Mata 8:20 - Bible Zulgo

²⁰ Yesuw a tsaraka kataya ka, a gwaɗar: «Dzala dzekwiŋ, aɗaba ŋgulum gà mbayakà ka, biye tar a riŋ, gà ɗiyeŋ tekeɗe ibam, ga tar a riŋ mbaŋa, na ta hinne a iɗəm a. Ama iye, *wur ana a dara i təv Mbulum a ka, ga gà a riŋ, na i hinne a iɗəm, dite i sifik a ba ya tsa.»

Mata 8:20 ပူးပေါင်းရင်းမြစ်များ

Mata 12:32

Dite bəla wur ana aka tsik manəsa bazlam aà iye, *wur ana a dara i təv Mbulum a ka, Mbulum a sle a aà məpəla à bakal ŋgar. Ama wur ana aka tsik manəsa bazlam aà Mezite Mesife Mbulum a ka, Mbulum à pìl a bakal ŋgar tsa, ku mege aka miɗ mba tekeɗe ka, à pìl a tsidze.»

Mata 12:40

Kamala Yunas ana batsah kilif a nde, a ger i hitwis gà həvəɗ makər, gà həpat makər a ka, iye, *wur ana a dara i təv Mbulum a tekeɗe ka, i ti ndze a i biye, gà həpat makər, gà həvəɗ makər a mbaŋa te.

Mata 12:8

Aɗaba iye, *wur ana a dara i təv Mbulum a, na a kwere a pat mesìfìkà ba ŋa ya seyiŋ.»

Mata 13:37

A gwaɗa a tar: «Mala meslìgè daw ka, iye, *wur ana a dara i təv Mbulum a ya.

Mata 16:13

I dəba ŋa ya, gà Yesuw nda gà ɓəzla mazazama ŋgat, tə da aka ahəɗ Kaysariya Filip. Ti ndzeha a fata ka, Yesuw a gwaɗa a tar: «Gà mburma ata ta gwa aà iye, kəla mburma dze ana, iye ana, weke?»

Mata 16:27

Taŋa iye, *wur ana a dara i təv Mbulum a, i mère a ka, nda ndzəɗa Tsir gà ana ti zlibe a dər a ndzer, dite nda gà gawla ŋgar a. Na Yàa dara ka, ku weke a ŋget a dukw mayaba ŋgar kalkal kamala megemir ŋgar ana a ge ya mbaŋa.

Mata 17:9

I təv ana tar riŋ ti terre a i gər kwite ata ya ka, Yesuw a gwaɗa a tar: «Dukw ana ka ŋgatumar mbakum a ka, ka ti tsikwim a wura tsidze, say a pat ana kàa ŋgetwimiŋ, a iye, *wur ana a dara i təv Mbulum a, i mbilere a i məməta ya dzekwiŋ.»

Mata 19:28

Yesuw a gwaɗa a tar: «Iye ihər i tsik a kurum a nda ndzer, iye, *wur ana a dara i təv Mbulum a ka, a pat ana Yàa ŋgat Əbay nda ndzəɗa gà ana ti zlibe a dər à iye, i kwere a dər gər ahəɗ ana awiya ŋa ya ka, kurum ana kà zazamum iye ya tekeɗe, ki ŋgetwim a Əbay mbaŋa, na kurum aaha kurwa gəra sula ya. Ki ta ŋgetwim a təv mendze Əbay. Dite ki gwim a seriye a gà gwala gà Isərayel ana kurwa gəra sula ya mbaŋa.»

Markus 8:38

Kurum gà mburma ana kinehe, kurum riŋ i magər gà na ti niw Mbulum a. Dite ka, wur ana a gweɗe a ter a ka, i sər Yesuw tsa, nda bazlam ana i tsik a tsəka, iye, wur ana a dara i təv Mbulum a tekeɗe, i ti tsik a kataya mbaŋa. I ti niw a ŋgat i təv ana i dere a nda ndzəɗa Tsir gà ana ti zlibe a dər a, dite nda gà gawla Tsir gà ana a ndzək tar a.»

Luka 12:8

«Iye ihər i tsik a kurum ŋa: Wur ana a gweɗe a ika miɗ mburma tserdze: I sər Yesuw a ka, iye, *wur ana a dara i təv Mbulum a tekeɗe, i ti ɗif a à ŋgat ika miɗ gà gawla Mbulum mbaŋa.

Luka 18:8

Iye ihər i tsik a kurum ŋa: A ta gis a bazlam tar bise. Ama kəla ka, i təv ana iye, *wur ana a dara i təv Mbulum a, i dere a ya ana, wànà i ti lere a aà gà mburma ya nda gà megìse iye i gəzləŋ tar ika gər ahəɗ a?»

Luka 2:12

Dum, ka tə samatum, ki ŋgetwimeriŋa, ki sirwim a dər ndzer kaɗəŋ. Aɗaba a riŋ məpàɗà ŋa i petek, mahə̀nà ŋa dər i dukuməŋa a riŋ i dìdwìn, tə dzawa aɗəm kwizir.»

Luka 2:16

Ta mah ba tsara, tə da. Ti ta medeha ka, tàa le aà gà Mariya nda Yasufa nda gà kəla aaha ta wa ya, a riŋ mahə̀nà ŋa i dukw ata kamala gùlam a. Tar dər mandza ŋa i dìdwìn kaɗəŋ.

Luka 2:7

Kəla ata a wa ya ka, asləka ŋa, malkwara ŋgar tsara. A wa ka, i ga hwalwa hwalwa i dìdwìn. A paɗa ahər petek, a tike dər a dukw duwa batsah ŋa kamala gùlam a. Dukw ata ka, tə dzawa aɗəm kwizir. A tike dər a fata ka, aɗaba ta ŋgat təv mehinne i ga ŋgiɗ tsa. Gà mìsle ŋgiɗ ta hənawa iɗəm.

Luka 21:36

Ka ndzwim are tsa, hamum kəla pat, dite ka, ka ŋgatum ndzəɗa aà mibe dər i təv gà dukw ata tserdze ti dere a ya. I dəba ŋa ya, ki ta hitswim a aka miɗ gà lele, iye, *wur ana a dara i təv Mbulum a kuɗa.»

Luka 8:3

nda gà Yuwana məkəs Huza, mala megemir gà *Hiridus iɗəm mbaŋa, dite nda gà Suzana, nda gà asiŋ gà məkəs ŋgiɗ pampam hinne iɗəm asa mbaŋa. Gà məkəs ata tə zazam ŋgat a ka, tə zlàkawa gà Yesuw nda limana tar hinne.

Luka 9:58

Yesuw a tsaraka kataya ka, a gwaɗa a wele ata: «Dzala dzekwiŋ, aɗaba ŋgulum gà mbayakà ka, biye tar a riŋ, gà ɗiyeŋ tekeɗe ibam, ga tar a riŋ mbaŋa, na ta hinne a iɗəm a. Ama iye, *wur ana a dara i təv Mbulum a ka, ga gà a riŋ, na i hinne a iɗəm, dite i sifik a ba ya tsa.»

Yuhana 1:51

A gwaɗar asa: «Iye ihər i tsik a kurum a nda ndzer, pàrsa iɗəm tsa. Ki ta ŋgetwim a a kuvəl Mbulum ndzayìya mandə̀zlà ŋa ikaba ya, gà gawla Mbulum ti tsil aɗəmiŋa, dite gà asiŋ ŋa, ti terre a aka gər gà, iye, *wur ana a dara i təv Mbulum a mbaŋa.»*fe*

Yuhana 12:34

Gà mburma ata ta gwaɗar: «Mì tsaraka i wakita məpala ahəm kwa ya ka, *Kiristi, mala məmbàlà à mburma ana Mbulum a gwa, i ti slir a kurumehe a ya ka, a ti ndzewe a aà bəra ka, aà biybiy ana, dite meme ana, ki gweɗe a ka, say ti tike a *wur ana a dara i təv Mbulum a ka, aà dizl, dite ta hitse a dər aà mbulum asa ya? Weke na a ne wur ana a dara i təv Mbulum a dze ya?»

Yuhana 13:31

Aləka i dəba Yudas ana a dara iɗəm a bəra ya ka, Yesuw a gwaɗa a tar: «Kinehe ka, mburma ta ŋget a a mezlibe ana tì zlibe a à iye, wur ana i dara i təv Mbulum a, dite ta ŋget a a mezlibe ana ti zlibe a à Mbulum nda təv ga ya mbaŋa.

Yuhana 3:13

Wura aka tsəl a təv Mbulum a gər ŋa ilik tsidze. Say iye, wur ana i dara i təv ŋgar a ilik, na i tarra iɗəm a.

Yuhana 3:14

Kamala ana akahər ata Musa a zla ndzemde duwa ta və̀ɗ kamala mesiwiɗ a, a gə̀law a aram, a hitse dər a magər gà Isərayel ana i kusak i fataya,*fa* iye, wur ana i dara i təv Mbulum a tekeɗe, ta hitse a aà iye aà dizl kamala taŋa ya mbaŋa.

Yuhana 6:27

Ka ta gwim megemir aɗaba dukw mezime ana ika gər ahəɗ, a ndze a hinne tsiye tsa. Ama gwim ka, aɗaba dukw mezime ana, a ndze a hinne, à ndìv a tsa aà biybiy, a vile a mesife a mburma ya ivaɗ. Dukw mezime ata a ndze a hinne, à ndìv a tsiye ka, iye, *wur ana a dara i təv Mbulum a, na a ta vile a a mburma ya. Aɗaba Mbulum Tsir gà na a viliŋ ndzəɗa aà mege dukw ata ya.»

Yuhana 6:53

Aɗaba taŋa Yesuw a gwaɗa a tar: «Iye ihər i gweɗe a kurum a nda ndzer, pàrsa iɗəm tsa: Na kàa zəmum slu ba gà, iye, wur ana i dara i təv Mbulum a tsa, nda gà bəla kàa sum məmbəz ga tsəka, ki ŋgetwim a mesife ndzer ŋana tsa.

Yuhana 6:62

Dite meme seyiŋ a, na ki ŋgetwimiŋ a a pat ŋgiɗ, a iye, wur ana i dara i təv Mbulum a, i ti tsil a a təv ana i dara iɗəm piŋŋe ya.

Gà Ɓəzla Meslire 7:56

A gwaɗa a tar: «Tsarakum, araaka, iye riŋ i ŋgetehe a a gəza mbulum mahə̀ndə̀kà ŋa ikaba ya, dite Yesuw, *wur ana a dara i təv Mbulum a, a riŋ mehìtsè ŋa ika tsèke ahər mezime ŋgar.»

2 Kurintiya 8:9

Kurum kà sərum ŋgwal ana Yesuw Kiristi BATSAH kwa ŋa a ge a kurum a. Ŋgat ka, Əbay ŋa hinne. Ama ku mege kataya tekeɗe, a ne à ba ŋgar mala matawak aɗaba kurum ivaɗ. A ge aba matawak kataya ka, dite na kurum ki nwim a gà Əbay ŋa i gəzləŋ kurum a.