Mata 6:10 - Bible Zulgo

¹⁰ Mekwere yak ana ki kwere a ya ka, ma ge ba i təv mər mbaŋa. Dukw ana kà waya ya, ma ge ba ka, i mbulum ɗekɗek tsa. Ma ge ɗa ba ika magər mər ika gər ahəɗ mbaŋa asa.

Mata 6:10 ပူးပေါင်းရင်းမြစ်များ

Mata 12:50

Aɗaba wur ana a ge a dukw ana a sàs a Mbulum Tsir gà ana i gər ŋa ya ka, ŋgat na a ne damər gà nda mama gà ya.»

Mata 16:28

Iye ihər i gweɗe a kurum a nda ndzer: Gà mìsle ŋgiɗ ɗa ika magər kurum aaha kinehe ya ka, ta mete a zukw tsa, say ta ŋgetiŋ a, a iye, wur ana i dara i təv Mbulum a, i mère a ka, kamala Əbay a dzekwiŋ.»

Mata 26:42

Aləka a tsik a tar aba ya kataya ka, a mbəɗ gər a zlawak asa. A daha, a hama kamala ana a lah ahər piŋŋe ya. A gwaɗa a Mbulum: «Tsir gà, na mege a ge a ba ka, zla aà iye mesewere are aaha ya, mi miyak à iye te. Ama ŋgulum ka, i sèwèr a are pəra kamala ana a sàsak a, tsəka, ma ti ne kamala ana iye i waya ya tsa.»

Mata 3:2

A gwaɗawa a tar ka: «Mbəɗum à madzala gà gər kurum a təv Mbulum, aɗaba mekwere ŋgar aka à mendzera.»

Mata 4:17

Daga akahər ata tsara na Yesuw a dza ba aà metsìkè bazlam Mbulum a mburma ya. A gwaɗawa a tar ka: «Mbəɗum à madzala gà gər kurum a təv Mbulum, aɗaba mekwere ŋgar ana a kwere a ya ka, aka à mendzera.»

Mata 7:21

Yesuw a gwaɗa a tar asa: «Aɗaba gà na ti zeliŋ a nda bazlam ɗekɗek masakəŋa vìrìɗìɗɗe, ta gweɗe a ya ka, ti sle a aà mede a *mekwere Mbulum tsa. Say gà na ta ge a dukw ana a sàs a Mbulum Tsir gà ana i gər ŋa ya dzekwiŋ, na ti de a ya.

Markus 11:10

Mbulum mi pise ahəm aka mekwere Əbay tsir kwa Dawda ana a ta kwere a ya bise. Zlə̀bakwa à Mbulum Batsah ŋa ana i gər ŋa ya.»

Markus 3:35

Aɗaba wur ana a ge a dukw ana a sàs a Mbulum a ka, ŋgat na a ne damər gà nda gà mama gà ya.»

Luka 19:11

I dəba ŋa ya, Yesuw a fàfəl ndaka bazlam minew agəra gà mburma ana tə tsaraka bazlam ata ya. A tsik bazlam ata ka, aɗaba ana aka à mendze a Yeruzalem ka, gà mburma ata i fataya tserdze tə dzala, ta gwa: A ge a ka, *Mekwere Mbulum aka à mendzera a faha ya kuɗa.

Luka 19:38

Ta gwaɗawa: «Mipìsè ahəm ika gər Əbay ana Mbulum a slərra ŋgat a faha ya. Gà na i mbulum tserdze ya ka, tə ndza zayya nda gà matasla yam i gəzləŋ. Mezembeɗe ma ge ka, biy Mbulum Batsah ŋa ana i gər ŋa ya mbaŋa.»*fa*

Luka 22:42

I huɗ meheme ŋgar ata ya ka, a gwa: «Tsir gà, na mege kà waya ka, zla aà iye mesewere are ana i ti sèwèr a are ya te. Ama ki ge a ka, kamala ana a sàsak a, tsəka, kamala ana a sèsiŋ a tsa.»

Yuhana 4:34

Yesuw a gwaɗa a tar: «Dukw mezime gà ka, say mege dukw ana a sàs a wele ana a slərra iye ya, nda mandəva à mege megemir ana a viliŋ a ahər aà mege ya.

Yuhana 6:40

Dukw ana a sàs a Tsir gà ya ka, araha: Gà mburma ana tàa ŋgetiŋ, a iye, Kəla Mbulum, dite tàa gəs iye nda gəzləŋ tar a ka, ta ŋget a mesife ana à ndìv a tsa aà biybiy a, dite ka, i mbele a à tar i məməta ya, a pat ana gər ahəɗ à ndìv a ya.»

Yuhana 7:17

Wur ana a sasar a ge a dukw ana a tsahən aà Mbulum a ka, a sir a dər, guma gà aaha i tsik a ya ana, a dara ana, wànà i təv Mbulum a ya, tsəna, i madzala gà gər gà ya yà.

Gà Ɓəzla Meslire 13:22

A ta megeha megemir ŋgar ana a ge a ya, a tsahən aà Mbulum tsəka, Mbulum a zla iɗəm ŋgat a, a mburuɗ a tar aɗəm Dawda avukw ŋgat. A ne batsah Əbay i fata. Aləka i dəba ŋa ya, Mbulum a gwa: «*fd*

Gà Ɓəzla Meslire 21:14

I təv ana mì fə̀r ka, kwets à gis a mifefile mər ata tsiye ka, mì gəs meger kamkam asa tsa, dite mì gwaɗar: «Dukuməŋa ma ge ba, kamala ana a sàs a BATSAH kwa ŋa ya.»

Gà Ɓəzla Meslire 22:14

A gweɗiŋ:

RUMA 12:2

Ka tə zazamum mede gà mburma ana ta ge a dukw gər ahəɗ a tsa. Vəlum vatwa a Mbulum ivaɗ, ma da a gəzləŋ kurum, mə̀ mbəɗ dər, na dite ŋgiletittè ki nwim a gà awiya ŋa ya. Kamala taŋa ya na ki sirwim a dukw ana Mbulum a waya ya. Kamala megweɗe ya, ki sirwim a dər ka, dukw ana ŋgwal ŋa, a tsahən ahər, a de a ndaka vatwa ŋa kalkal a.

EFESIYA 6:6

Ka ta gwim a tar megemir ka, ika are ŋa ya, aɗaba mazlə̀bà à kurum ɗekɗek tsa. Say gwim ivaɗ ka, mege megemir ana ndzer ŋa, a da a gər a Mbulum, dite nda gəzləŋ kurum ilik asa ya, aɗaba ana kurum gà ɓele Kiristi ya.

KULUSIYA 1:13

Aɗaba Mbulum Tsir kwa ata na a beyera à kwa i ahər Əbay ana mandza ŋa i lùvùŋ a ya. A ndzəkara iɗəm kwa ya ka, a dza kwa a təv mekwere Kəla ŋgar ana mandərkwasla ŋa ya.

KULUSIYA 1:9

Aɗaba taŋa, daga a pat ana mì tsaraka taŋa ya ka, mì hamawa a Mbulum kəla pat, aɗaba kurum. Mər ihər mìi hemer a ka, dite ma ɗif a kurum à dukw ana ŋgat a waya ya parakkà, a vile a kurum a metsehe ana Mezite Mesife ŋgar a vile a kurum a ya, na dite ki sirwim a dukw ana a de a ndaka vatwa ŋgar a.

1 TESALUNIKE 4:3

Aɗaba taŋa, dukw ana Mbulum a waya ka, nwim gà tsəɗaŋŋa ika miɗ ŋgar. Kamala megweɗe ya ka, ki gwim mezelme nda təv muva tsa.

1 TESALUNIKE 5:18

Ku mege ndeɗime tekeɗe ka, gwim kəkaaha a Mbulum. Aɗaba a sasar ka, gwim kataya, na kurum gà mburma ana mandza ŋa i təv ilik ŋa nda gà Yesuw Kiristi ya.

IBƏRANIKWA 1:14

Dite gà gawla Mbulum dze ana, gà dukùla? Tar ka, gà ɓəzla megemir Mbulum ɗekɗek pəra, a slir a tar aà mazlàkà gà mburma ana a sasar ta mbala ya.

IBƏRANIKWA 10:36

Ama kə̀la ka, mərum aba lele, na dite ki gwim a dukw ana a sàs a Mbulum a ya. Na kàa gwim dər kataya ka, ki ta ŋgetwim a dukw ana a tsik i sida ya, a gwa, i ta vile a kurum a ya.

IBƏRANIKWA 10:7

Agəra taŋa na i gwaɗak ka: «*fa*

IBƏRANIKWA 13:21

I hemer a ka, dite mà zlak kurum, aà megemir ana ŋgwal ŋa tserdze, a waya ki gwimer a ya. Ŋgat ŋa nda gər ŋgar tekeɗe ka, ma ge megemir i gəzləŋ kwa nda ahər Yesuw, na dite mede kwa à tsehin ahər a ya. Mezlibe ma ge ka, biy Yesuw Kiristi aà biybiy. *Amin.

1 PIYER 2:15

Aɗaba a sàs a Mbulum ka, say ki gwim a dukw ana ŋgwal ŋa ya, na dite, bəla gà mburma ana tə̀ sər duwa tsa, ti niw Mbulum a ka, ma handaka a tar aka bazlam.

1 PIYER 4:2

Daga aà kinehe ya, na kurum mandza ŋa ɗa ika gər ahəɗ tə̀ma ka, ndzum ka, kamala ana a sàs a Mbulum a, tsəka, meèweke ana i ba kurum a, ma ta kwara kurum asa tsa.

Sunwa Yuhana 11:15

I dəba ŋa ya ka, gawla Mbulum matəsəla ŋana a vizl a mezleliŋ ŋgar. A vizl aɗəm ka, i tsarakara gà mifefile duwa ndzəɗa ŋa, a ɗeyera i mbulum a parakkà lele. I huɗ mifefile ata ya ka, ta gwa: «Gà Mbulum batsah kwa ŋa nda mala məmbə̀là à mburma ŋgar ana a zla ŋgat kamala Əbay a, na tar ihər ta kwere a gər ahəɗ a kuɗa. Mekwere tar ata a ndze a ka, aà biybiy.»

Sunwa Yuhana 12:10

I dəba ŋa ya, i tsarakara mifefile duwa i gəza mbulum a, a fàfəl ŋgəlakəkka. I huɗ mifefile ŋgar ata ya ka, a gwa: «Kinehe ka, Mbulum aka mbala à kwa fit kweleŋ. A pàt ka, à ndzəɗa ŋgar ana a za duwa tserdze ya. Ŋgat na mala makwàrà mburma ya. Kinehe ka, *Kiristi, wele ana Mbulum a gwa, i ti slir a kurumehe a ya ka, aka pàt à ndzəɗa ŋgar kuɗa. Aɗaba tàa yàra iɗəm wele ana a gewa seriye aà gà damər kwa ya. A gewa aà tar seriye ka, ika miɗ Mbulum, ku mege ndaàpat, ku mege ndaàvəɗ tekeɗe ya.

Sunwa Yuhana 19:6

Aləka ka, i tsarakara mifefile ŋgiɗ duwa ya, a ɗera asa ka, kamala ana gà mburma hinne ta fèfil a ya. A ɗera asa ka, kamala maazaw ana a dze a a bəɗ dzuruvva ika madzundzuruv a ya. Dite a ɗera asa ka, ŋgùzlar kamala malaka mbulum ana a lak nda ndzəɗa ya. Dukw ana i tsaraka ya ka, ta gwa: «Zàmbaɗakwa à Mbulum BATSAH kwa ŋa, aɗaba ndzəɗa fit dze ka, i ahər ŋgar. Ŋgat na a kwere a duwa tserdze ya.

Sunwa Yuhana 20:4

I dəba ŋa ya asa ka, i ŋgataha a gà təv mendze gà Əbay. Gà mburma a riŋ mandza ŋa ikəka. Mbulum a vəl a tar ndzəɗa aà mege seriye a gà mburma ŋgiɗ. Dite ka, i ŋgataha a gà mezite gà mburma ana tə sasaya ika tar gər a ya mbaŋa. Tə sasaya ika tar a ka, aɗaba ana ti tsikewa parakkà, Yesuw ka, BATSAH kwa ŋa, dite agəra ana ti ɗifewa à bazlam Mbulum a mburma ya asa mbaŋa. Aɗaba tar ka, tàa dza gurmits a bəɗ a dukw dala ata, kige tsa, a mendzikiɗe ba ŋgar ŋa tsidze. Dite tàa gəs lambà ŋgar aà mege aka yemere tar, ku mege aà ahər tar ɓav tsidze. I ŋgat a tar ka, tar riŋ nda mesife. Tar nda gà Yesuw ka, gà Əbay, ta kwere a mive dəbuw.