Mata 8:6 - Bible Zulgo

⁶ A gwaɗar: «Əbay, i dara a təv yak a ka, aɗaba mala meslire gà duwa a riŋ mahə̀nà ŋa magàha a bəɗ ŋa i ma, ŋgwala tsa, a wir ahər a hinne.»

Mata 8:6 ပူးပေါင်းရင်းမြစ်များ

Mata 4:24

I dəba ŋa ya, mege dukw ŋgar ata a ɗe zləm tsikw aka ahəɗ Siriya ana a mbeha a Galile ata ya. Tə tsaraka kataya ka, tə daha, tə ndzakaha gà ɓəzla dukw məməta ŋgiɗ pampam a təv ŋgar, gà na ndelèɓ ndelèɓ ti sèwèrewa are hinne i dukw məməta tar a, nda gà na sitene i ba tar a, dite nda gà na a beye à tar a dala ya, nda gà ɓəzla videl tserdze, a mbala à tar.

Mata 8:7

Yesuw a tsaraka kataya tsara ka, a gwaɗar aaka: «Haya, i dehe a, i mbil a dər.»

Mata 9:2

A ndzeha a fata ka, tə zlaraha mala magàha a bəɗ duwa madzàwà ŋa aà slə̀làh. Yesuw a samata gà mburma ana tə zlaha mala magàha a bəɗ ata ya ka, ta gəs ŋgat nda gəzləŋ lele. A gwaɗa a mala magàha a bəɗ ata: «Kəla gà, arəv ma da aà kər a tsa, Yàa pə̀lak à bakal yak.»

Gà Ɓəzla Meslire 10:7

Gawla Mbulum ata a tsikar aba taŋa ya tsara ka, a da à ŋgat a. Aləka Kwarney a daha, a zal a gà ɓəzla meslire ŋgar sula, dite a sliwdze ilik i liwiŋ gà na ta ger a megemir a asa. Ama sliwdze ata ka, a ge magəɗa a Mbulum.

Gà Ɓəzla Meslire 8:7

Aɗaba gà sitene tàa dara i ba mburma ya, nda gà Mewideye ya hinne, dite gà ɓəzla magàha a bəɗ nda gà ɓəzla metsilgeɗe tàa mbala mbaŋa.

Gà Ɓəzla Meslire 9:33

A daha ka, aka le aà wele duwa, zləm ŋgar Iniyas, magàha a bəɗ ŋa. Ar mahə̀nà ŋa. A sle aà mehitse aà mbulum tsa, daga mive tsamakər a i dukw məməta.

KULUSIYA 3:11

Aɗaba taŋa, duwa a riŋ na à dzik a ikaba kurum a pampam a asa tsa. Gà Yahuda nda gà na tar gà Yahuda tsiye ka, tar ka, ilik. Gà mburma ana tə sasa ba ya, nda gà na tàa sasa ba tsiye tekeɗe, pam tsa asa. Na mege kurum ka, gà slele, kige tsa, gà mburma ana i kusak tə sər duwa tsiye, nda gà bəla gà ɓele, kige tsa gà mburma ana ti ziwe a gər tar a tekeɗe, ar ka, pampam tsa asa mbaŋa. Mbulum à dzèye a ikaba tar a pampam asa tsəka, aɗaba ana Yesuw Kiristi a kwere a tar tserdze ya. Dite ŋgat asa na a riŋ mandza ŋa i gəzləŋ gà mburma ata a kwere a tar, ti ne gà biy ŋgar a.

KULUSIYA 4:1

Kurum gà ɓəzla ga tekeɗe ka, gəsum gà ɓele kurum ndaka vatwa ŋa lele, kà fə̀rum aà tar ka, kamala za ya tsa. Aɗaba kurum kà sərum, kurum tekeɗe ka, Batsah kurum ŋa a riŋ i Mbulum, à gis a kurum lele mbaŋa.

1 TIMUTE 6:2

Na bəla gà ɓəzla ga tar ata tar riŋ ti zezem a Yesuw Kiristi nda gà tar tserdze ka, tə ta dzala ka, mər ilik ika miɗ Yesuw Kiristi tsam ana, là ŋa ya, aàmala na mìi zlibe a à tar a asa ya tsa. Seyiŋ tsa, ŋgwal ŋa ka, ta ge a tar megemir nda gəzləŋ ilik lele, mà za dər na tə lah ahər piŋŋe ya. Aɗaba gà ɓəzla ga tar ata ta gəs Yesuw Kiristi nda gəzləŋ a, ta waya tar, dite tar tekeɗe, ta ge ŋgwal a gà mburma aaha mbaŋa. Araha, naha ka, gà dukw ana ki ɗif a dər a mburma, ki mbizle a ter aaka a, ta ge kamala taŋa ya.

FILIMUN 1:16

Aɗaba ŋgat kinehe ka, kamala ana ɓele ya hiywe asa tsa. Aka ne ŋgwal ŋa. Aka ne ka, damər ma ana ika vatwa Mbulum, ki weyeme a ŋgat hinne ya. Iye ka, mandərkwasla gà, i waya ŋgat hinne. Ama i dzala ka, kər tekeɗe, ki weye a ŋgat, a zè a taŋa. Ka ta waya ŋgat ka, kamala mala megemir yak a pəra tsa. Ki weye a ŋgat ka, kamala damər yak ana ndzer ika vatwa Mbulum a mbaŋa.