Mata 9:2 - Bible Zulgo

² A ndzeha a fata ka, tə zlaraha mala magàha a bəɗ duwa madzàwà ŋa aà slə̀làh. Yesuw a samata gà mburma ana tə zlaha mala magàha a bəɗ ata ya ka, ta gəs ŋgat nda gəzləŋ lele. A gwaɗa a mala magàha a bəɗ ata: «Kəla gà, arəv ma da aà kər a tsa, Yàa pə̀lak à bakal yak.»

Mata 9:2 ပူးပေါင်းရင်းမြစ်များ

Mata 14:27

Yesuw a tsaraka Mewideye tar ata tsara ka, a fàfəl a taraha, a gwaɗa a tar: «Arəv ma da aà kurum a, ki gwim magəɗa tsa, iye na naha ya.»

Mata 4:24

I dəba ŋa ya, mege dukw ŋgar ata a ɗe zləm tsikw aka ahəɗ Siriya ana a mbeha a Galile ata ya. Tə tsaraka kataya ka, tə daha, tə ndzakaha gà ɓəzla dukw məməta ŋgiɗ pampam a təv ŋgar, gà na ndelèɓ ndelèɓ ti sèwèrewa are hinne i dukw məməta tar a, nda gà na sitene i ba tar a, dite nda gà na a beye à tar a dala ya, nda gà ɓəzla videl tserdze, a mbala à tar.

Mata 6:12

Pəl a mər à bakal mər, kamala ana mì pə̀lawa dər a gà na ta gewa a mər bakal a mbaŋa.

Mata 8:10

Yesuw a tsaraka bazlam ŋgar ata ka, a ge ahər kamala dukw mene aà mburma ya. Dite a gwaɗa a gà mburma ana ti zezem a ŋgat a: Iye ihər i gweɗe a kurum a nda ndzer, pàrsa iɗəm tsa, Yàa ŋgat a wura aka gis iye nda gəzləŋ, ku mege i gwala Isərayel tekeɗe, kamala wele aaha ya ilik tsidze.

Mata 8:16

Aləka hawa a ge ka, gà mburma ata i fataya, tə ndzakaha gà ɓəzla sitene hinne a təv Yesuw, dite ma dalawa aà tar a. I dəba ŋa ya, a dalawa aà tar gà sitene ata ya nda ndzəɗa bazlam ŋgar, dite a mbala à gà ɓəzla dukw məməta tserdze asa mbaŋa.

Mata 9:22

I dəba ŋa ya, ə̀ba Yesuw a fə̀r aakaha ka, aka ŋgat a məkəs ata. A gwaɗar: «Dəm gà, arəv ma da aà kər a tsa, megìse yak ana kì gis iye nda gəzləŋ a ka, aka mbəl à kər.» I fataya tsara ka, tsèwrèw məkəs ata a mbəl.

Mata 9:5

Magwàɗà a mala magàha a bəɗ: nda bazlam masakəŋa ka, a wur ba tsa. Kige tsa: ka, taŋa ka, a wur ba.

Mata 9:6

Ama a sèsiŋ ka, sərum dər, iye, *wur ana a dara i təv Mbulum a, iye riŋ nda gà ndzəɗa, aà məpəla à bakal ika gər ahəɗ.» I dəba ŋa ya, a gwaɗa a mala magàha a bəɗ ata asa: «Kinehe ka, hitse, zla slə̀làh yak, ka daba a ma.»

Markus 1:32

Aləka pat a dəɗ ndaàwa ŋana ka, gà mburma ata i fataya, tə ndzakaha gà ɓəzla dukw məməta nda gà ɓəzla sitene a təv Yesuw.

Markus 10:49

Yesuw a tsaraka ka, a hitse dzeŋ. A gwaɗa a gà ɓəzla mazazama ŋgat ata: «Zelwimiŋaraha, ma dara a təv ga ya.» Gà mburma ata tə zalaha a mala guluf ata. Ta gwaɗar: «Hitse, ŋgayaba, arəv ma da aà kər a tsa, a riŋ a zelekiŋa.»

Markus 5:34

I dəba ŋa ya, Yesuw a gwaɗar: «Dəm ga, megìse yak ana kì gis iye nda gəzləŋ a ka, aka mbəl à kər. Daba nda zay. Kàa mbəl i dukw məməta yak a.»

Markus 6:50

Aɗaba tar ata tserdze ya, tàa ŋgatar ka, ta ge magəɗa hinne. Ama Yesuw a gwaɗa a taraha tsara: «Arəv ma da aà kurum a, ki gwim magəɗa tsa, iye na naha ya.»

Yuhana 16:33

I tsik a kurum gà dukw ata tserdze ya ka, dite kà ndzakwa nda gà iye, ki ŋgetwim a matasla yam a gəzləŋ zayya lele. Ika gər ahəɗ ka, ki sèwèrwim a are. Ama kə̀la ka, arəv ma da aà kurum a tsa, gəsum gəzləŋ, aɗaba Yàa mba aà gà dukw ana ika gər ahəɗ tserdze ya.»

Yuhana 2:25

Ŋgat ka, wura a tsiker a dukw ana i ba mburma ya tə tsa, a sər dukw ana i gəzləŋ tar a tserdze.

Yuhana 21:5

Yesuw a gwaɗa a taraha: «Kàa gasum kilif ŋa ibam a, gà ɓəza gà.» Ta gwaɗar aakara: «Awaŋ, maa gəs ilik tsidze.»

Gà Ɓəzla Meslire 14:9

Wele ata ka, a dzawa zləm a dukw ana Pul a tsikewa ya. Pul a samata ka, wele ata a riŋ nda gà megìse i gəzləŋ ŋgar lele, a sər dər ka, Mbulum na a mbil a à iye ya. A fə̀r ahər ɗegìrgìr,

Gà Ɓəzla Meslire 19:12

Kərga taŋa ya, gà mburma ta wizewa petek ana ika ba Pul a, ti de a dər a təv gà ɓəzla dukw məməta, nda gà mburma ana sitene i ba tar a. Aɗaba ana tàa ləm aà petek ata ka, ta mbalawa i dukw məməta tar a.

Gà Ɓəzla Meslire 23:11

Aləka həvəɗ a ge ka, BATSAH kwa ŋa a hitse a tsaka Pul. A gwaɗar: «Arəv ma da à kər a tsa, mər aba, kàa ge sida ga i faha i Yeruzalem ka, ndzer lele. Ama a sèsiŋ ka, ki ta ge a i kwite Ruma kataya mbaŋa asa.»

RUMA 5:11

Ama taŋa ɗekɗek tsa. Ki ŋgeyekwe a ba hinne mbaŋa ka, aɗaba ana kà sərakwa ndzer, Mbulum a ndze a nda gà kwa ya. A ndze a nda gà kwa ka, aɗaba Yesuw Kiristi BATSAH kwa ŋana a ne à kwa gà masla ŋgar a.

YAKUBA 2:18

Bəla wura a gweɗe a gà mìsle ŋgiɗ ka: «Tàa gəs Mbulum nda gəzləŋ tar, gà biy ŋgiɗ ibam, ta gewa gà dukw ana ŋgwal ŋa ya.» Ama i gweɗere a ka: «Ɗifiŋ à megìse yak ana kə̀ gəs Mbulum a, dite ka, ki gewa dukw ana ŋgwal ŋa tsiye asa ya. Iye tekeɗe ka, i ɗifek a à biy ga ana i gewa ŋgwal ŋa ya, dite kər ki sir a dər ka, Yàa gəs Mbulum a.»