Mata 6:2 - Bible Zulgo

² Aɗaba taŋa, na bəla a sàsak mazlàkà mala matawak ka, ka ta vəlar dukuməŋa ndərzayya ika miɗ mburma, dite ta fə̀r ahər nda mazlə̀bà à kər tsa. Ama asa ka, ka ta gwim kamala biy gà ɓəzla mimbèhè are ana ta gewa dər kataya i gà ga mahàmà a Mbulum, nda gà ika magər gà vatwa ya tsa asa. Aɗaba tar ta gewa kataya ka, dite gà mburma tə̀ zlə̀b à tar lele pəra. Ama iye ihər i gweɗe a kurum a nda ndzer: Tar ka, tàa ŋgat dukw maya ba tar aka ndəv.

Mata 6:2 ပူးပေါင်းရင်းမြစ်များ

Mata 15:7

A gwaɗa a tar asa: «Kurum ka, gà ɓəzla məbànà mburma nda pàrsa, kamala ana Ezaya, mala məma à guma Mbulum a tsik aà kurum akahər ata ya kaɗəŋ ndzer.

Mata 16:3

I mèkwède, bəla àvùkw a ge a ùmùkùkkwa hulɓukw aà mbulum hinne ka, ki gweɗwim a, mbakum ka, yam à dzìŋa. Taŋa kurum ka, ka sərum ikaba à gà dukw ana ika gər ahəɗ a tserdze ana, dite aàla na ka sərum ikaba à gà dukw ana kinehe i ge a ika magər kurum a tsiye?»

Mata 22:18

Ama Yesuw a sər a taraha aka dukw ana tə dzala i gər tar a tsara. I dəba ŋa ya, a gwaɗa a tar: «A kurum gà ɓəzla mimbèhè are. Aàmala na ki dzwìm a ba aà iye kataya ya?

Mata 23:5

Aɗaba megemir tar ana ta ge a ya ka, ika miɗ mburma, dite gà mburma ta fə̀r aà tar, ta gwa ka, tar ka, gà ŋgwal ŋa. Kamala taŋa ya, i təv ana ta heme a a Mbulum a ka, ti ndìwìɗewa gà petek ana slàrra ya a gər, kige tsa aà ahər. Tì dèneye a màdaŋgwàla duwa aka gùva petek tar zigwindindiɓɓe, ti ndze a dər kuɗa ka, ŋgakŋgakəkka asa mbaŋa.

Mata 23:6

Tar ka, ku mege i təv ana gà mburma tàa yahaba gər aà dukw mezime ya tekeɗe, a sàs a tar ti ndze a ka, aka təv mendze ana ŋgwal ŋa lele ya. Ku tàa da a gà ga mahàmà a Mbulum mbaŋa ka, ti yahawa i tar ka, say təv mendze ana ŋgwal ŋa ya, aà mendze dər aka miɗ mburma, dite mburma ta fə̀r dər aà tar lele.

Mata 24:51

Na mala ga ŋgar ata aka màra ka, a viler a mesewere are hinne, à yè a ŋgat a təv ana gà ɓəzla mimbèhè are ti ti sèwèr a iɗəm are nda gà tuwa, ta pèpìɗ a dər zlir hinne ya.»

Mata 5:18

Iye ihər i gweɗe a kurum a nda ndzer, pàrsa iɗəm tsa: Ku mege kinehe gà gəza mbulum nda gər ahəɗ a riŋ hiywe mba ka, məpala ahəm ata a dzeye a tsa. Ku mege dukw ana mewetse ŋa iɗəm kwizikw hinne tsiye tekeɗe, à nikiɗ a ihər a, a dzeye a ihər a ɓav tsa asa, haa a təv ana gà dukw məpala ahəm ata a tsik ahər tserdze ya ka, aka ndəv a.

Mata 6:16

I dəba ŋa ya, a gwaɗa a tar asa: «Na ki gwim a ndəra ka, ka ta gwim kamala gà ɓəzla mimbèhè are ana ta mbehe a are a Mbulum a tsa. Aɗaba tar ta gewa ndəra ka, ɓìrìzl ɓìrìzl ta mbìɗ a à are tar kamala ana tar ka, gà məməta ŋa ya, dite gà mburma ta fə̀r aà tar, ta gwa aà tar ka, gà ɓəzla mege ndəra nda ndzer kaɗəŋ. Iye ihər i gweɗe a kurum a nda ndzer: Tar ka, tàa ŋgat dukw mayaba tar aka ndəv.

Mata 6:3

Aɗaba taŋa na bəla a sàsak ki vile a duwa a mala matawak ka, ku mege masla yak meme tekeɗe, ma tə sər ahər tsidze.

Mata 6:5

I dəba ŋa ya, Yesuw a gwaɗa a tar asa: «Na ki hemwim a a Mbulum ka, ka ti nwim kamala gà ɓəzla mimbèhè are ana ta mbeher a ya tsa. Aɗaba tar ta hamawa ka, ta hitsewa dər aà mbulum aka miɗ mburma parakkà i gà ga mahàmà a Mbulum, kige tsa, ika makə̀zlàkə̀zla gà vatwa tekeɗe ya. A sàs a tar ka, gà mburma ta fə̀r aà tar, ta gwa aà tar ka, gà ŋgwal ŋa. Aɗaba taŋa, kinehe ka, iye ihər i gweɗe a kurum a nda ndzer: Tar ka, tàa ŋgat dukw maya ba tar aka ndəv.

Mata 7:5

A kər mala mimbèhè are ata, lah mazlàra diŋgwizl aaha i are yak ŋa ya dzekwiŋ, dite ndzihndzih ki ŋget a a vatwa lele, ìndits ki zlere a pərats a kwizikw ŋa ata i are damər yak a kuɗa.

Markus 12:39

Tàa da a gà ga mahàmà a Mbulum ka, ti yahawa i tar ka, say təv mendze ana ŋgwal ŋa ya, aà mendze dər aka miɗ mburma, dite ka, mburma ta fə̀r dər aà tar lele kuɗa. Tàa ndze a təv mazəma ɗaf a liwiŋ mburma tekeɗe, say ti yehe a ka, təv mendze ana ŋgwal ŋa ya asa mbaŋa.

Markus 7:6

Yesuw a tsaraka kataya ka, a gwaɗa a tar aaka: «Kurum ka, gà ɓəzla məbànà mburma nda pàrsa, kamala ana Ezaya, mala məma à guma Mbulum a wetse ya kaɗəŋ, kalkal kamala taŋa ya. A wetse i wakita Mbulum piŋŋe ka, Mbulum a gwa:

Luka 11:41

Dzalum ivaɗ ka, aka dukw ana i huɗ ŋa ya. Ki dzwìm a dukw ata a gà ɓəzla matawak, dite ki ndzwim a tsəɗaŋŋa kuɗa.

Luka 11:43

Kurum gà Farisa ka, waya ba kurum a. I ga mahàmà a Mbulum ka, kà yahawum ka, say təv mendze ana ŋgwal ŋa ya, aà mendze dər aka miɗ mburma, dite ka, mburma ta fə̀r dər aà kurum lele. Na kàa dum a liwiŋ mburma tekeɗe, a sàs a kurum, mburma ta ge a kurum wusa ka, say nda mazàmbàɗà à kurum ɗekɗek.

Luka 12:33

«Dzawum à gà dukw kurum, dite kà dzum siŋgwe ŋa a gà ɓəzla matawak. Yahum kìywa ana a nis a tsiye. Ka yahum aɗəm gər a limana ana i təv Mbulum i gər ŋa a dzeye a tsa, dite gà ɓəzla akəl tekeɗe, tì dzik a tsa, ku mege gà metinwe ibam, ti zim a tsiye.

Luka 12:56

Dukw gà mimbèhè are duwa, kà sərum are gà dukw ana ta geye a ba ika gər ahəɗ, nda gà na i gəza mbulum a ka, hinne. Dite aàla na kà sərum ikaba à gà dukw ana kinehe i ge a ika magər kurum a tsiye?»

Luka 13:15

Əbay Yesuw a gwaɗar aaka: «Dukw gà mimbèhè are kurum ata, bəla a pat mesìfìkà ba ana ku weke i liwiŋ kurum a, a pə̀lawa à sla ŋgar, kige tsa à hezweŋe ŋgar, dite ma sa yam dze ana, pam a?

Luka 20:46

«Gwim metsehe nda təv gà ɓəzla medzeŋge məpala ahəm Mbulum. Aɗaba gà mìsle ŋgiɗ iɗəm, tì sìweye a nda gà andiw zùbəl ŋa ka, ta waya məpàtà dər à ba tar aka miɗ mburma ɗekɗek. Gwim metsehe nda təv gà taŋa a sàs a tar ka, ta ge a tar wusa i liwiŋ mburma ka, say nda mazàmbàɗà à tar ɗekɗek a. Tàa da a gà ga mahàmà a Mbulum ka, ti yahawa i tar ka, say təv mendze ana ŋgwal ŋa ya, aà mendze dər aka miɗ mburma, dite ka, mburma ta fə̀r aà tar lele. Tàa ndze a təv mazəma ɗaf a liwiŋ mburma tekeɗe, say ti yehe a ka, təv mendze ana ŋgwal ŋa ya asa mbaŋa.

Luka 6:24

Ama a kurum gà ɓəzla limana ka, waya ba kurum a. Aɗaba kàa mbər meŋgeslwim aka ndəv.

Luka 6:42

Meme na ki sle aà megweɗe a a damər yak ka: dzekwiŋ a, na tsaatsa i yak ŋa ana iɗəm ka, diŋgwizl a? A kər mala mimbèhè are ata, lah mazlàra diŋgwizl aaha i are yak ŋa ya dzekwiŋ, dite ndzihndzih ki ŋget a vatwa lele, ìndits ki zlere a pərats a kwizikw ŋa ata i are damər yak a kuɗa.»

Yuhana 13:29

Aɗaba ana Yudas ŋgat ka, mala makàslà siŋgwe ya, na gà asiŋ ŋa i liwiŋ tar tə dzala, ta gwa: «A ge a ka, Yesuw a gwaɗar: « Gà mìsle ŋgiɗ ta gwa: «A ge a ka, a gwaɗar: «

Yuhana 5:41

Iye ka, i yehe a mezlibe mburma ana tì zlibe a à iye ya tsa.

Yuhana 5:44

A sàs a kurum ka, mazàmbaɗàyà à ba kurum ɗekɗek pəra. Ama a sàs a kurum mayaha mezlibe ana a dara i təv Mbulum ana ŋgat ilik a tsa. Na kataya ana, dite meme na ki slwim a aà magəsa iye ɗar ɓav a?

Yuhana 7:18

Wur ana a tsik a bazlam ana a dara i madzala gà gər ŋgar a ka, a yehe a ka, meɗè zləm, dite gà mburma tə̀ zlə̀b à ŋgat. Ama wur ana a waya ka, mburma tə̀ zlə̀b à wele ana a slərra ŋgat a ka, ŋgat ka, mala ndzer, bakal i təv ŋgar tsidze.

Gà Ɓəzla Meslire 10:2

Ama wele ata ka, a ge magəɗa a Mbulum. Tar nda gà mburma ana i ga i ma ŋgar a tserdze, tə dzar gurmits a bəɗ lele. A zlàkawa gà Yahuda ana gà matawak ŋa ya hinne, a hamawa a Mbulum kəla pat mbaŋa.

Gà Ɓəzla Meslire 10:31

A gweɗiŋ:

Gà Ɓəzla Meslire 10:4

Ama Kwarney a fə̀r aà gawla Mbulum ata nda gà magəɗa, a gwaɗar: «Kà dara ana, labara là, Batsah ga ŋa?» Gawla Mbulum ata a gwaɗar: «Mbulum aka gəs meheme yak ana kà hamawa a, dite nda mezleke ana kà zlàkawa mburma ya asa. Ama ka, kàa mətsar gər tsa.

Gà Ɓəzla Meslire 11:29

Gà ɓəzla mazazama Yesuw ana i fataya, tə tsaraka kataya tsara ka, tə dza akaba bazlam ika magər tar, ta gwa: «Ku weke a sle aà meslireha a duwa a gà ɓəzla mazazama Yesuw ana ti ne gà damər kwa i Yuda ya, kamala ana a sle a ya.»

Gà Ɓəzla Meslire 24:17

Yàa ndza i slele mive diŋ, Yàa da a Yeruzalem tsa. Ama kinehe ka, i mbəɗ gər a fata. I daha à siŋgwe a gà mburma gà ana i fataya, dite i waya məvəla dukw taf ŋana a Mbulum asa mbaŋa.

Gà Ɓəzla Meslire 9:36

Məkəs duwa a riŋ, mala mazazama Yesuw i Yafa, zləm ŋgar Tabita. Tə zalar ndaka ahəm girek ka, «Dwarkas», kər megweɗe ya ka, «miyak. » A ndzawa i ŋgar ka, aà mege ŋgwal ŋa a mburma, dite aà mazlàkà gà matawak gà mburma ɗekɗek kəla pat.

RUMA 12:8

Dite bəla na aka vəlak ndzəɗa aà mimè a taraha à arəv ka, mà a tar dərraha asa. Na bəla mìsle ŋgiɗ aka ŋgat ndzəɗa aà məvəla duwa a gà na duwa a sle aà ter a ya ka, mə vəl a tar gər sah nda gəzləŋ ilik. Na bəla biy ŋgiɗ, aka ŋgat ndzəɗa aà mene batsah ŋa ika gər tar ka, mà gəs aaba tar lele. Kige tsa bəla biy ŋgiɗ asa aka ŋgat ndzəɗa aà mege a tar ŋgwal ŋa ka, ma ge nda maŋgayaba lele mbaŋa.

1 Kurintiya 13:3

Ku mege wura ma dzaya aba gà limana ŋgar a fit a gà ɓəzla matawak a, kige tsa mə vəl ba ŋgar aɗaba bazlam Mbulum, ta wànà iɗəm ŋgat a tekeɗe, na a waya gà asiŋ gà mburma ŋgiɗ tsəka, taŋa ka, a ger a ŋgulum tsidze.

GALATIYA 2:10

Ta wiz aà mər duwa ilik pəra. Ta gwaɗa a mər ka: «Zlakum gà ɓəzla matawak ana ika magər gà mburma Mbulum i Yeruzalem a.» Taŋa ka, dukw ana i vəl ba gà aà mege megemir ŋa ya mbaŋa.

EFESIYA 4:28

Wur ana a gewe a akəl a ka, mi miyak dər, ma ta ge asa tsa. Ma gewa megemir nda ndzəɗa ŋgar, dite ma ŋgat dukw maya ba ŋgar lele, mə vəlawa a gà ɓəzla matawak mbaŋa.

1 TESALUNIKE 2:6

Mìi yehe a ka, mezlibe ana gà mburma tì zlibe à mər a tsidze, ku mege i təv kurum, ku mege i təv gà mìsle ŋgiɗ tekeɗe ya.

1 TIMUTE 6:18

Gwaɗa a tar ka, say ta gewa ka, dukw ana ŋgwal ŋa ya, tə̀ zlak mburma lele, ta vəl ahər fə̀làh fə̀làh. Ta ge gà ɓəzla hə̀za tsa.

FILIMUN 1:7

Damər ga, Yàa ŋgaya ba hinne, arəv aka mìŋaha mbaŋa, agəra meweye yak ana kà waya gà mburma Mbulum, kà mà a taraha à arəv, a ŋgaya a tar ba i gəzləŋ tserdze ya.

IBƏRANIKWA 13:16

Mege dukw ana ŋgwal ŋa ya ka, ma ta məts a kurum gər tsa, zlakum ba lele. Aɗaba taŋa na a ne dukw masakəŋa ana a tsahən aà Mbulum a.

1 PIYER 4:11

Na wura aka ŋgat ndzəɗa aà metsìkè bazlam ka, ma tsik kamala na Mbulum a tsiker a ika arah a, tsəka, ma zle ahər biy ŋgar pam tsa. Wele ana à zlèk a mburma ya ibam, à zlèk a ka, nda ndzəɗa ana Mbulum a vəlar a mbaŋa. I huɗ gà dukw ana ki gwim a tserdze ya ka, mezembeɗe ma ge ka, biy Mbulum, aɗaba ana kə̀ gəsum Yesuw Kiristi ya. Ŋgat ka, aka ŋgat ndzəɗa ika gər gà duwa ya tserdze aà biybiy, nda gà vatwa mezlibe ana gà mburma tì zlibe à ŋgat a. *Amin.