Mata 6:9 - Bible Zulgo

⁹ Na ki dzwìm a ba aà mahàmà a Mbulum ka, araha na dukw ana ki gweɗwim a ya:

Mata 6:9 ပူးပေါင်းရင်းမြစ်များ

Mata 10:29

Wànà kurum ka sərum tsiye, gà ɗiyeŋ ŋgiɗ a riŋ sula ka, tì sìkim a nda siysiy ilik a? Ama i liwiŋ gà ɗiyeŋ ata, na Mbulum Tsir kurum aka waya ka, ku mege ilik tekeɗe, a dzeye a tsa, pìrre a be a nda aà mbulum.

Mata 23:9

Yesuw a gwaɗa a tar asa: «Ku weke ka, ma tə zal a wura ika gər ahəɗ tsa. Aɗaba tsir kurum ka, Mbulum Batsah ŋa ana i gər ŋa ya ilik.

Mata 26:29

Iye ihər i gweɗe a kurum a nda ndzer: I ti se a meɗwìtsè mawà dukw makwàsà ŋa aaha asa tsidze, haa a pat ana ki ti sekwe a dukw ata awiya ŋa a təv mendze *mekwere Mbulum Tsir gà ya.»

Mata 26:42

Aləka a tsik a tar aba ya kataya ka, a mbəɗ gər a zlawak asa. A daha, a hama kamala ana a lah ahər piŋŋe ya. A gwaɗa a Mbulum: «Tsir gà, na mege a ge a ba ka, zla aà iye mesewere are aaha ya, mi miyak à iye te. Ama ŋgulum ka, i sèwèr a are pəra kamala ana a sàsak a, tsəka, ma ti ne kamala ana iye i waya ya tsa.»

Mata 5:16

Aɗaba taŋa, mede kurum ana ŋgwal ŋa ya, mə̀ pàt aba ika miɗ mburma tserdze, kamala dzaydzay ata ya, dite ta fə̀r aà megemir kurum ana ki gwim a a Mbulum ŋgwal ŋa lele ya ka, tar ibam, tə̀ zàmbaɗa à Mbulum Tsir kurum ana i gər ŋa ya mbaŋa te.»

Mata 5:48

Ama nwim ka, gà ɓəzla mege dukw ana ŋgwal ŋa lele ya, kamala Mbulum Tsir kurum ana i gər ŋa, a wele a ikaba mburma ya tsiye.»

Mata 6:14

A gwaɗa a tar asa: «Na kàa pə̀lum à bakal a gà mburma ana ta gewa a kurum bakal a ka, Mbulum Tsir kurum ana i gər ŋa ya tekeɗe, à pìl a a kurum a dər mbaŋa.

Mata 6:6

Ama na aka sàsak mahàmà a Mbulum ka, pəts a ga a ma yak, hə̀ndə̀k aaba, dite ka hama a Mbulum Tsir yak ana mandza ŋa i təv makàhà ŋa ya. Aɗaba Mbulum Tsir yak na a ŋget a a dukw ana ki ge a i təv makàhà ŋa ya, dite ŋgat na a vilek a dukw maya ba yak a mbaŋa asa.

Mata 7:11

Na kurum ana gà ŋgwal ŋa tsiye ka, ka sərum məvəla gà ŋgwal gà dukw a gà ɓəza kurum seyiŋ ana, sakwàn Tsir kurum ana i gər ŋa ya ivaɗ a. A vile a gà ŋgwal gà dukw a gà na ta wiz ahər a ya ana, à zè a taŋa tsiye?

Luka 15:18

Ŋgulum kinehe ka, i meh a ba, i diŋa, i mbìɗ a gər a təv tsir gà. Yàa da ka, i gweɗere a: Tsir gà, Yàa ge bakal ika miɗ Mbulum a, dite ika miɗ yak a asa.

Luka 15:21

Kəla ŋgar ata a gwaɗar:

Luka 2:14

«Mezembeɗe mege ka, biy Mbulum ana ika gər mburma tserdze ya. Mandza zayzay ŋgar ika gər gà mburma ana tserdze ika gər ahəɗ, a waya tar a.»

Yuhana 20:17

Yesuw a gwaɗar: «Kə̀ gəs ba aà iye tsa, aɗaba Yàa tsəl a təv Tsir gà zukw tsa. Ama ka, ka ta gwaɗa a gà damər ga ka, i tsil a a təv Tsir gà ana Tsir kurum mbaŋa ya. Ŋgat na Mbulum gà ya, dite biy kurum mbaŋa asa ya.»

RUMA 1:7

Kamala taŋa ya, na i ge a kurumaha wusa tserdze, a kurum gà mburma ana Mbulum a waya kurum i Ruma ya. A zal a kurum ka, dite ka nwim gà mburma ŋgar. Gà Mbulum Tsir kwa nda Yesuw Kiristi BATSAH kwa ŋa, ta pise a kurum ahəm, ta vəl a kurum matasla yam a gəzləŋ zayya lele.

RUMA 8:15

Kamala taŋa ya, duwa a riŋ na ki gwim a dər magəɗa ika miɗ Mbulum a asa tsa. Aɗaba Mezite Mesife ŋgar ana a vəl a kurum a ka, aka ne à kurum gà ɓele tsa, a ne à kurum ka, gà ɓəza ŋgar ivaɗ. Mezite Mesife ŋgar ata ka, a riŋ mandza ŋa i gəzləŋ kwa. Aɗaba taŋa na kù gwaɗawakwa aà Mbulum ka, Tsir kwa ya.

GALATIYA 1:1

Na wetse wakita aaha ka, iye Pul, mala meslire Yesuw Kiristi. Meslire ata i ge a ya ka, mburma na a slər ahər iye ya tsa. Dite kwets ti tike aɗəm iye metike ɓav tsa asa. Ama ka, Yesuw Kiristi na a slər ahər iye ya kəla, tar nda Mbulum Tsir kwa ana a mbəlara à ŋgat i məməta ya ya.

GALATIYA 4:6

Dukw ana ki sirekwe a dər ndzer kaɗəŋ, kàa nekwa gà ɓəza ŋgar a ka, araha: Mbulum a slərra Mezite Mesife Kəla ŋgar a gəzləŋ kwa ya. Mezite Mesife ata ka, a riŋ a zel a a Mbulum «Aba,« kamala megweɗe ya ka: «Dede ga.»

1 TIMUTE 6:16

Aɗaba ŋgat ilik na a ndze a aà biybiy a. A ndze a ka, i təv dzaydzay ŋa ana wura a sle a aà mede aɗəm a tsiye. Wura a aka ŋgatar ilik tsa, dite kinehe tekeɗe, wura a riŋ a sle aà meŋgeter a zukw tsa asa ya mbaŋa. Gà mburma tə̀ zlə̀b à ŋgat, Əbay ŋgar ma ndza aà biybiy. *Amin.

1 PIYER 1:17

I təv ana kà hamawumar a ka, kà zalawumar «Mbulum Tsir mər.» Ama taŋa ka, lele. Aɗaba mendze kurum ana ɗa ika gər ahəɗ a ka, kamala gà slele ya. Ku mege kurum i slele tekeɗe, ndzum ka, nda magəɗa Mbulum i gəzləŋ kurum lele. Aɗaba ŋgat a ge a seriye gà mburma tserdze ka, nda ndzer ŋa, tsəka, a wele a ikaba mburma ya mewele tsa. A ge a ter a seriye ka, ku weke nda megemir ŋgar ana a ge ya.

Sunwa Yuhana 4:11

«Kər ka, Mbulum, dite kər Batsah mər ŋa. Kər na ki ge gà duwa tserdze ya. A ge ba ka, aɗaba ana kər kà waya ma ge ba ya. Aɗaba taŋa na kər ilik ka, ŋgwal ŋa, kà sle na mburma tserdze tì zèmbeɗe a à kər, tì zlibe a à kər nda magəsa aà kər ahəm a.»

Sunwa Yuhana 5:12

I huɗ malàhà dimis tar ata tì lèh a ya ka, ta wideye a dər ŋgəlakəkka, ta gwa: «Kəla Təmaŋ ata ta kəɗ a ka, a sle aà duwa tserdze. Dite duwa tserdze ka, biy ŋgar asa mbaŋa. Metsehe ŋgar a riŋ, a za gà duwa fit. Aɗaba ndzəɗa tserdze ka, i ahər ŋgar. Gà mburma tə̀ zlə̀b à ŋgat, tə̀ zàmbaɗa dər, ta gwa, ŋgat ka, BATSAH kwa ŋa kaɗəŋ.»