Mata 8:4 - Bible Zulgo

⁴ I dəba ŋa ya, Yesuw a gwaɗa a wele ata: «Kinehe ka, ge metsehe lele, ka ti tsik a wura tsa. Ama kəla ka, da, ka ta pàt à ba yak a mala mandəva kuɗa a Mbulum, dite mà samata kər, ma sər dər ka, meme na kàa ndza kinehe kuɗa ya. I dəba ŋa ya, ka vəl dukw masakəŋana Musa a gwa i wakita ka, ki vilwim a a Mbulum a, dite na gà mburma ta ŋgeteke a, ti sir a dər ka, kàa mbəl kaɗəŋ a.»

Mata 8:4 ပူးပေါင်းရင်းမြစ်များ

Mata 10:18

Ta gese a kurum aka miɗ gà ɓəzla makwàrà mburma, nda gà aka miɗ gà Əbay gà bàba ŋana agəra iye. Kamala taŋa ya, ki gwim a sida gà nda ndzer ŋa ika miɗ tar, nda gà aka miɗ gà mburma ana tar gà Yahuda tsiye asa mbaŋa.

Mata 16:20

I dəba ŋa ya, Yesuw a gwaɗa a gà ɓəzla mazazama ŋgat: «Kurum kàa sərum, iye ka, Kiristi, mala məmbə̀là à mburma ana Mbulum a gwa, i slir a kurumaha a ya. Ama ka, ka ti tsikwim a wura ilik tsidze kəla.»

Mata 17:9

I təv ana tar riŋ ti terre a i gər kwite ata ya ka, Yesuw a gwaɗa a tar: «Dukw ana ka ŋgatumar mbakum a ka, ka ti tsikwim a wura tsidze, say a pat ana kàa ŋgetwimiŋ, a iye, *wur ana a dara i təv Mbulum a, i mbilere a i məməta ya dzekwiŋ.»

Mata 3:15

Ama Yesuw a gwaɗar aaka: «Awaŋ, ka peliŋ ahəm tsa, viliŋ vatwa, aɗaba a sèsiŋ ka, ki geme a dukw ana Mbulum a waya ya.» Yuhana a tsaraka kataya ka, a gəs bazlam Yesuw ata a tsiker a. A daha, a tsilwiɓ aɗəm à ŋgat kuɗa.

Mata 5:17

I dəba ŋa ya, Yesuw a gwaɗa a tar aaka asa: «Ka tə dzalum i gər kurum, i dara ka, aà mimbètè à məpala ahəm Musa, kige tsa à dukw ana gà ɓəzla məma à guma Mbulum ti tsik a tsa. Aɗaba i dara ka, aà mimbètè dər tsa, ama aà mege dukw ana ta wiz ahər a mburma ya ivaɗ.

Mata 6:1

I dəba ŋa ya, Yesuw a gwaɗa a tar asa: «Na a sàs a kurum mege ŋgwal ŋa a mburma ka, gwim iɗəm metsehe ya lele. Aɗaba gà mìsle ŋgiɗ a riŋ, ta ge a dukw ana ŋgwal ŋa ya ka, ŋgakŋgakəkka ika miɗ mburma pəra, dite ka, tə̀ zlə̀b à tar ɗekɗek. Na ki gwim a kataya ka, ki ta ŋgetwim a dukw maya ba kurum i təv Mbulum Tsir kurum ana i gər ŋa ya asa tsa.

Mata 9:30

Tsam ka, are tar ndwa ndwa a handaka ba tsara kaɗəŋ. I dəba ŋa ya, Yesuw a pala a tar ahəm, a gwaɗa a tar: «Wura ilik ma tə sər dukw aaha i ge a kurum kinehe ya tsidze.»

Markus 13:9

Ama kurum ka, say ndzum nda metsehe kurum lele. Aɗaba a pat ŋgiɗ ka, ti ta gese a kurum, ti de a à kurum aka miɗ seriye. Ti ta gezlere a kurum i gà ga mahàmà a Mbulum a. Ti ta gese a kurum aka miɗ gà ɓəzla makwàrà mburma nda gà aka miɗ gà Əbay gà bàba ŋana, agəra iye. Kamala taŋa ya, ki gwim a sida gà nda ndzer ŋa ika miɗ tar.

Markus 3:12

Ama Yesuw a pala a tar ahəm, a gwaɗa a tar: «Hey, ka ti ɗifwim à zləm gà a wura asa tsidze.»

Markus 5:43

Ama Yesuw a gwaɗa a tar: «Ka ti tsikwim a wura tsidze, ndzum dər ɗikɗik.» I dəba ŋa ya, a gwaɗa a tar asa: «Vəlum dukw mezime a dəm aaha.»

Markus 6:11

Na gà mburma ana i kwite ŋgiɗ a, ta waya kurum tsa, nda gà bəla tàa niw dukw ana ki tsikwim a ter a ya ka, ki tetekwim a aba à gà ahəɗ tar aà sik kurum a, dite ki dwim a aka miɗ dukw kurum. Taŋa ka, kamala megweɗe ya: Maa be a kurum à ɗaf, sida ŋa ika gər kurum.»

Markus 7:36

Yesuw a gwaɗa a gà mburma ata i fataya: «Ka ti tsikwim a wura tsidze.» Ama tə tsaraka tsa. Aɗaba Yesuw a gwaɗa a tar, ka ti tsikwim tsa tekeɗe ka, ta mba aba aka metsìkè ŋa ivaɗ.

Markus 8:30

Yesuw a tsaraka taŋa ka, a gwaɗa a tar: «Kaɗəŋ, ama ka, ka ti tsikwim zləm gà a wura tsa kəla.»

Markus 9:9

I təv ana tar riŋ ti terre a i gər kwite ata ya ka, Yesuw a gwaɗa a tar: «Ka ti tsikwim dukw ana kə̀ ŋgatumar mbakum a, a wura tsidze, haa a pat ana iye, *wur ana a dara i təv Mbulum a, i hitsere a i məməta ya dzekwiŋ.»

Luka 17:14

Yesuw a fə̀raha aà tar ka, a gwaɗa a taraha: «Dum, ta pàtum à ba kurum a gà ɓəzla mandəva kuɗa a Mbulum, tə̀ samata kurum, tə sər dər ka, wànà meme na kà ndzum kinehe kuɗa ya.» Gà mburma ata ta mah ba, tə da. I təv ana tar riŋ ti de a ya ka, ta mbala aà vatwa tsara.

Luka 21:13

Dite i fataya ka, kurum tekeɗe, ki ŋgetwim a vatwa aà mege sida gà lele ika miɗ tar kuɗa.

Luka 4:41

A beye à tar i ahər sitene ya, dite tə dara i ba tar a nda gà Mewideye ya hinne mbaŋa. Ta gwaɗa a Yesuw nda gà Mewideye: «Kər ka, Kəla Mbulum.» Ama Yesuw a tirɓe akaba tar hinne. A gwaɗa a tar: «Kà fàfəlum tsa.» Aɗaba ana tar ka, tə sər ŋgat, ŋgat ka, *Kiristi, mala məmbàlà à mburma ana Mbulum a gwa, i slir a kurumehe a ya.

Luka 5:14

Ama Yesuw a gwaɗar asa: «Hey, ka ti tsik a wura tsidze. Ama kəla ka, da, ka ta pàt à ba yak a mala mandəva kuɗa a Mbulum, dite mà samata kər, ma sər dər ka, meme na kà ndza kinehe kuɗa ya. I dəba ŋa ya, ka vəl dukw masakəŋana a Mbulum, kamala ana Musa a tsik a. Dite gà mburma ta ŋgeteke a, ti sir a dər ka, kàa mbəl kaɗəŋ a.»

Luka 8:56

Ama dukw ana Yesuw a ge ya ka, a ge aà gà tsir dəm ata nda mama ŋgar a kamala dukw mene aà mburma ya. I dəba ŋa ya, Yesuw a gwaɗa a tar asa: «Iswe, ka ti tsikwim dukw ana a ge ba kinehe ya, a wura kwaŋ, ndzum dər i gà gər kurum ɗikɗik.»

Luka 9:21

Yesuw a tsaraka taŋa ka, a gwaɗa a tar: «Ndzer kaɗəŋ, ama ka, ka ti tsikwim a wura a tsa kəla.»

Yuhana 5:41

Iye ka, i yehe a mezlibe mburma ana tì zlibe a à iye ya tsa.

Yuhana 7:18

Wur ana a tsik a bazlam ana a dara i madzala gà gər ŋgar a ka, a yehe a ka, meɗè zləm, dite gà mburma tə̀ zlə̀b à ŋgat. Ama wur ana a waya ka, mburma tə̀ zlə̀b à wele ana a slərra ŋgat a ka, ŋgat ka, mala ndzer, bakal i təv ŋgar tsidze.

Yuhana 8:50

Ama iye ka, i yehe a mezlibe ana gà mburma tì zlibe a à iye ya tsa. Wele ŋgiɗ a riŋ ilik na a waya mezlibe ata gà mburma tì zlibe a à iye ya. Wele ata na a ne mala masàsà ikaba seriye bazlam aaha ya.