Mata 9:27 - Bible Zulgo

²⁷ Aləka i təv ana Yesuw a mah ba, a de a i fataya ka, gà ɓəzla guluf duwa sula tə zazam ŋgat nda gà Mewideye, nda magala hinne. Ta gwaɗar: «Yesuw gwala Dawda, mì ndzek are tsehe ti tsiye? Zlak mər te.»

Mata 9:27 ပူးပေါင်းရင်းမြစ်များ

Mata 1:1

23 Yesuw Kiristi ka, a dara i gwala Dawda a. Batsah tsir tar ibam, Abəraham. Araha na bazlam mawùba tar a:

Mata 11:5

Gwaɗumar ka, gà ɓəzla guluf tàa ŋgat are tar, dite gà ɓəzla magàha a bəɗ ibam, ti de a lele, nda gà ɓəzla mbəlak ba tekeɗe, suwuɗ suwuɗ tàa mbala. Gà ɓəzla mandakazləm tekeɗe ibam asa, pìɗek tàa tsaraka zləm, nda gà məməta ibam asa, hùrùm tàa mbalara i məməta ya. Gà ɓəzla matawak mbaŋa, tàa tsaraka bazlam ŋgwal ŋa ana i tsik a ya.

Mata 15:22

I fata ka, məkəs gà Kananiya duwa a riŋ a ndzawa ika ahəɗ ata. Ŋgat ka, dəm gà Yahuda tsa. I təv ana Yesuw a ndzeha a fataya ka, a dza ba aà madaha a təv ŋgar. A zezem a ŋgat. A hemer a dərraha aà vatwa ya hinne. A gwaɗaraha: «Əbay Yesuw, gwala Dawda, kamkam, i ndzek are tsehe ti tsiye. I hamak ka, aɗaba dəm gà duwa a riŋ i ma, sitene a gasawa ŋgat, a sèwèrewer are hinne.»

Mata 17:15

A gwaɗar: «Əbay ga, mbəl à kəla gà duwa naha te, a ndzek are tsehe ti tsiye? Aɗaba a riŋ i dukw məməta, mahuruvuv a gasawa ŋgat, a sèwèrewer are hinne. I təv ana dukw ata aka dza ahər ba ya ka, a dzawuwa à ŋgat a akwa nda yam asa mbaŋa.

Mata 20:29

Aləka i təv ana gà Yesuw nda gà ɓəzla mazazama ŋgat, ti dere a i kwite Yeriko ya ka, gà mburma hinne tə dəɗ aakara i fataya.

Mata 21:15

Aləka gà bàba gà ɓəzla mandəva kuɗa a Mbulum, nda gà bàba gà ɓəzla medzeŋge məpala ahəm Mbulum, ta ŋgat a dukw mene aà mburma ana Yesuw a ge ya ka, a tsəɓ a tar hinne. Aɗaba gà ɓəza tekeɗe, tì zlibe a à Yesuw hinne nda magala i ga Mbulum batsah ŋa ata. Ta gwa: «Zlə̀bakwa à kəla gà gwala Dawda.»

Mata 21:9

Dite gà asiŋ gà mburma ana ika miɗ Yesuw a, nda gà na i dəba ŋgar ti zezem a ŋgat tserdze ya ka, tə dza ba aà mazlə̀bà à ŋgat nda Mewideye ŋgəlakəkka. Ta gwaɗawa: «Zlə̀bakwa à kəla gà gwala Dawda. Mbulum mi pise ahəm a wele ana a slərra ya. Zlə̀bakwa à Mbulum Batsah ŋa ana i gər ŋa ya.»*fb*

Mata 9:28

Aləka a pəts a ga ana a dza aɗəm ba ya ka, gà ɓəzla guluf ata sula ya, tə daha a təv ŋgar. I təv ana tar riŋ i təv ŋgar a ka, a tsam aà tar, a gwaɗa a tar: «Wànà kàa gəsum iye nda gəzləŋ kurum, kà sərum dər ka, ndzəɗa gà a riŋ aà mazlàkà kurum a?» Ta gwaɗar aaka: «Haya Əbay, mì sər ka, ndzəɗa yak a riŋ aà mazlàkà mər ndzer.»

Markus 11:10

Mbulum mi pise ahəm aka mekwere Əbay tsir kwa Dawda ana a ta kwere a ya bise. Zlə̀bakwa à Mbulum Batsah ŋa ana i gər ŋa ya.»

Markus 9:22

Kəla pat sitene ata a sasar makə̀ɗà ŋgat. A kalawa à ŋgat a akwa nda yam, aka à mimìte dər. Aɗaba na kà sle aà mege duwa ka, zlak mər te. Mì ndzek are tsehe te tsiye?»

Luka 17:13

Tə zalaraha aaba nda magala, ta gwaɗaraha: «Yesuw Əbay, mì ndzek are tsehe te tsiye?»

Luka 20:41

Yesuw a gwaɗa a tar i dəba bazlam ŋgar ata ya asa: «Meme na ta gweɗe a, Kiristi ka, mala məmbàlà à mburma ana Mbulum a gwa, i slir a kurumaha a ya ka, gwala Dawda asa ya?

Luka 7:21

I təv ana tə daha, ti tsiker bazlam ata ya ka, Yesuw a riŋ a mbele a à gà ɓəzla dukw məməta nda gà ɓəzla magàha a bəɗ, nda gà ɓəzla sitene hinne, a hendeke a ika are a gà ɓəzla guluf a hinne dukw ŋgar.

Yuhana 7:42

Aɗaba wakita Mbulum a gwa ka, Kiristi a dere a ka, i gwala Dawda a i kwite Betelehem ana Dawda a ndzawa iɗəm akahər ata ya ana, meme?»*fc*

RUMA 1:3

Bazlam ŋgwal ŋa ata ka, aka gər Yesuw Kiristi, Kəla ŋgar ana ŋgat BATSAH kwa ŋa ya. Kà sərakwa, ta wa ŋgat ka, i gwala Dawda ana ŋgat Əbay akahər ata ya.

RUMA 9:5

Tar ka, i gwala gà bàba gà ɓəza Abəraham batsah tsir tar ana akahər ata ya. Yesuw Kiristi ibam, a ɗe aba kamala mburma ya ka, i gwala tar a mbaŋa. Ŋgat na Mbulum a. A ndze a ika gər gà dukw tserdze. Zàmbaɗakwa à ŋgat aà biybiy. *Amin.