Mata 9:31 - Bible Zulgo

³¹ Ama tar ta mah ba i fataya tsara ka, tə daha, ti tsikeye dukw ana Yesuw a ge nda tar a. Tə suwaya dər ika ahəɗ ata tserdze.

Mata 9:31 ပူးပေါင်းရင်းမြစ်များ

Mata 14:1

Akahər ata ka, *Hiridus ŋgat batsah Əbay ana ika ahəɗ Galile ya, a tsaraka meɗè zləm Yesuw ana a riŋ a geye a gà dukw mene aà mburma pampam a.

Mata 28:15

I dəba ŋa ya, gà sliwdze ata ta ndzək siŋgwe ata tə dzàɗa a tar a. Tə daha, ə̀ndats ə̀ndats tə sasa pàrsa, ta mà à bazlam gà bàba ŋa ata ti tsik a tar a kaɗəŋ. Dite haa kinehe, bazlam pàrsa ata à ndìv a tsa, rih rih rih ika magər gà Yahuda ya.

Mata 4:24

I dəba ŋa ya, mege dukw ŋgar ata a ɗe zləm tsikw aka ahəɗ Siriya ana a mbeha a Galile ata ya. Tə tsaraka kataya ka, tə daha, tə ndzakaha gà ɓəzla dukw məməta ŋgiɗ pampam a təv ŋgar, gà na ndelèɓ ndelèɓ ti sèwèrewa are hinne i dukw məməta tar a, nda gà na sitene i ba tar a, dite nda gà na a beye à tar a dala ya, nda gà ɓəzla videl tserdze, a mbala à tar.

Mata 9:26

Ama dukw ata Yesuw a ge a ya ka, a ɗe zləm ika ahəɗ ata i fataya fit dze.

Markus 1:28

I dəba ŋa ya bise tsara, gà mburma ana ika ahəɗ Galile ya, ti ɗewa zləm à Yesuw hinne.

Markus 7:36

Yesuw a gwaɗa a gà mburma ata i fataya: «Ka ti tsikwim a wura tsidze.» Ama tə tsaraka tsa. Aɗaba Yesuw a gwaɗa a tar, ka ti tsikwim tsa tekeɗe ka, ta mba aba aka metsìkè ŋa ivaɗ.

Luka 4:14

I dəba ŋa ya, Yesuw a mbəɗ gər aka ahəɗ Galile ka, maràhà ŋa nda gà ndzəɗa Mezite Mesife Mbulum i ba ŋgar hinne. Gà mburma tə dza ba aà maɗə̀vàr zləm i gà kwite ana i fataya.

Luka 4:37

I dəba ŋa ya, gà mburma ata tserdze ya, ti ɗewa zləm à Yesuw ika ahəɗ ata hinne.

Luka 5:15

Tsaatsa ivaɗ, wele ata a mbəɗ ba, a neye ŋgat. Meɗè zləm Yesuw a ɗe zləm i fata hinne. Gà mburma hinne ti yahawa ba gər aà matsaraka dukw ana a tsik a ya, ta waya, dite mə mbala à tar i dukw məməta tar a.

Luka 7:17

Aləka gà mburma ana ika ahəɗ Yuda ya, nda gà na i gà kwite ana ta mberaha ya fit, tə tsaraka dukw ata Yesuw a ge ya.