Mata 7:7 - Bible Zulgo

⁷ I dəba ŋa ya, a gwaɗa a tar asa: «Wizwim, Mbulum a vile a kurum ŋa. Yahum, ki ŋgetwimiŋa. Lakum a dukw mahə̀ndə̀kà ga, dite à hìndìk a kurum a i ga ya.

Mata 7:7 ပူးပေါင်းရင်းမြစ်များ

Mata 18:19

Iye ihər i gweɗe a kurum a asa: Na mburma sula ika magər kurum a, tàa dza akaba ahəm ika gər ahəɗ, aɗaba dukw ana ta wiz a aà iye a nda meheme ya ka, ta ŋget a i təv Mbulum Tsir gà ana i gər ŋa ya ndzer.

Mata 21:22

Aɗaba na kàa gəsum iye nda gəzləŋ ilik, dukw ana ki wizwim a aà Mbulum nda meheme tserdze ya ka, ki ŋgetwimiŋa.»

Mata 6:33

Ama malahalah ŋa ka, dzalum aka mekwere ŋgar, dite ki gwim a ka, dukw ana a waya ya ivaɗ. Na kàa gwim kamala taŋa ya ka, a vile a kurum a gà asiŋ gà dukw ŋgiɗ ana ti sle aà kurum a ya tserdze mbaŋa.

Mata 7:11

Na kurum ana gà ŋgwal ŋa tsiye ka, ka sərum məvəla gà ŋgwal gà dukw a gà ɓəza kurum seyiŋ ana, sakwàn Tsir kurum ana i gər ŋa ya ivaɗ a. A vile a gà ŋgwal gà dukw a gà na ta wiz ahər a ya ana, à zè a taŋa tsiye?

Mata 7:8

Aɗaba ku weke na aka wiz a ka, a vileriŋa. Wur ana aka yaha ya ka, a ŋgetiŋa. Dite wur ana aka lak a dukw mahə̀ndə̀kà ga ya ka, tùwaŋ à hìndìker a iɗəm a mbaŋa.

Markus 11:24

Aɗaba taŋa, iye ihər i gweɗe a kurum ŋa: Na ki wizwim a duwa i təv Mbulum a, kàa gəsum dukw ata kà wizwim nda gəzləŋ ilik, Mbulum mə vəl a kurum ka, a vile a kurum a kaɗəŋ.

Luka 13:25

Na mala ga aka hitse, aka hə̀ndə̀k a ga gədzə̀zl ka, ki ti ndzwim a i bəra. Ki dzwìm a ba aà malàkàyà a biye hərmaga, ki gweɗwimerehe a: Ama a gweɗe a kurumara a ka:

Luka 18:1

I dəba ŋa ya, Yesuw a tsik bazlam minew a gà ɓəzla mazazama ŋgat ata, aà meɗife a tar dər ka, say ta hama a Mbulum hiywe, ti ye ba tsidze.

Yuhana 15:16

Kurum tsa na kà zlum iye kamala Batsah kurum ŋa ya. Ama iye na a pala kurum a, dite kà nwim gà ɓəzla mezezeme iye ivaɗ. I pala kurum ka, aà mege meslire gà, dite ka nwim kamala dizl ɗaf ata a we a hinne ya. Mege megemir kurum a de a aka miɗ aka miɗ, a ndze a aà biybiy. Kərga taŋa ya na, dukw ana ki wizwim a aà Tsir gà nda zləm gà ya ka, a vile a kurum ŋa.

Yuhana 15:7

Na bəla kurum riŋ ki ndzwim a i təv gà, ki giswim a bazlam ga, ki zezemwim a lele ka, wizwim dukw ana a sàs a kurum a, ki ŋgetwimiŋa.

Yuhana 4:10

Yesuw a gwaɗar aaka: «Na mege kà sər dukw ana Mbulum a vile a a mburma ya, dite kà sər iye na i wiz aà kər yam a ka, kər ivaɗ na ki wiz aà iye a yam ana a vile a mesife a mburma ya, dite ka, i vilek a ya.»

RUMA 2:7

Kamala taŋa ya, gà asiŋ gà mburma ana ta gewa dukw ana ŋgwal ŋa ya, nda mayaha mezlibe ana Mbulum à zlibe a à tar, a sàs a tar a tsik aà ter a dukw ana ŋgwal ŋa ya,*fa* ta waya maŋgata mesife ana à ndìv a tsiye mbaŋa. Tar ka, Mbulum a vile a ter a mesife ata à ndìv a tsiye kaɗəŋ.

RUMA 3:11

Wura a riŋ ilik nda gà metsehe, dite ka, a yehe a Mbulum tsa.

IBƏRANIKWA 11:6

Na wura aka gəs Mbulum nda gəzləŋ tsəka, a sle aà metsehine ahər a tsidze. Na wura a sasar mada a təv ŋgar ka, say mà gəs ŋgat nda gəzləŋ, ma sər ka, Mbulum a riŋ dukw ŋgar. Dite ma sər dər ka, Mbulum ŋgat mala mege ŋgwal ŋa a gà na tar riŋ ti yehe a ŋgat a mbaŋa.

YAKUBA 5:15

Na tàa hama a Mbulum nda ndzer, tə sər ka, Mbulum a tsereke a meheme mər ata ka, dukw məməta ata ka, Mbulum à mèreba a à ndzəɗa, a mbiliŋa. Na bəla aka ge bakal ka, Mbulum à piler a dər mbaŋa.

1 Yuhana 3:22

A vile a kwe a dukw ana ki wizekwe a aà ŋgat a ya tserdze mbaŋa, aɗaba ana kàa gə̀sakwa məpala ahəm ŋgar, ki gekwer a ka, dukw ana a tsahən aà ŋgat mbaŋa ya.