tàa sèwèr a mər are i Filipiya hinne. Tàa ge a mər matawak ka, kurum kà sərum. Ama ku mege gà ɓəzla mene are mər riŋ hinne tekeɗe, Mbulum aka vəl a mər ndzəɗa, na dite mì ɗif a kurum à bazlam ŋgwal ŋa ana a dara i təv ŋgar a ya.

1 TESALUNIKE 2:8

Mì waya kurum ka, hinne. Aɗaba taŋa, i təv ana mər mandza ŋa i təv kurum a ka, a sàs a mər na mìi ɗif a kurum a à bazlam ŋgwal ŋa ana a dara i təv Mbulum a ya. Ama ka, taŋa ɗekɗek tsa, a sàs a mər ka, mìi mete a aɗaba kurum, agəra ana mì waya kurum ka, hinne ya.

1 TESALUNIKE 2:9

Gà damər mər, megemir ana mì ge i təv kurum a ka, nda ndzəɗa na mì mər aba ya. Ama ka, mə̀ məts a kurum gər tsa, ndzum dər i gər hiywe: Aɗaba akahər ata mì ɗif a kurum à ŋgwal bazlam ana a dara i təv Mbulum a ya ka, maa ge megemir hinne, ku mege ndaàvəɗ, ku mege ndaàpat tekeɗe ya. Mì ge dər kataya ka, a sàs a mər na mì nikiɗ à kurum à dukw mezime ya tsiye.

1 TIMUTE 1:1

Na a wetse wakita aaha ka, iye Pul, mala meslire Yesuw Kiristi. Gà Mbulum, mala məmbə̀là à kwa, nda Yesuw Kiristi ata, wele ana kà sərakwa nda madzala gà gər kwa ka, a ta ge a dukw ana aka mbər metsìkè a kwa ya, na tə slərra iye ya ya.

1 TIMUTE 2:7

Aɗaba taŋa na Mbulum a slərra iye ya, i ne mala meslire ŋgar a. A slərra iye ya ka, aà meɗife à dukw ata a mburma, i tsik a guma ŋgar ndzer ŋana a gà mburma ana gà Yahuda tsiye, dite ka, ta gəs nda gəzləŋ ilik. I tsik taŋa ka, ndzer, tsəka, pàrsa iɗəm tsa.

2 TIMUTE 1:11

Bazlam ata ka, Mbulum na a slər dərra iye ya. A sasar na i tsik a a mburma tserdze, i ɗif a ter a dər lele ya.

TITUS 1:1

Na a wetse wakita aaha ka, iye Pul ana i ge a megemir Mbulum, dite iye mala meslire Yesuw Kiristi ya mbaŋa. Ama Mbulum a slər iye ka, dite i tsik a bazlam ŋgar a gà na a pala tar a, na dite ta gis a ŋgat nda gəzləŋ, ti sir a guma ŋgar ana ndzer ŋa, a ɗifekwe a à mede kwa ana à tsehin a aà Mbulum a tserdze ya mbaŋa.

IBƏRANIKWA 5:4

Wura a sle a aà mene à ba ŋgar batsah mala mandəva kuɗa a Mbulum nda ahər ŋgar tsa. Say na Mbulum aka ne à ŋgat kamala ana a ne à Haruna akahər ata ya tsiye.

IBƏRANIKWA 7:26

Kamala taŋa ya, Yesuw ka, batsah mala mandəva kuɗa a Mbulum kwa. Ŋgat ka, wele ana a sle a aà mege dukw ana a sle aà kwa ndaka miɗ ŋgar a. Aɗaba ŋgat ka, tsəɗaŋŋa, bakal i təv ŋgar tsa, dite swalwa i ba ŋgar kwizikw ɓav tsa asa mbaŋa. Mendze ŋgar ka, tsàkàlàk aà gà ɓəzla bakal a. Mbulum a tike ŋgat a təv ŋgar i gər ŋa.

YAKUBA 1:1

Iye Zakup, mala megemir gà Mbulum nda Yesuw Kiristi BATSAH kwa ŋa. I geha wusa a gà mburma Mbulum ana tə dzaya aba vatwa ilik ilik ku mege a ŋga aka gər ahəɗ tserdze ya.

1 PIYER 4:17

Pat ana Mbulum a ge a seriye a gà mburma ya ka, aka à mendzera. A lah mege a ka, a gà mburma ŋgar dzekwiŋ. Ama na Mbulum à lèh mege a seriye ka, biy gà mburma ŋgar dzekwiŋ ana, dite meme na a ta ge a biy gà mburma ana ti niw bazlam ŋgwal ŋa aaha seyiŋ a?

2 Piyer 1:1

Na a wetse a kurumaha wakita aaha ka, iye Simun Piyer ana iye mala megemir Yesuw Kiristi ana i gewar meslire ya. I wetseha wakita aaha ka, a kurum ana kà gəsum Yesuw Kiristi nda gəzləŋ kurum tserdze, kalkal kamala mər ana mì gəs ŋgat mbaŋa ya ya. Vatwa megìse ata ka, dukw ŋgwal ŋa. Yesuw Kiristi a vəl a kwa vatwa ata ka, dite ku weke mà gəs ŋgat. Aɗaba ŋgat ka, mala ndzer ŋa, a wele a ikaba mburma ya tsa. Ŋgat ka, Mbulum, a mbəl à kwa i bakal kwa ya.

Yuda 1:1

Iye Yuda, mala megemir Yesuw Kiristi, dite iye damər Zakup mbaŋa. I wetseha wakita aaha ka, a kurum gà mburma ana Mbulum Tsir kwa a waya ya. A pala kurum kamala gà mburma ŋgar a, dite a riŋ a kesle a kurum nda təv Yesuw Kiristi ya.

Sunwa Yuhana 1:1

Wakita aaha a fàfəl ka, aka gər dukw ana Yesuw Kiristi a ɗif dər a gà na ta ge a megemir a Mbulum a. Aɗaba Mbulum na a gwaɗar, ɗif a tar dər a, dite ka, tə sər aà dukw ana a ta ge a ba bise ya. Aɗaba taŋa na Yesuw Kiristi a slərra gawla ŋgar a təv Yuhana ana mala meslire ŋgar a, dite na a ɗifer à gà dukw ata ya.

Sunwa Yuhana 22:6

I dəba ŋa ya ka, gawla Mbulum a gweɗiŋ: «Gà bazlam aaha ka, gà ndzer ŋa, pàrsa iɗəm tsa. Mbulum BATSAH kwa ŋa, mala məvəla Mezite Mesife ŋgar a gà ɓəzla məma à guma ŋgar na a slərra gawla ŋgar a, dite ka, a ɗif à dukw ana a ta ge a ba bise ya, a gà ɓəzla meslire ŋgar.»

Sunwa Yuhana 22:9

Ama ka, aka viliŋ vatwa tsa. A gweɗiŋ asa: «Iye tekeɗe ka, mala meslire Mbulum, kamala kurum ana nda gà damər yak kà màwum à guma ŋgar, kə̀ gə̀sawum ahəm aà gà bazlam ana i huɗ wakita aaha tserdze ya mbaŋa. Ama seyiŋ tsa, zàmbaɗa ka, à Mbulum ivaɗ.»