Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Mata 7:15 - Bible Zulgo

15 I dəba ŋa ya, Yesuw a gwaɗa a tar asa: «Kaslum ba kurum i təv gà ɓəzla məma à guma Mbulum ana nda pàrsa ya. Ti dere a a təv kurum a ka, zukum zukum kamala gà təmaŋ a. Tsaatsa i huɗ ba tar ka, ti ndzikiɗ ba gà də̀var ana ta pèpìɗ a mburma ya.

အခန်းကိုကြည့်ပါ။ ကော်ပီ




Mata 7:15
54 ပူးပေါင်းရင်းမြစ်များ  

Kaslum ba kurum tsireŋŋè i təv gà mburma ya, aɗaba a pat ŋgiɗ ka, ti ta gese a kurum, ti de à kurum a aka miɗ seriye, ti ta gezlere a kurum i ga mahàmà a Mbulum tar a.


Aɗaba la na kà sərum tsiye? I gwaɗa a kurum ka, kaslum gà gər kurum i təv giɗe gà Farisa ana nda biy gà Saduki a kwasawa à duwa ya, tsəka, agəra ana dukw mezime aà kurum tsiye tsa.»


Yesuw a gwaɗa a tar: «Gwim metsehe lele, agəra giɗe gà Farisa nda biy gà Saduki ana a kwasawa à duwa ya.»


Aka ndze a fata ka, gà ɓəzla məma à bazlam Mbulum ŋgiɗ pampam nda pàrsa ta hitse a aà medzeye à mburma hinne, nda pàrsa tar ata.


Ama biye hərmaga ana hinne tsiye ka, a de a à mburma ka, a təv mesife ana à ndìv a tsiye. Vatwa ŋa ka, rèhhe masakəŋa, mawùràba ŋa hinne. Ama gà mburma ti de a nda təv ata ka, ndaw tsa.»


I dəba ŋa ya, Yesuw a gwaɗa a mburma tserdze: «Gwim metsehe nda təv məburnun mawàyà limana ana hinne ya. Aɗaba mesife mburma ana ndzer a ka, a ndze a ka, nda gà dukw ŋgar tsa, na mege ku ŋgat a riŋ nda gà limana hinne tekeɗe ya.»


A kurum ana gà mburma ta gweɗe a kurum a, kurum gà ŋgwal ŋa ya ka, waya ba kurum a. Aɗaba kərga taŋa ya na gà tsir tar tə zləbawa ɗa à gà na ta gwaɗawa: Mər ka, gà ɓəzla məma à guma Mbulum ka, tsaatsa pàrsa ya.»


Wur ana a ge a megemir siŋgwe ya ka, ŋgat ka, mala makəva gà dukw ana ndzer a tsa, aɗaba gà təmaŋ tekeɗe, gà biy ŋgar tsa. Bəla kəra dala aka hitse aà tar ka, a miyek a à tar, a velebiŋa. Dite kəra dala ata a dehe a, à gese a tar. Gà asiŋ ŋa aaha ta gwitse a aba sweyèh sweyèh a dala a təv ŋa.


Aɗaba taŋa gwim metsehe, aɗaba dukw ana gà ɓəzla məma à guma Mbulum ti tsik a ka, ma ge i təv kurum tsa. Ti tsik piŋŋe akahər ata, ta gwa:


Tə sùwayawa riŋ ika ahəɗ ata malàwàrà ŋa nda yam a, aà kwite aà kwite, tsikw ti ndze a kwite Pafus. Tə daha ka, tàa le aà màhəram duwa a riŋ i fata, tə zalar Baryesuw. Wele ŋa ka, gà Yahuda. A gwaɗawa: «Wày tsəka, i me a ka, à bazlam Mbulum.»


Ama gà mburma ana ta ge a duwa ka, nda pàrsa ya, tə dawaha aka magər tar, ta gwa, say mà sàs ba. Tə daha aka magər tar ka, sereh sèrèh sereh sereh nda wirwir, aà masamata vatwa kwa ana ki ziwekwe a dər gər kwa ya, aɗaba ana kwa mandza ŋa i təv ilik ŋa nda gà Yesuw Kiristi ya. A sàs a tar ka, na ki nekwe a gà ɓele məpala ahəm gà Yahuda asa ya.


Na kàa simekwa kataya ka, kwa gà ɓəza ndirkiz asa tsa. Gà ɓəzla pàrsa ana ta pasawa za a mburma nda wirwir a tekeɗe, ti sle a aà mendze a kwa a vatwa nda medzeŋge pàrsa tar asa tsa. Medzeŋge tar ata ka, à dzèdzeye a à mburma kamala himbiɗ ana kəzlah kəzlah à sìweye a à slə̀làh yam ika gər yam a. Ama kinehe ka, tsàhakwa, na dite a sle aà kwe a kataya asa tsiye.


Aɗaba gà dukw ata ka, ŋgwal ŋa tsa fit, Mbulum a ge a arəv aà gà mburma ana ta gəs bazlam ŋgar tsiye. Aɗaba taŋa, wura ma ta baza a kurum za nda welewele bazlam ana taf masakəŋa ya tsa.


Gwim metsehe nda təv gà na ta gewa dukw ana ŋgwal ŋa tsiye, ti ne kamala gà kəra ya, haraŋgaf haraŋgaf, dite ti tsetsef a duwa a mburma, ta gweɗe a ter a ka, sasayum ba ya.


Gwim metsehe, aɗaba wura ma ta bana kurum nda madzala gà gər ŋgar ana taf masakəŋa, a gweɗe a kurum a ka, waytsà i sər duwa hinne ya tsa. Aɗaba metsehe ata a dara ka, i madzala gà gər fəla tar ana ta ge a ya, nda gà i təv gà Əbay sitene ana ika gər ahəɗ a ɗekɗek pəra, tsəka, a dara i təv Yesuw Kiristi ya tsa.


Taŋa gà mburma ana ta gewa duwa ŋgwala tsiye, nda gà na ta bene a mburma nda pàrsa ya ka, tì sìrìk a tsàkàlàk i təv Mbulum a, ti de a dər aka miɗ aka miɗ. Ta bene a gà mìsle ŋgiɗ, dite tar ŋa tekeɗe, gà mìsle ŋgiɗ aaha ta bene aɗəm a tar ŋa mbaŋa.


Aɗaba pat ŋa a ndzere a mba ka, gà mburma tì dze a zləm a wele ana a ɗif a ter a à ndzer ŋa ya asa tsa. Ama a ti ses a ter a ka, mazazama dukw meèweke ba tar ɗekɗek pəra. Kamala taŋa ya, ti ti yehe a gà ɓəzla medzeŋge a mburma meyehe, dite ti dzeŋge a tar ka, dukw ana hùhunnà a ge a ter a tsegèɗik i zləm lele ya.


Ama ka, a kurum gà masla gà ana i waya kurum hinne ya: Yàa tsik a kurum aba ya. Aɗaba taŋa, gwim metsehe lele, tsəka, gà mburma ata ta gəs ahəm aà Mbulum tsiye ka, ta bene a kurum aà mazazama dukw bakal tar ata, dite ka, ka miyakum à təv mendze kurum ana ŋgwal ŋa, a ɓezle a tsiye.


Gà masla gà, gà ɓəzla məma à guma Mbulum ana nda pàrsa ya ka, tar riŋ ika gər ahəɗ pampam hinne. Aɗaba taŋa, ka ta gəsum bazlam wur ana a gweɗe a kurum a ka, i tsik a kurum a bazlam Mbulum nda ndzəɗa Mezite Mesife ya bise tsara tsa. Say ki ndzekwim a bazlam ŋgar ata ka, nda metsehe, na dite ki sirwim a dər ka, a tsik ana, nda ndzəɗa Mezite Mesife Mbulum kaɗəŋ a, tsəna, pàrsa ya ya.


I tsik taŋa ka, aɗaba gà asiŋ gà mburma ana tə sər Mbulum tsiye, tàa lèlekwera nda wirwir a lìlikw lìlikw a liwiŋ mayahaba gər kurum gà mburma Mbulum a. Gà mburma ata ka, gà ŋgwal ŋa tsa. Aɗaba tar riŋ ti yehe a vatwa aà məmbə̀ɗà à ŋgwal Mbulum ana a ge a kwa ya. Ta gwa: Mbulum aka vəl a mər vatwa aà mege dukw ana a sàs a mər a. Ku mege bakal awara tekeɗe ka, mìi ziwe ahər a gər mər pəra. Kamala taŋa ya, ti niw Yesuw Kiristi ana ŋgat ilik Əbay kwa ana a kwere a kwa mbaŋa ya. Akahər ata piŋŋe ta wetse i wakita Mbulum ka, ta gwa, meme na seriye Mbulum a ta gis a gà medzibe gà mburma ata ya.


I dəba ŋa ya ka, i ŋgataha a gà sitene ana gà ŋgwala tsa ndeyndey a, makər.*fa* Tar ka, kamala gà makwambaɗùkw a. I ŋgiɗ a dara ka, i bazlam *kə̀rəm a. Dite biy ŋgiɗ ibam, a dara i bazlam dukw dala ata ya. I ŋgiɗ asa ka, a dara i bazlam mala məma à guma Mbulum ata nda pàrsa ya.


I samata məkəs ata ka, makwàyà ŋa nda məmbəz gà mburma Mbulum ana a sa ya. Ta batsaya gà mburma ata ka, aɗaba ana ti ɗifewa à zləm Yesuw parakkà ya. Dite məkəs ata ka, a sa məmbəz tar. I ŋgatar ka, a ge aà iye kamala dukw mene aà mburma ya hinne.


I təv ana tar ihər ta ge a gùvəl ata ya ka, gà wele ata nda gà sliwdze ŋgar a, ta gasa gà dukw dala ata nda wele ana a gwa aà ba ŋgar ka, waytsà iye mala məma à guma Mbulum, tsaatsa pàrsa ya fit. Aɗaba ŋgat na a geye gà dukw mene aà mburma ika miɗ dukw dala ata ya. Kamala taŋa ya, a banawa gà na lambà dukw dala ata aà ba tar, dite bəla ku mege gà na tə dzawa gurmits a bəɗ a mendzikiɗe ba ŋgar a ya. Gà wele ata nda gà sliwdze ŋgar a, ta gasa gà dukw dala ata nda mala məma à guma ŋgar a ka, tə dza à tar a magər akwa kamala a duluv a, nda are kataya. Ama akwa ata ka, ar ka, kamala dukw ana a wene a wàfùfùffa ya.


Dite i dəba ŋa ya ka, Əbay sitene, wele ana a banaya tar a ka, ta gəs, kùtsùkw ti yà ŋgat a akwa ana kamala duluv a. Akwa ata a wene a ka, wàfùfùffa. I fataya ka, tàa mbər mandza aɗəm à gà dukw dala nda mala məma à guma ŋgar ata nda pàrsa ya. Tì sèwèr a are i fata, ku mege ndaàpat, ku mege ndaàvəɗ hiywe aà biybiy.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ