Mata 7:25 - Bible Zulgo

²⁵ Aləka na bəla yam à dze a, a dere a nda himbiɗ a hinne, mbùhhwa a zlele a nda təv ga ata ka, a mbezle a tsa, aɗaba ana ɓərɓər mazlàzlàŋara i biye ya nda kur a.

Mata 7:25 ပူးပေါင်းရင်းမြစ်များ

Mata 16:18

Iye ihər i gweɗekiŋa: Kər ka, Piyer, kamala megweɗe ya ka, kuvəl. Ama i ti yehe a gər a gà mburma gà aka kuvəl ata kamala kur ana tì zlèzl a dər ga ya. Taŋa, gà ɓəzla mene are tar ka, ti sle a aà medzeye à tar tsa, ku mege ndzəɗa məməta tekeɗe, a sle a aà mimbè aà tar tsa mbaŋa.

Mata 7:24

Aɗaba taŋa, Yesuw a gwaɗa a tar: «Ku weke na aka tsaraka bazlam gà ana i tsik a ya, aka ge megemir ŋa lele ka, a ndzikiɗ ba wele ana metsehe ŋgar a riŋ lele, à dzèhe a ga ya. A dzèhe a ga ka, a le a biye, à zlèzlere a iɗəm nda kur a lele, na dite a mbezle a tsiye.

Mata 7:26

Ama ku weke na aka tsaraka bazlam gà ana i tsik a ya, aka ge megemir ŋa tsəka, a ndzikiɗ ba ka, wele ana metsehe ŋgar a riŋ tsa, a dza ba aà madzàha ga aka ahəɗ kataya masakəŋa ya.

Mata 7:27

Aləka i təv ana yam ata mbùhhwa a dere a nda himbiɗ a hinne, a zlele a nda təv ga ata, tsam ka, bìrìm a mbezle a fit tsara. Taŋa ka, labara batsah ŋa hinne.»

Gà Ɓəzla Meslire 14:22

Tə daha, ta màha à arəv a gà mburma Mbulum ana i fataya, dite ka, ta bàs gəzləŋ, ta ŋgat ndzəɗa i təv megìse tar ana ta gəs Mbulum a. Ta gwaɗawa a tar: «Ki ta ŋgetekewe a təv mendze i mekwere Əbay Mbulum ka, ki sèwèrekwe a are hinne pampam dzekwiŋ.»

EFESIYA 3:17

Iye ihər i hemer a asa ka, dite Yesuw Kiristi ma ndza i gəzləŋ kurum, aɗaba ana kàa gəsum ŋgat nda gəzləŋ a. Iye ihər i hemer a asa mbaŋa ka, dite ka wayum ba ilik ilik tserdze. Na kàa wayum ba ka, ki ŋgetwim a ndzəɗa ɓəŋɓəŋ lele kamala dizl ɗaf ana a ŋge zlile ya, nda gà kamala ga ana madzàha ŋa lele, a mbezle a tsiye.

KULUSIYA 2:7

Ndzum ka, i ahər ŋgar, kamala dizl ɗaf ana nduŋŋa meŋgè zlile ŋa i biye ya. Megìse kurum ana kə̀ gəsum ŋgat nda gəzləŋ a ka, ma da aka miɗ aka miɗ, ma ge ɓəŋɓəŋ lele. Gəsum ka, dukw ana ti ɗif a kurum dər a, dite ka, ki gwim kəkaaha a Mbulum kəla pat mbaŋa.

YAKUBA 1:12

Maŋgayaba ika gər wur ana a mir a aba i təv gà dukw ana ti dzik a à ŋgat a tserdze ya. Ama na aka mər aba i təv gà dukw ata ti dzik a à ŋgat a ka, a ŋget a dukw maya ba ŋgar, kamala megweɗe ya, mesife ana Mbulum a gwa i sida ya ka, i ta vile a a gà mburma ana ta waya iye ya.

1 PIYER 1:5

Mbulum a riŋ a kesle a kurum dzèŋŋe lele, aɗaba na kàa gəsum ŋgat nda gəzləŋ ilik a. Dite ku weke a sir a dər, i təv ana gər ahəɗ à ndìv a ya ka, Mbulum a ta mbele a à kurum ndzer a.

1 PIYER 1:7

I huɗ medzike ata ti dzikewa à kurum a ka, aà mesire dər ka, wànà kàa gəsum Mbulum nda gəzləŋ kurum ndzer kaɗəŋ a ya. Ku mege gura ana à sìkim a ba tsiye tekeɗe ka, a ndze a tsa, a nisiŋa. Ama gura ata tekeɗe ka, ti zle a, ti dzik a dər nda akwa, wànà akwa a mba ahər a, tsəna, a mba ahər tsiye? Na dite ti sir a dər ka, ŋgwal ŋa ya, kige tsa ŋgwal ŋa tsiye ya. Sakwàn megìse kurum ana a za gura fit kweleŋ tsiye. Kamala taŋa ya mbaŋa na ti dzik a à megìse kurum ana kə̀ gəsum Mbulum kinehe ya. Aləka a pat ana Yesuw à mère a, à pèt a aba aka miɗ mburma tserdze ya kuɗa ka, tì zlibe a à kurum, ta gweɗe aà kurum a ka, gà bàba ŋa kaɗəŋ ndzer.

1 Yuhana 2:19

Gà mburma ata tə ndzawa piŋŋe ka, ika magər kwa ana kə̀ gə̀sakwa Mbulum a. Ama tə ndzawa ka, nda ndzer tsa. Aɗaba taŋa na tə da ika magər kwa ya ya. Na mege tə ndzawa ika magər kwa nda ndzer ka, ti de a i təv kwa ya tsa. Ama ta miyak à kwa, dite na kinehe kà sərakwa dər ndzer, ku wura ilik i liwiŋ gà mburma ata aka ndza nda gà mburma kwa nda ndzer ŋa ilik tsidze.