Mata 6:13 - Bible Zulgo

¹³ Kasla mər lele ika vatwa yak a, aɗaba Əbay sitene ma dzik a mər, ma ta bana mər a bakal tsa.> {Aɗaba kər ka, Əbay, mala ndzəɗa ana a kwere a gà duwa, mburma tì zlibe à kər a tserdze aà biybiy a. *Amin.»}

Mata 6:13 ပူးပေါင်းရင်းမြစ်များ

Mata 26:41

I dəba ŋa ya, a gwaɗa a tar asa: «Ndzum nda metsehe, kà hamum a Mbulum, dite ka tə də̀ɗum aka məbàzà za Əbay sitene tsa. Ama kurum ka, kàa wayum lele, ba kurum na a sle a aà magəsa ŋa tsiye pəra.»

Mata 28:20

Dite ka dzeŋgwim a tar, ta gəs bazlam ana i tsik a kurum tserdze ya mbaŋa. Sərum dər lele, mə̀ məts a kurum gər tsa: Iye ŋa tekeɗe ka, i ndze a i təv kurum kəla pat, i zlèk a kurum haa aka təv gər ahəɗ ana à ndìv a ya.»

Mata 5:37

Say ki gweɗwim a ka, , kige tsa pəra, tsəka, aɗaba dukw ana aka za i gər a taŋa ya ka, taŋa a dara ka, i təv Əbay sitene ya.»

Mata 6:10

Mekwere yak ana ki kwere a ya ka, ma ge ba i təv mər mbaŋa. Dukw ana kà waya ya, ma ge ba ka, i mbulum ɗekɗek tsa. Ma ge ɗa ba ika magər mər ika gər ahəɗ mbaŋa asa.

Yuhana 17:15

I heme a ka, dite kà ndzək tar ika gər ahəɗ a ɓav tsa, ama kasla tar i təv wele ana ŋgwal ŋa tsiye.

1 Kurintiya 10:13

Dukw ana Əbay sitene a dzik a dər à kurum a ka, a riŋ a dzik a à mburma tserdze dukw ŋgar. Ama Mbulum ana ŋgat mala ndzer a ka, à zlèk a kurum kamala ana a tsik a. Na bəla Əbay sitene a sasar a dzik a à kurum nda dukw ana a za ndzəɗa kurum a ka, Mbulum a viler a vatwa tsidze. Seyiŋ tsa, medzike ana ti dzik a à kurum, a le aà kurum a ya ka, Mbulum a vile a kurum a ndzəɗa, dite na ki mirwim a aba ya. A zlèk a kurum, na dite ka, Əbay sitene a bene a kurum asa tsiye.

1 Kurintiya 14:16

Ama na bəla ki ge a kəkaaha a Mbulum ndaka ahəm ana kər kàa sər tsa, dite ka, gà mburma ata ti tsereke a ya tsəna, ta gweɗe aaka a «*Amin» dze ana, meme? Aɗaba tar ka, tàa tsaraka dukw ana kà tsik a tsa,

2 Kurintiya 1:20

Ŋgat a ɗif a kwa à dukw ana a sàs a Mbulum a ta vile a kwe a nda ndzer a kaɗəŋ. Aɗaba taŋa, ki slekwe aà megweɗe aaka a «*amin» nda zləm ŋgar, aà mazàmbàɗà dər à Mbulum.

GALATIYA 1:4

Yesuw Kiristi a mət ka, aɗaba kwa, na dite Mbulum a pəl a kwa dər à bakal gər ahəɗ aaha ŋgwala tsiye, dite mà fàr aka kwa ndzəɗa asa tsa. A ge dər kataya ka, kamala ana Mbulum Tsir kwa a waya ya.

1 TESALUNIKE 1:10

Kinehe ka, kurum ihər ki vevwim a Kəla ŋgar ana à mère a i gər ŋa i mbulum a ya. Kəla ata ka, Yesuw, wele ana Mbulum a mbəlara à ŋgat i məməta ya ya. Ŋgat na a ta beye a à kwa i matsəɓatsəɓ Mbulum ana mandza ŋa ika gər gà ɓəzla bakal a. A ta ge a ka, a pat seriye ŋgar ana aka ndze aɗəm a.

2 TESALUNIKE 3:3

Ama BATSAH kwa ŋa a ge a kurum a dukw ana a tsik i sida ya hiywe. Ŋgat ka, a vile a kurum a ndzəɗa a gəzləŋ kurum ɓəŋɓəŋ lele. A kesle a kurum i təv Əbay sitene ya asa mbaŋa, na dite à mbè aà kurum a asa tsiye.

1 TIMUTE 1:17

Ku weke mà zàmbaɗa à Əbay Mbulum ana mekwere ŋgar a ndze a aà biybiy a. Ŋgat na nda gà mesife ana à ndìv a tsiye. Ŋgat ilik na Mbulum Batsah ŋa, mburma a sle aà meŋgeter a tsiye. Mezembeɗe ma ge ka, biy ŋgar ilik. *Amin.

IBƏRANIKWA 11:36

Gà asiŋ gà mburma Mbulum ŋgiɗ tàa sèwèr are hinne, na i təv ana tə sawla aà tar, ta gazla tar lehhè lehhè ya. Tə dzawaya tar nda tsitsirɓe, dite gədzə̀zl gədzə̀zl tə dzaya tar a daŋgay asa mbaŋa.*fz*

1 PIYER 5:8

Kaslum ba kurum, ka ndzum nda metsehe lele asa. Aɗaba Əbay sitene, mala mene are kurum a riŋ à sìweye a ika magər kurum kamala azil ana à ŋgìrìz a, a yehe a dukw mezime ya.

2 Piyer 2:9

Gà dukw ata ta geye ba akahər ata ya ka, ti ɗif a kwa dər ka, Mbulum a səraba dukw ŋgar, meme na a ta mbele a à gà mburma ŋgar i mesewere are tar ana tì sèwèr a ya. Ama a ɗif a kwe a dər asa ka, a sər dər, meme na a ta vile a mesewere are a gà na ta ge a dukw ana ŋgwal ŋa tsiye ya. A veve a dər haa a pat ana a ta ge a ter a seriye ya.

1 Yuhana 3:8

Ama wur ana aka miyak à mege bakal tsiye ka, ŋgat ka, i ahər Əbay sitene, aɗaba Əbay sitene ata a gewa ka, bakal daga aà gər ana ta ge gər ahəɗ a. Aɗaba taŋa na Yesuw Kiristi a dara aka gər ahəɗ a ka, aà medzeye à megemir Əbay sitene ata seyiŋ.

Sunwa Yuhana 1:18

Iye ka, wur ana a ndze a aà bəra nda gà mesife ya. Ama ka, Yàa mət, i dəba ŋa ya ka, Yàa mbəlara i məməta ya asa. I ndze a aà bəra nda mesife ka, aà biybiy. Iye ka, ndzəɗa ŋa ika gər məməta, nda gà ika gər təv mendze gà məməta ana tar mandza ŋa iɗəm a asa mbaŋa.

Sunwa Yuhana 19:1

I dəba ŋa ya ka, i tsarakara mifefile duwa a ɗera i mbulum a, a ɗe ka, kamala ana gà mburma hinne ta fèfil a ya. Ta gwa ka: «Zàmbaɗakwa à Mbulum. Ŋgat na a mbəl à kwa ya. Mezlibe ana tì zlibe a dər a ka, hinne. Ndzəɗa ŋgar ka, a za duwa tserdze.

Sunwa Yuhana 19:4

I dəba ŋa ya asa ka, gà bàba ŋa ata dzik səla gəra faɗ a, nda gà dukw ata faɗ nda gà mesife ya, tə dza gurmits a bəɗ aka miɗ Mbulum ana ŋgat mandza ŋa ika təv mendze Əbay ŋgar a. Tə zàmbaɗa à ŋgat, ta gwa: «Zàmbaɗakwa à Mbulum. *Amin.»

Sunwa Yuhana 2:10

Taŋa damər mesewere are kurum aaha ki sèwèrwim a kinehe ya, à sìkèh a aka gər kurum a ka, aka à mendze aɗəm. Ama kəla ka, ki gwim magəɗa tsa. Sərum dər ka, Əbay sitene a ta gese a gà mìsle ŋgiɗ ika magər kurum a, a daŋgay bise. A dzik a à kurum, ki ŋgetwim a mesewere are i huɗ mehinne kurwa ya. Bàsumaraha, na ku mege ta bets a kurum tekeɗe ya. Na kàa mərum aba kamala taŋa ya ka, i ti dzèye a kurum a gà dukw mayaba kurum, kamala megweɗe ya ka, mesife ana à ndìv a tsa aà biybiy a.

Sunwa Yuhana 21:4

A ta bere a aà tar tuwa à are tar a tserdze. Ti ta mete a asa tsa, dite gà dukw ana à tsìɓ a ter a ya ka, a riŋ asa tsa mbaŋa. Ti tiwe a asa tsa, dite duwa ilik a ta wir aà ter a asa tsidze. Gà dukw ana gà miviye ŋa ya tserdze ka, ti ta ge a riŋ asa tsa.»

Sunwa Yuhana 3:10

Kurum ka, kàa gəsum aà iye ahəm, kàa mərum aba i təv gà mesewere are ya, kamala ana i tsik a kurum a. Aɗaba taŋa, i kesle a kurum a pat gà mesewere are ana ti ti dere a ika miɗ mba ya. Ama ti dere a ka, aka gər gà mburma ana ika gər ahəɗ a tserdze, aà medzìkè à tar.

Sunwa Yuhana 3:14

Wele ata a gweɗiŋ asa mbaŋa: «Wetseha bazlam aaha a gawla Mbulum ana i Lawdikiya, a kesle a gà mburma Mbulum a. Ki wetse a ka, bazlam aaha: Na a tsik bazlam ŋa ka, wele ana tə zalar *Amin a, ŋgat ka, mala sida Mbulum ana ndzer, à ses a pàrsa tsidze ya. Dukw ana Mbulum a ge tserdze ya, a dara ka, i təv ŋgar a mbaŋa.

Sunwa Yuhana 5:13

I dəba ŋa ya asa ka, i tsarakara gà dukw ana Mbulum a geye tar tserdze ya: Gà na i gər ŋa i Mbulum a, nda gà na ika gər ahəɗ a, dite nda gà na tar i biye, nda gà i huɗ yam a. Tar ata tserdze ya, tar riŋ tì lèh a dimis. I huɗ malàhà dimis tar ata tə lah a ka, ta gwa: «Zàmbaɗakwa à gà wele ana ŋgat mandza ŋa ika təv mendze Əbay a, nda wele ana ŋgat kamala Kəla Təmaŋ a. Zlə̀bakwa à tar. Aɗaba ndzəɗa tserdze a dara ka, i təv tar a. Ki gekwe a tar kəkaaha aà biybiy.»