Mata 9:3 - Bible Zulgo

³ I fata ka, gà asiŋ gà ɓəzla medzeŋge məpala ahəm Mbulum duwa tar riŋ mbaŋa. Tə dzala i gər tar, ta gwa: «Wele aaha ka, aka tsik dukw ana ŋgwala tsiye, a ndavaya a Mbulum.»

Mata 9:3 ပူးပေါင်းရင်းမြစ်များ

Mata 26:65

Batsah mala mandəva kuɗa a Mbulum ata a tsaraka kataya ka, a tsəɓar hinne. A tayara ikaba petek ŋgar a kwìyeɗ kwìyeɗ fit. A gwaɗa a gà mburma ŋgar ata: «Bazlam a riŋ asa tsa, kàa tsarakum bazlam ŋgar ata a tsik aà Mbulum ŋgwala tsiye te tsiye? Ki yehekwe a ana, əla na à gà ɓəzla sida asa ya? Kàa tsarakum mezelme bazlam ŋgar ata a ndavayar a te tsiye?

Mata 7:29

Aɗaba bazlam ata a tsik a tar a ka, kamala biy gà ɓəzla medzeŋge məpala ahəm Mbulum ana ti tsikewa a tar a tsa. Ama ka, nda ndzəɗa hinne, kamala ana ŋgat Əbay a, na a tsik a tar a.

Markus 14:64

Kàa tsarakum mezelme bazlam ŋgar ata a ndavaya a Mbulum a te tsiye? Kù gwaɗum aaka, i kurum dze ana, meme na aka bazlam ŋgar ata ya? Wànà ki gekwe a dər ana, meme na kinehe ya?» Gà mburma ata tserdze ya, ta gwa: «Na kataya ka, bazlam a riŋ asa tsa, ŋgat ka, mala bakal ndzer, say makə̀ɗà ŋgat ilik pəra na a zeha ya.»

Markus 3:28

I dəba ŋa ya, a gwaɗa a tar asa: «Iye ihər i tsik a kurum a nda ndzer: Mbulum à pìl a à bakal a mburma tserdze, ku mege nda təv gà mezelme bazlam ana ti tsik ahər a ŋgwala ŋa tsa tekeɗe ya.

Markus 3:29

Ama wur ana aka tsik dukw ana ŋgwala tsa aà Mezite Mesife Mbulum a ka, Mbulum à piler a à bakal ŋgar tsidze. A ndze a ika gər ŋgar aà biybiy.»

Markus 7:21

Aɗaba na a dere a i gəzləŋ mburma ya ka, madzala gà gər ana ti dzele a ŋgwala tsiye. Taŋa na a peze a za a mburma aà mege mezelme nda təv dukw ana biy metsike tsiye, nda gà mege akəl, nda makə̀ɗà mburma,

Luka 5:21

Aləka i dəba ŋa ya asa, gà ɓəzla medzeŋge məpala ahəm Mbulum ata nda gà Farisa ya, tə dza ba aà madzala ŋa nda gà gər. Ta gwa: «Wele aaha dze ana, weke, na ŋgat ka, a tsik a duwa aà Mbulum kataya, a ndeveyer a ya? Weke na a sle aà məpəla à bakal a mburma ya, na Mbulum ilik tsiye?»