Mata 8:16 - Bible Zulgo

¹⁶ Aləka hawa a ge ka, gà mburma ata i fataya, tə ndzakaha gà ɓəzla sitene hinne a təv Yesuw, dite ma dalawa aà tar a. I dəba ŋa ya, a dalawa aà tar gà sitene ata ya nda ndzəɗa bazlam ŋgar, dite a mbala à gà ɓəzla dukw məməta tserdze asa mbaŋa.

Mata 8:16 ပူးပေါင်းရင်းမြစ်များ

Mata 12:22

Aləka i dəba ŋa ya, tə daha à wele duwa a Yesuw. Wele ata ka, sitene i ba ŋgar, a ge à ŋgat mandək ŋa nda guluf. Yesuw a mbəl à ŋgat, tsam ka, a fàfəl lele, a ŋgat a vatwa lele asa mbaŋa.

Mata 14:14

Aləka i təv ana tsìm a ndzeha a fata, a tarra i slə̀làh yam a, a fə̀r ikaba ya ka, gà mburma viyèw tàa làhar a bəɗ a fata hinne, ta veve a ŋgat. A fə̀r aà tar ka, ti ndzer are tsehe hinne. A daha, a mbala à gà ɓəzla dukw məməta tar ana tə ndzakaha ya.

Mata 8:15

Yesuw a daha a təv ŋgar, a daha, a ləm aà ahər ŋgar, tsam ka, tsèkwìr a hitse aà mbulum, màràɓàraɓ ŋgar ata a ndala ihər a tsara. I dəba ŋa ya, a sle aà mege mbəlakw a Yesuw lele kuɗa.

Mata 8:33

Gà ɓəzla makəva gà wèdèlìŋ ata ibam, swiyèh tə tə̀z a huɗ kwite. Tə daha ka, tə ɗama labara ana a ge ba nda gà wèdèlìŋ ana ta mata a yam a, dite i dəba ŋa ya, tə ɗama dukw ana a ge ba nda gà wele aaha sitene a gasawa tar a mbaŋa.

Mata 9:2

A ndzeha a fata ka, tə zlaraha mala magàha a bəɗ duwa madzàwà ŋa aà slə̀làh. Yesuw a samata gà mburma ana tə zlaha mala magàha a bəɗ ata ya ka, ta gəs ŋgat nda gəzləŋ lele. A gwaɗa a mala magàha a bəɗ ata: «Kəla gà, arəv ma da aà kər a tsa, Yàa pə̀lak à bakal yak.»

Markus 2:3

I təv ana a riŋ a tsik a ter a ya ka, gà mìsle ŋgiɗ pam asa, tə dara a təv ŋgar a. Tə darra à mala magàha a bəɗ duwa ya, gà gawla faɗ ika magər gà mburma ata tə zlara.

Markus 5:8

A tsikar kataya ka, aɗaba ana Yesuw aka mbər megweɗeha a sitene ata i ba ŋgar a: «Dara i ba wele aka ya» ya.

Markus 9:25

Yesuw a fə̀r ka, gà mburma a riŋ ihər ti dehe a a təv tar, tì sìkèhihe a hinne. A kwara akaba sitene ata nda magala hinne, a gwaɗar: «Sitene, kər ana kà sle mehìndìkè aka bazlam nda zləm a mburma ya. Iye ihər i kwere a kər: Dara i ba kəla aaha ya tsəma kinehe, ka da. Kà ləm ahər asa tsidze.»

Luka 13:12

Aləka Yesuw a ŋgatar ka, a zalaraha a təv ŋgar. Aləka a daha ka, a gwaɗar: «Məkəs aaha, kàa mbəl i dukw məməta yak a.»

Luka 4:40

Aləka pat a dəɗ ka, gà na gà masla tar a riŋ nda gà dukw məməta pampam hinne ya, tə ndzakara tar a təv Yesuw a. A dzaya aka tar ahər, aka gər gà ɓəzla dukw məməta ata ilik ilik tserdze. Dite ta mbala i dukw məməta tar a.

Luka 4:41

A beye à tar i ahər sitene ya, dite tə dara i ba tar a nda gà Mewideye ya hinne mbaŋa. Ta gwaɗa a Yesuw nda gà Mewideye: «Kər ka, Kəla Mbulum.» Ama Yesuw a tirɓe akaba tar hinne. A gwaɗa a tar: «Kà fàfəlum tsa.» Aɗaba ana tar ka, tə sər ŋgat, ŋgat ka, *Kiristi, mala məmbàlà à mburma ana Mbulum a gwa, i slir a kurumehe a ya.

Gà Ɓəzla Meslire 5:15

Aləka i dəba ŋa ya, gà asiŋ ŋa tə ndzə̀kawaha gà ɓəzla dukw məməta a fata. Tə dzayawa tar aà gùva vatwa. Ta hənawa à tar aka slə̀làh, kige tsa aka bwitse. Aɗaba a təv ana Piyer a de a nda ta ya ka, sìsiye ŋgar aka dza aka tar ka, ta mbalawa.