Mata 9:8 - Bible Zulgo

⁸ Ama gà mburma ana tar riŋ i fata tserdze ya, ta ŋgat a dukw mene à mburma ata Yesuw a ge ya ka, ta ge magəɗa hinne, tə zàmbaɗa à Mbulum, aɗaba ana a dara, a vəl ndzəɗa a mburma kataya ya.

Mata 9:8 ပူးပေါင်းရင်းမြစ်များ

Mata 12:23

Ama gà mburma ana a riŋ i fata tserdze ya, ta ŋgatar kataya ka, a ge aà tar kamala dukw mene aà mburma ya. Ta gwa: «Naha ana, kəla gà gwala Dawda ana Mbulum a gwa, i ti slir a kurumaha a ya kəla ya?»

Mata 15:31

Gà mburma ata tə daha a təv Yesuw tserdze ya, ta ŋgat a gà ɓəzla dukw məməta ana a mbala à tar a ka, a ge aà tar kamala dukw mene aà mburma ya. Aɗaba ta fə̀r ka, gà na ta mbàwa aà mifefile tsiye ka, tar riŋ ta fèfil a lele. Gà na magàha a bəɗ ŋa tekeɗe, tar riŋ ti de a nda sik tar zə̀bak zə̀bak lele mbaŋa. Dite gà ɓəzla videl ibam, tàa mbala, gà ɓəzla guluf tekeɗe ka, tàa ŋgat a vatwa ndzih ndzih lele kuɗa. Gà mburma ata i fataya tserdze, tə dza ba aà mazàmbàɗà à Mbulum gà Isərayel ŋgəlakəkka.

Mata 28:18

Dite Yesuw a sìrìkaha a təv tar kuɗa. A daha, a gwaɗa a tar: «Mbulum aka viliŋ mekwere ŋgar ana i gər ŋa ya, ndəna ɗa ika gər ahəɗ a tserdze ka, a ahər gà.

Mata 5:16

Aɗaba taŋa, mede kurum ana ŋgwal ŋa ya, mə̀ pàt aba ika miɗ mburma tserdze, kamala dzaydzay ata ya, dite ta fə̀r aà megemir kurum ana ki gwim a a Mbulum ŋgwal ŋa lele ya ka, tar ibam, tə̀ zàmbaɗa à Mbulum Tsir kurum ana i gər ŋa ya mbaŋa te.»

Mata 9:7

Tsam ka, tsèwrèw wele ata a hitse, a daba a ma tsara.

Markus 2:12

I təv ana ə̀ba gà mburma ta fə̀r aakaha ya ka, wele aaha a hitse tsara, a zla slə̀làh ŋgar ata, a daba. Gà mburma ata i fataya, tə dzadzar hinne, agəra dukw mene aà mburma ata Yesuw a ge ya. Ta gwa: «Yweh, yweh, yweh, maa ŋgat a duwa ilik kamala naha ya tsidze.» Dite i fataya ka, tə zàmbaɗa à Mbulum hinne tsara.

Markus 7:37

Aɗaba dukw ana Yesuw a ge a ka, dukw mene aà mburma hinne. Ta gwaɗawa ahər: «Dukw ana a ge a ya ka, à lèmbeɗe a lele ndzer. Ku mege mandakazləm ibam, à hìndìker a i zləm a, à fèfil a lele.»

Luka 13:13

A dza ahər aka məkəs ata. I fataya tsara ka, a hitse ndiɗ lele kuɗa. Dite a dza ba aà mazàmbàɗà a Mbulum.

Luka 17:15

Mìsle ŋgiɗ ilik ika magər tar a, a samata ba ŋgar ana a mbəl a ka, a mbəɗ gər a dəba, a təv Yesuw, nda mazàmbàɗà à Mbulum ŋgarra.

Luka 17:18

Wànà wura ilik aka màra a dəba aà mege kəkaaha a Mbulum ika gər slele aaha ya te tsiye?»

Luka 18:43

I dəba bazlam Yesuw ata a tsiker kataya ya tsara ka, wurat are ŋgar a hə̀ndə̀k ba. Dite a zazam Yesuw nda gà mazàmbàɗà aà Mbulum, tə dəɗ akaba tserdze. Gà mburma ana i fataya tekeɗe, ta ŋgat a dukw ata ka, tə zàmbaɗa à Mbulum mbaŋa.

Luka 2:20

I dəba ŋa ya, gà ɓəzla makəva gà dukw ata ta mbəɗ gər a təv makəva gà dukw tar ana tə dara iɗəm a. Tə daha, tə dza ba aà mazàmbàɗà Mbulum tsara. Ta ger wusa hinne, aɗaba dukw ana tə tsarakara i fata, ndəna ta ŋgatarra ya. Aɗaba dukw ata gawla Mbulum aaha a lah metsike a tar ndeɗiŋa ya ka, kaɗəŋ, pàrsa iɗəm tsa, a ge ba kamala ana a tsik a tar a ndzer.

Luka 23:47

Əbay gà sliwdze gà Ruma ana ti tike aà makàslà Yesuw a, a ŋgat a dukw ana a ge ba ya ka, a zàmbaɗa a Mbulum. A gwa: «Wele aaha ka, ŋgwal mburma ndzer kaɗəŋ.»

Luka 7:16

Dukw ata Yesuw a ge ya ka, a ge magəɗa a gà mburma ata i fata tserdze ya hinne. Tə zàmbaɗa aà Mbulum. Ta gwaɗawa: «Batsah mala məma à guma Mbulum aka dara aka magər kwa ya. Dite Mbulum aka dara, aà mazlàkà gà mburma ŋgar a mbaŋa asa.»

Yuhana 15:8

Na kàa nwim kamala dizl ɗaf ata a wa hinne ya ka, gà mburma ti sir a dər ka, kurum gà ɓəzla mezezeme iye ndzer kaɗəŋ. Kamala taŋa ya, mezlibe ana tì zlibe a à Mbulum Tsir gà ya, à pèt a aba parakkà lele.

Gà Ɓəzla Meslire 11:18

Gà mburma ata tə tsaraka bazlam Piyer ata kataya tsara ka, ta miyak à mimbètsè ahəm ata ndeɗiŋa ya, tə zàmbaɗa à Mbulum. Ta gwa: «Mbulum aka vəl vatwa a gà mburma ana tar gà Yahuda tsiye, aà məmbə̀ɗà à madzala gà gər tar, dite ta ŋgat ŋgwal mesife ana ndzer a kaɗəŋ mbaŋa.»

Gà Ɓəzla Meslire 21:20

Tə tsaraka bazlam ata lele ka, tə dza ba aà mazàmbàɗà à Mbulum. Aləka i dəba ŋa ya, ta gwaɗa a Pul: «Samata kwaŋ, damər mər, i faha ka, gà Yahuda hinne na tàa gəs Yesuw a. Ama hiywe tar riŋ ta ge a iɗəm metsehe a məpala ahəm Musa ya.

Gà Ɓəzla Meslire 4:21

I dəba ŋa ya, mayahaba gər gà mburma ata ti yaha vatwa, waytsà aà mandza aà tar magəɗa hinne asa, dite ta pəl à tar, tə da ba. Ta ŋgat vatwa dukw ana tì sèwèr a ter a dər are ya tsa, aɗaba gà asiŋ gà mburma tserdze tar riŋ tì zèmbeɗe a à Mbulum, agəra dukw mene à mburma ata a ge ba ya.

2 Kurintiya 9:13

Məvəla dukw taf kurum ata na à pèt a à ndzer kurum a mburma parakkà, ti sir a dər, gəzləŋ kurum ŋgwal ŋa, kàa gəsum ŋgwal bazlam ata aka gər Yesuw Kiristi ya ka, ndzer kaɗəŋ, dite kàa gəsum ahər ahəm lele asa ya. Na tàa samata, ki gwim a kataya ka, gà mburma hinne ti ti zèmbeɗe a à Mbulum. Ti ti zlibe a dər mbaŋa, agəra ana ki vilwim a ter a gà dukw kurum fə̀làh fə̀làh, dite ki vilwim a a gà asiŋ gà mburma Mbulum ŋgiɗ tserdze mbaŋa ya.

GALATIYA 1:24

Tə tsaraka kataya ka, tə zàmbaɗa à Mbulum aɗaba iye, agəra dukw ana a mbəɗ à iye ya.

1 PIYER 2:12

Mendze kurum ana ki ndzwim a i liwiŋ gà na tə sər Mbulum tsiye ka, bakal ma ge iɗəm tsa, ndzum lele. Aɗaba ku mege gà na ti tsik aà kurum a dukw ana ŋgwala tsiye tekeɗe ka, ta fə̀r aà mede kurum nda megemir kurum ka, lele asa mbaŋa. Dite bəla Mbulum à hìndìk a ter a dər are, tì zèmbeɗe a dər a pat ana a dere a a təv tar a.