Mata 9:18 - Bible Zulgo

¹⁸ I təv ana Yesuw a riŋ a tsik a ter a gà bazlam ata mba ya ka, wele duwa batsah gà mburma ana i ga mahàmà a Mbulum i kwite ata ya, a daha a təv ŋgar. A ndzeha a təv ŋgar ka, a dzar gurmits a bəɗ aka miɗ ŋgar. A gwaɗar: «I dara ka, dəm ga duwa aka mət kinehe. Kamkam dara, tikiŋ aakahər, ka mbiliŋ dər te.»

Mata 9:18 ပူးပေါင်းရင်းမြစ်များ

Mata 14:33

Ama gà asiŋ gà ɓəzla mazazama ŋgat aaha i slə̀làh yam a, ta ŋgatar kataya ka, tə dzar gurmits a bəɗ lele. Ta gwaɗar: «Kər ka, Kəla Mbulum kaɗəŋ ndzer.»

Mata 15:25

Ama məkəs ata a daha, a dza gurmits a bəɗ aka miɗ ŋgar, a hamar hinne asa. A gwaɗar: «Zlak iye te, Əbay gà.»

Mata 17:14

Aləka ta mbəɗ gər a təv mayaba gər gà mburma ka, wele duwa a riŋ a dara a təv Yesuw a. A daha, a dza gurmits a bəɗ aka miɗ ŋgar.

Mata 20:20

I dəba ŋa ya, məkəs Zebede a da a təv Yesuw, tar nda gà ɓəza ŋgar. A daha ka, a dza gurmits a bəɗ aka miɗ ŋgar, a hamar hinne, a sasar mewize ahər duwa.

Mata 28:17

Aləka, ti ndzeha a fata ka, tàa ŋgat a Yesuw kuɗa. Tə daha, tə dza gurmits a biye ika miɗ ŋgar. Ama gà mìsle ŋgiɗ ika magər tar tsavəvvà ti ndze a ka, ta gəs nda gəzləŋ tar kalkal tsa.

Mata 8:2

I təv ana ti de a ya ka, mala vèdègwè duwa a riŋ, a daha a təv ŋgar. A ndzeha a təv ŋgar tsara ka, a dzar gurmits a bəɗ, a gwaɗar: «Əbay, na mege kà waya ka, ki sle a aà mimbile à iye te.»

Mata 8:25

Gà ɓəzla mazazama ŋgat tə daha a təv ŋgar, ta piɗeke à ŋgat, ta gwaɗar: «Əbay, mbəl mər te, aɗaba kwa ihər ki dzèkwe a a yam.»

Mata 9:17

Kamala taŋa ya asa mbaŋa, wura a sle a aà medzè guzum himmè ŋa, a duwa kwiye ana miviya ŋa ya tsa, aɗaba guzum ata ka, a kwesiŋa, duwa kwiye ata miviya ŋa ya tekeɗe, à zlìrìt a asa tsa, ə̀nduh à ndìzliŋa, dite guzum ata tekeɗe, aka nəs. Say mandza guzum himmè ŋana ka, a duwa kwiye awiya ŋana mbaŋa, dite na gà duwa kwiye nda guzum ata ti nis a asa tsiye.»

Mata 9:19

Yesuw a hitse, a mah ba tsara. Dite gà ɓəzla mazazama ŋgat tə dəɗ aaka.

Mata 9:24

A gwaɗa a tar: «Dum i faha ya, aɗaba dəm aaha ka, aka mət tsa, a riŋ ka, ika mendze are.» Gà mburma ata tə tsaraka kataya ka, tə sawla aà ŋgat.

Luka 13:14

Ama a tsəɓ a batsah mala mahàmà a Mbulum ata hinne, aɗaba ana Yesuw a mbəl à məkəs ata a pat mesìfìkà ba ya. Batsah mala mahàmà a Mbulum ata a dza ba aà mifefile a gà mburma ata i fataya. A gwaɗa a tar: «Na kà wayum mege megemir ka, mehinne ndilik. I huɗ mehinne ndilik ŋa ata ya ka, dumara, ta mbala à kurum, tsəka, a pat mesìfìkà ba tsa.»

Luka 18:18

Aləka i dəba ŋa ya, Əbay gà Yahuda duwa a tsam aà Yesuw, a gwaɗar: «Əbay gà, kər na ŋgwal ŋa ya. I ge a dze ana, là, na dite i ŋget a mesife ana à ndìv a tsa aà biybiy a?»

Luka 7:2

Ama i fata ka, Əbay gà sliwdze gà Ruma duwa a riŋ, mala meslire ŋgar ana mandərkwasla ŋgar a, ŋgwala tsa hinne, à mìtiŋa.

Yuhana 11:25

Yesuw a gwaɗar aaka asa: «Iye na mala məmbàlà à mburma i məməta ya ya, dite iye asa na mala məvəla a tar mesife ya. Wur ana à gis a iye nda gəzləŋ a ka, ku mege aka mət tekeɗe, a mbiliŋa, a ndze a aà biybiy.

Yuhana 11:32

Tsaatsa Mariya a de a ka, a təv ana Yesuw iɗəm a. A daha, a ŋgatar tsara ka, a dza gurmits a bəɗ aka miɗ ŋgar. A gwaɗar: «Batsah ga ŋa, ki ge ɗa i faha piŋŋe ka, ana ka, damər gà aaha à mìt a tsa ti ibam.»

Gà Ɓəzla Meslire 13:15

Tə daha ka, mìsle ŋgiɗ a riŋ ilik i magər gà mburma ata i ga Mbulum a, a riŋ a dzeŋge a ter a wakita məpala ahəm Musa nda biy gà ɓəzla məmà à guma Mbulum. Aləka a ndəv aba à bazlam ŋgar ata ya tsara ka, gà bàba ŋa ana a riŋ mandza ŋa ika miɗ mburma i ga Mbulum i fataya, ta wiz bazlam à gà Barnabas nda Pul a, ta gwaɗa a tar: «Gà damər gà, na mifefile kurum a riŋ zaakwa ka, tsikwim a gà mburma aaha mayahaba gər ŋa ya, dite mə mà a taraha arəv.»

Gà Ɓəzla Meslire 28:8

Aka ana mì daha ya ka, tsir Pubiliyus ata a riŋ mahə̀nà ŋa ika slə̀làh, màràɓàraɓ ihər, za a heleriŋa məmbəz məmbəz. Pul a daha a təv ŋgar a ga. A daha, a hama a Mbulum agəra ŋgat, a tike ahər aka gər ŋgar, dite a mbəl i dukw məməta ŋgar ata ya tsara.