Mata 9:16 - Bible Zulgo

¹⁶ Yesuw a tsik a tar ahəm minew ŋgiɗ pam asa. A live dər aba nda guma ŋgar ana awiya ŋa ya. A gwaɗa a tar: «Wura a sle a aà medepe awiya petek aà miviye ŋana tsa. Aɗaba miviye ŋana ka, a nis a ihər a, à sìkèh ahər a à biye hinne asa.

Mata 9:16 ပူးပေါင်းရင်းမြစ်များ

Mata 9:15

I dəba ŋa ya, Yesuw a live dər aba à ba ŋgar a nda mazla daala ya. A gwaɗa a tar: «Na kinehe wura a zla daala, à ndìɗ a daala ŋgar ata a bəra, a zelewe a a mburma, aɗaba dukw mezime ana, pat ata ya ana, gà mburma ta ge a ndəra ya? Ti sle a aà mendze aà dukw mezime ya, dite ta ge a ndəra tsa. Ama i təv gà mburma gà tekeɗe, kamala taŋa ya mbaŋa. Na iye riŋ i təv tar mba ka, ti sle a aà mege ndəra tsa. Say a pat ana iye riŋ i təv tar asa tsiye dzekwiŋ, na ta ge a ndəra ya.»

Mata 9:17

Kamala taŋa ya asa mbaŋa, wura a sle a aà medzè guzum himmè ŋa, a duwa kwiye ana miviya ŋa ya tsa, aɗaba guzum ata ka, a kwesiŋa, duwa kwiye ata miviya ŋa ya tekeɗe, à zlìrìt a asa tsa, ə̀nduh à ndìzliŋa, dite guzum ata tekeɗe, aka nəs. Say mandza guzum himmè ŋana ka, a duwa kwiye awiya ŋana mbaŋa, dite na gà duwa kwiye nda guzum ata ti nis a asa tsiye.»

Markus 2:21

Yesuw a tsik a tar ahəm minew ŋgiɗ pam asa. A live dər aba nda guma ŋgar ana awiya ŋa ya. A gwaɗa a tar: «Wura a sle a aà medepe awiya petek aà miviye ŋana tsa, aɗaba miviye ŋana ka, a nis a ihər a, vagugwà à sìkèh ahər a à biye hinne asa.

Luka 5:36

I dəba ŋa ya, Yesuw a tsik a tar bazlam minew ŋgiɗ pam asa. A live dər aba nda guma ŋgar ana awiya ŋa ya. A gwaɗa a tar: «Wur a a sle a aà mesèsera awiya petek a, dite a dep a a miviye petek tsa. Aɗaba taŋa ka, awiya ŋa aaha aka nəs mbaŋa. Miviye ŋa aaha ibam, a ge a ŋgulum asa tsa, ndzəɗa ŋgar aka mbər mendìve.

Yuhana 16:12

Taŋa gà dukw a riŋ aà metsike a kurum ka, hinne asa, ama ki slwim a aà mesire kinehe zukw tsa.

1 Kurintiya 13:13

Aɗaba taŋa, kinehe ka, gà duwa a riŋ makər na tì ndìv a tsiye. Kamala megweɗe ya: magəsa Mbulum ana kə̀ gə̀sakwa nda gəzləŋ kwa ya, nda metìkè madzala gà gər kwa ana ki tikikwe a nda təv ŋgar a, na dite dukw tserdze a de a lele ya, nda mawàyà mburma. Ama kəla ka, mawàyà mburma na a za gà dukw ata tserdze ya.

2 Kurintiya 9:12

Siŋgwe ata ki vilwim a ya, à zlèk a ka, gà mburma Mbulum ndzer dukw ŋgar. Ama duwa ŋgiɗ a riŋ asa. Aɗaba gà mburma hinne na ti ta ge a kəkaaha a Mbulum agəra taŋa ya mbaŋa asa.