Mata 9:6 - Bible Zulgo

⁶ Ama a sèsiŋ ka, sərum dər, iye, *wur ana a dara i təv Mbulum a, iye riŋ nda gà ndzəɗa, aà məpəla à bakal ika gər ahəɗ.» I dəba ŋa ya, a gwaɗa a mala magàha a bəɗ ata asa: «Kinehe ka, hitse, zla slə̀làh yak, ka daba a ma.»

Mata 9:6 ပူးပေါင်းရင်းမြစ်များ

Mata 4:24

I dəba ŋa ya, mege dukw ŋgar ata a ɗe zləm tsikw aka ahəɗ Siriya ana a mbeha a Galile ata ya. Tə tsaraka kataya ka, tə daha, tə ndzakaha gà ɓəzla dukw məməta ŋgiɗ pampam a təv ŋgar, gà na ndelèɓ ndelèɓ ti sèwèrewa are hinne i dukw məməta tar a, nda gà na sitene i ba tar a, dite nda gà na a beye à tar a dala ya, nda gà ɓəzla videl tserdze, a mbala à tar.

Mata 8:20

Yesuw a tsaraka kataya ka, a gwaɗar: «Dzala dzekwiŋ, aɗaba ŋgulum gà mbayakà ka, biye tar a riŋ, gà ɗiyeŋ tekeɗe ibam, ga tar a riŋ mbaŋa, na ta hinne a iɗəm a. Ama iye, *wur ana a dara i təv Mbulum a ka, ga gà a riŋ, na i hinne a iɗəm, dite i sifik a ba ya tsa.»

Mata 9:2

A ndzeha a fata ka, tə zlaraha mala magàha a bəɗ duwa madzàwà ŋa aà slə̀làh. Yesuw a samata gà mburma ana tə zlaha mala magàha a bəɗ ata ya ka, ta gəs ŋgat nda gəzləŋ lele. A gwaɗa a mala magàha a bəɗ ata: «Kəla gà, arəv ma da aà kər a tsa, Yàa pə̀lak à bakal yak.»

Mata 9:5

Magwàɗà a mala magàha a bəɗ: nda bazlam masakəŋa ka, a wur ba tsa. Kige tsa: ka, taŋa ka, a wur ba.

Mata 9:7

Tsam ka, tsèwrèw wele ata a hitse, a daba a ma tsara.

Markus 2:10

Ama a sèsiŋ ka, sərum dər, iye, *wur ana a dara i təv Mbulum a, iye riŋ nda gà ndzəɗa à məpəla à bakal ika gər ahəɗ.» Yesuw a tsik kataya tsara ka, a gwaɗa a mala magàha a bəɗ aaha:

Markus 2:7

«Meme na wele aaha a tsik a bazlam Mbulum a mburma kataya ya? Wànà a tsik dukw ana ŋgwala tsiye aà Mbulum, a ndavayar ivaɗ a? Weke na a sle a aà məpəla à bakal a mburma ya, na Mbulum ilik tsiye?»

Luka 5:21

Aləka i dəba ŋa ya asa, gà ɓəzla medzeŋge məpala ahəm Mbulum ata nda gà Farisa ya, tə dza ba aà madzala ŋa nda gà gər. Ta gwa: «Wele aaha dze ana, weke, na ŋgat ka, a tsik a duwa aà Mbulum kataya, a ndeveyer a ya? Weke na a sle aà məpəla à bakal a mburma ya, na Mbulum ilik tsiye?»

Yuhana 10:28

I vile a ter a mesife ana à ndìv a tsa aà biybiy a, ta mete a tsidze, dite wura a sle aà mekìzelere a tar i ahər gà ya asa tsa.

Yuhana 17:2

Kər kàa viliŋ ndzəɗa aka gər gà mburma tserdze, aɗaba taŋa na i sle a aà məvəla mesife ana à ndìv a tsa aà biybiy a, a gà na kà dziŋ tar a ahər a ya.

Yuhana 5:27

Ŋgat mbaŋa na a viliŋ ndzəɗa a iye, Kəla ŋgar, aà mege seriye aka gər gà mburma ya, aɗaba ana iye wele ana a dara i təv ŋgar a.

Yuhana 5:8

Yesuw a tsaraka kataya ka, a gwaɗar: «Hitse, zla bwitse yak, ka da ba.»

Gà Ɓəzla Meslire 5:31

Mbulum a hitse à ŋgat aka tsèke ahər mezime ŋgar, a tike ŋgat a Əbay. A ne à ŋgat mala məmbàlà à mburma asa. A ge dər kamala taŋa ya ka, dite gà mburma Isərayel tə ta ŋgat vatwa aà məmbə̀ɗà à gà gəzləŋ tar nda məpəla à bakal tar tserdze.

Gà Ɓəzla Meslire 9:34

Piyer a gwaɗar: «Iniyas, hitse, Yesuw Kiristi a mbil a à kər, ka məsak à təv mehinne yak.» Iniyas a tsaraka kataya tsara ka, a hitse aà mbulum, a məsak à təv mehinne ŋgar.

2 Kurintiya 2:10

Na kàa pə̀lum à bakal a wele ata ka, iye tekeɗe, i piler a dər mbaŋa. Na bəla aka giŋ duwa biy na i piler a dər a ka, taŋa ka, Yàa pə̀lar dər nda ndzer dukw ŋgar. I pə̀lar dər ka, aɗaba kurum, ika miɗ *Kiristi.

2 Kurintiya 5:20

Aɗaba taŋa, mər ka, maa ne gà ɓəzla meslire Kiristi. Ar ka, kamala ana Mbulum nda gər ŋgar a zel a a mburma nda bazlam mər a. Mìi ge a kurum a kamkam, aɗaba Kiristi: Vəlumar vatwa, ma sər ba à kurum nda Mbulum.

EFESIYA 4:32

Ki sirwim a ba a ahəm ka, lìfèɗìɗe lele, gà mburma na ti ndze a kurum a are tsehe ya ivaɗ. Pə̀lum aba à bakal ilik ilik tserdze, kamala Mbulum ana a pəl a kurum dər aɗaba kurum ana gà mburma Yesuw Kiristi ya.

KULUSIYA 3:13

Sərum ba ika magər kurum lele. Na bəla wura aka ge a kurum dukw ana ŋgwal ŋa tsiye ka, ka ta mumar aɗəm à bakal ŋa tsa, pə̀lumar dər seyiŋ ivaɗ. Pə̀lum a ba à bakal kamala ana BATSAH kwa ŋa a pəl a kurum dər a mbaŋa.