Mata 9:15 - Bible Zulgo

¹⁵ I dəba ŋa ya, Yesuw a live dər aba à ba ŋgar a nda mazla daala ya. A gwaɗa a tar: «Na kinehe wura a zla daala, à ndìɗ a daala ŋgar ata a bəra, a zelewe a a mburma, aɗaba dukw mezime ana, pat ata ya ana, gà mburma ta ge a ndəra ya? Ti sle a aà mendze aà dukw mezime ya, dite ta ge a ndəra tsa. Ama i təv gà mburma gà tekeɗe, kamala taŋa ya mbaŋa. Na iye riŋ i təv tar mba ka, ti sle a aà mege ndəra tsa. Say a pat ana iye riŋ i təv tar asa tsiye dzekwiŋ, na ta ge a ndəra ya.»

Mata 9:15 ပူးပေါင်းရင်းမြစ်များ

Mata 9:14

I dəba ŋa ya, gà ɓəzla mazazama Yuhana metsìlwìɓè à mburma a yam duwa tə daha a təv Yesuw, ta gwaɗar: «Naha ana, meme na mər nda gà *Farisa mì gewa ndəra ka, ama gà ɓəzla mazazama kər ka, ta ge a ti tsiye?»

Mata 9:16

Yesuw a tsik a tar ahəm minew ŋgiɗ pam asa. A live dər aba nda guma ŋgar ana awiya ŋa ya. A gwaɗa a tar: «Wura a sle a aà medepe awiya petek aà miviye ŋana tsa. Aɗaba miviye ŋana ka, a nis a ihər a, à sìkèh ahər a à biye hinne asa.

Markus 2:19

I dəba ŋa ya, Yesuw a live dər aba à ba ŋgar a nda mazla daala ya. A gwaɗa a tar: «Na kinehe wura a zla daala, à ndìɗ a daala ŋgar ata a bəra, a zelewe a a mburma hinne, aɗaba dukw mezime ana, pat ata ana, mburma a ndze a dà/?asasa, a ge a ndəra ya? Ti sle a aà mendze aà dukw mezime ya, dite ta ge a ndəra tsa.

Markus 2:20

Ama i təv gà mburma gà ya tekeɗe, kamala taŋa ya mbaŋa. Na iye riŋ i təv tar mba ka, ti sle a aà mege ndəra tsa. Say a pat ana iye riŋ i təv tar asa tsiye dzekwiŋ, na ta ge a ndəra ya.»

Luka 17:22

I dəba ŋa ya, Yesuw a gwaɗa a gà ɓəzla mazazama ŋgat: «A pat ŋgiɗ a ndzere a ka, mendze ana kinehe i ndze a ika magər kurum, iye, *wur ana a dara i təv Mbulum a ka, a kiv a kurum ŋa. Ku mege pat ilik kà wayum meŋgetwimiŋ tekeɗe, ki ŋgetwimiŋ a tsa.

Luka 5:34

Ama Yesuw a fàfəl a tar aaka, a live dər à ba ŋgar nda mazla daala ya. A gwaɗa a taraha: «Kà dzalum dze ana, ti sle mifère ndzəɗa aka gà mburma ana zal daala a zal a tar à dukw mezime ya ya, dite ka, tə zəm ɗaf ata asa tsiye ya? Bəla na tar riŋ i təv ŋgar ibam a? Taŋa ka, a sle a ba tsa.

Luka 5:35

Ama pat ŋgiɗ a riŋ a ndzere a mba, na ti zle a aà tar zal daala aaha ya. Na pat ŋa aka ndzera ka, taŋa ka, ti sle a aà mege ndəra kuɗa.»

Yuhana 16:6

Matsəɓatsəɓ i gəzləŋ kurum ivaɗ, aɗaba ana i gwaɗa a kurum ka, i de a aà kurum a ya.

Yuhana 3:29

Wele ana a zla daala awiya ŋa ya ka, daala ata ka, biy ŋgar dukw ŋgar. Ama masla zal dəm ata ka, mehìtsè ŋa i təv ŋgar, a riŋ à dze a zləm a mifefile masla ŋgar ata a tsiker a ya. Aka tsaraka kataya ka, a ŋgeye a ba hinne. Kamala taŋa ya, iye tekeɗe, maŋgayaba aka rah a gəzləŋ ga kinehe ka, hinne mbaŋa.

Gà Ɓəzla Meslire 14:23

Ta pala mburma i gà ga Mbulum ana i fataya ilik ilik tserdze, dite ti ne à tar gà bàba ŋa ana ika magər tar a. Ta hama a Mbulum, dite ta ge ndəra asa. I huɗ meheme tar ata ya ka, ti ɗif à gà mburma ata a ahər Mbulum ana ta gəs nda gəzləŋ tar a, dite ma kasla tar i təv megemir ŋgar ana ta ge a ya.

1 Kurintiya 7:5

Kamala taŋa ya, gà zal nda gà məkəs ka, ti niweyeba à ba tar tsa. Say na bəla kà dzum akaba bazlam nda lìfèɗìɗe ŋa, a sàs a kurum ki ndzwim a iba ya pampam zaakwa ya pəra, na dite ki slwim a aà mahàmà a Mbulum lele ya. Ama ka, ka tə ndzum aba ya hinne tsa, dəlfay ki mwim akabiŋa, tsəka, ki ti slwim a aà makwàrà ba kurum asa tsa, Əbay sitene a ta bene a kurum, a dzeye a à kurum ika vatwa Mbulum a.

2 Kurintiya 11:27

I gewa megemir ka, bàlaarì nda mesewere are ŋa pəra. Sik diŋ, Yàa ŋat vatwa aà mendze are tsa. A gà pat ŋgiɗ ka, i ndzawa nda may pəra, mege yam tekeɗe, Yàa sa tsa, i bàsawa. Sik diŋ Yàa ŋgat vatwa aà mazəma duwa tsidze. Mege mə̀tasl tekeɗe, a slewiŋ za hinne mbaŋa, agəra ana petek riŋ aà iye tsiye.

Sunwa Yuhana 19:9

I dəba ŋa ya asa ka, gawla Mbulum a gweɗiŋ: «Wetse aka wakita ka: Maŋgayaba ika gər gà mburma ana tàa zal a tar, ta gwaɗa a tar, dumara a megirive mandə̀ɗà daala Kəla Təmaŋ a bəra ya ya.» Dite gawla Mbulum ata a gweɗiŋ asa: «Bazlam aaha ka, ndzer, pàrsa iɗəm tsa. A dara ka, ika arah Mbulum a.»

Sunwa Yuhana 21:2

I fataya ka, i ŋgataha a kwite ana tsəɗaŋŋa ya. Ama kwite ata ka, Yeruzalem awiya ŋa ana a tarra i gər ŋa i mbulum a ya. Mbulum a lə̀mbaɗa ka, lele, a tsahən ndzer. Ar ka, kamala daala ana a lə̀mbaɗa ba ŋgar tsèɓtsèɓ lele, a waya a de a a zal a.