Mata 6:1 - Bible Zulgo

¹ I dəba ŋa ya, Yesuw a gwaɗa a tar asa: «Na a sàs a kurum mege ŋgwal ŋa a mburma ka, gwim iɗəm metsehe ya lele. Aɗaba gà mìsle ŋgiɗ a riŋ, ta ge a dukw ana ŋgwal ŋa ya ka, ŋgakŋgakəkka ika miɗ mburma pəra, dite ka, tə̀ zlə̀b à tar ɗekɗek. Na ki gwim a kataya ka, ki ta ŋgetwim a dukw maya ba kurum i təv Mbulum Tsir kurum ana i gər ŋa ya asa tsa.

Mata 6:1 ပူးပေါင်းရင်းမြစ်များ

Mata 16:27

Taŋa iye, *wur ana a dara i təv Mbulum a, i mère a ka, nda ndzəɗa Tsir gà ana ti zlibe a dər a ndzer, dite nda gà gawla ŋgar a. Na Yàa dara ka, ku weke a ŋget a dukw mayaba ŋgar kalkal kamala megemir ŋgar ana a ge ya mbaŋa.

Mata 16:6

Yesuw a gwaɗa a tar: «Gwim metsehe lele, agəra giɗe gà Farisa nda biy gà Saduki ana a kwasawa à duwa ya.»

Mata 23:13

«A kurum gà ɓəzla medzeŋge məpala ahəm Mbulum aaha nda gà *Farisa ya, kurum ka, gà ɓəzla mimbèhè are. Ama ka, tuwum ba kurum, aɗaba ana kà handakum a vatwa a gà mburma ana ta waya ti de a a *mekwere Mbulum a. Aɗaba kurum kà gəsum mada a fata tsa, dite wur ana a waya mada a fataya ka, gədzə̀zlzla kurum i vatwa, ki vilwimer a vatwa aà mada aɗəm tsa.

Mata 23:5

Aɗaba megemir tar ana ta ge a ya ka, ika miɗ mburma, dite gà mburma ta fə̀r aà tar, ta gwa ka, tar ka, gà ŋgwal ŋa. Kamala taŋa ya, i təv ana ta heme a a Mbulum a ka, ti ndìwìɗewa gà petek ana slàrra ya a gər, kige tsa aà ahər. Tì dèneye a màdaŋgwàla duwa aka gùva petek tar zigwindindiɓɓe, ti ndze a dər kuɗa ka, ŋgakŋgakəkka asa mbaŋa.

Mata 25:40

I dəba ŋa ya ka, iye Əbay, i gweɗe a ter aakiŋa:

Mata 5:16

Aɗaba taŋa, mede kurum ana ŋgwal ŋa ya, mə̀ pàt aba ika miɗ mburma tserdze, kamala dzaydzay ata ya, dite ta fə̀r aà megemir kurum ana ki gwim a a Mbulum ŋgwal ŋa lele ya ka, tar ibam, tə̀ zàmbaɗa à Mbulum Tsir kurum ana i gər ŋa ya mbaŋa te.»

Mata 5:46

Na bəla ki weywim a ka, gà mburma ana ta waya kurum a ɗekɗek ana, aàmala na ki dzelwim a ka, Mbulum a ta vile a mər a dukw maya ba mər asa ya? Ku mege gà na wura a ndze a tar are tsehe tsiye tekeɗe, ta waya ba kataya mbaŋa.

Mata 5:48

Ama nwim ka, gà ɓəzla mege dukw ana ŋgwal ŋa lele ya, kamala Mbulum Tsir kurum ana i gər ŋa, a wele a ikaba mburma ya tsiye.»

Mata 6:16

I dəba ŋa ya, a gwaɗa a tar asa: «Na ki gwim a ndəra ka, ka ta gwim kamala gà ɓəzla mimbèhè are ana ta mbehe a are a Mbulum a tsa. Aɗaba tar ta gewa ndəra ka, ɓìrìzl ɓìrìzl ta mbìɗ a à are tar kamala ana tar ka, gà məməta ŋa ya, dite gà mburma ta fə̀r aà tar, ta gwa aà tar ka, gà ɓəzla mege ndəra nda ndzer kaɗəŋ. Iye ihər i gweɗe a kurum a nda ndzer: Tar ka, tàa ŋgat dukw mayaba tar aka ndəv.

Mata 6:9

Na ki dzwìm a ba aà mahàmà a Mbulum ka, araha na dukw ana ki gweɗwim a ya:

Markus 8:15

Aləka i dəba ŋa ya, Yesuw a be a tar à ɗaf. A gwaɗa a tar: «Gwim metsehe agəra giɗe gà Farisa nda biy Hiridus ana a kwasawa à duwa ya, lele.»

Luka 11:35

Aɗaba taŋa, ge metsehe lele, dite ka, dukw ana i təv yak, a ɗek a à vatwa dzaydzay a, ma ti ne luvuŋ tsa.

Luka 12:1

Zàkwayiya ka, gà mburma hinne ti yahaba gər a fata, a ɗeme a ba tsa. Ta ɓelebe a aka sik. Yesuw a lah mifefile a gà ɓəzla mazazama ŋgat dzekwiŋ. A gwaɗa a tar: «Kaslum ba kurum i təv giɗe gà *Farisa ana a kwasawa à duwa ya, kərga megweɗe ya ka, i təv mimbèhè are tar a.

Luka 12:15

I dəba ŋa ya, Yesuw a gwaɗa a mburma tserdze: «Gwim metsehe nda təv məburnun mawàyà limana ana hinne ya. Aɗaba mesife mburma ana ndzer a ka, a ndze a ka, nda gà dukw ŋgar tsa, na mege ku ŋgat a riŋ nda gà limana hinne tekeɗe ya.»

Luka 16:15

Ama Yesuw a gwaɗa a tar aaka: «Kurum ka, gà mburma ana ta ge a duwa ka, ika are mburma ya ɗekɗek a. Ama Mbulum ka, a sər gà gəzləŋ kurum. Aɗaba dukw ana gà mburma ta fir ahər a ŋgwal ŋa lele ndzer a ka, i təv Mbulum ka, ŋgwal ŋa tsa ndeyndey.

Yuhana 12:43

A sàs a tar ka, tə da a gər a mburma, mà za biy Mbulum.

Yuhana 5:44

A sàs a kurum ka, mazàmbaɗàyà à ba kurum ɗekɗek pəra. Ama a sàs a kurum mayaha mezlibe ana a dara i təv Mbulum ana ŋgat ilik a tsa. Na kataya ana, dite meme na ki slwim a aà magəsa iye ɗar ɓav a?

Gà Ɓəzla Meslire 3:12

Piyer a ŋgat a gà mburma ata ka, a gwaɗa a tar: «Kurum gà mburma Isərayel, aàmala na mimbile wele aaha ana a mbəl a ka, a ge a aà kurum kamala sunwa ya? Aàmala na kà fə̀rum aà mər kamala na mì lə̀mbaɗa à sik wele aaha ka, nda ndzəɗa mər a, kige tsa agəra ana mìi ndze a tsəɗaŋŋa ika miɗ Mbulum a ya.

GALATIYA 6:12

Na a gwaɗa a kurum, say ki seswim a ba kurum a ka, gà na ta waya, dite tə da a gər a gà mburma tserdze ya. Ta ge a dər kataya ka, na dite gà Yahuda ti sèwèr a ter a are asa tsiye. Aɗaba na bəla ti ndiɗik a gər aà metsìkè bazlam məməta *Kiristi ana a sèwèr are, a mət aà dizl magə̀làwà ŋa ya ka, ana ka, ta miyek a à tar tsa.

IBƏRANIKWA 11:26

Aɗaba a sər, a gwa: Ŋgulum i sèwèr a are agəra *Kiristi ana Mbulum a ti slirre a ŋgat aka gər ahəɗ mba ya, na ndəna i ŋget a gà limana hinne ika ahəɗ Ezipt i faha ya. Aɗaba a tike a are ka, a dukw mayaba ŋgar ana Mbulum a ta viler a mba ya.

IBƏRANIKWA 2:1

Aɗaba taŋa, say gekwa metsehe a bazlam ata kà tsarakukwa ya lele, na dite ka, ka dzeyekwa ika vatwa ŋgwal ŋana ya tsiye.

IBƏRANIKWA 6:10

Mbulum ka, mala ndzer ŋa. Mege megemir ana ki gwim a ya ka, à mìtser a gər tsa. Kamala taŋa ya, a sər ka, kàa zlakum gà asiŋ gà mburma ŋgar, dite kurum riŋ ki zlèkwim a tar hiywe, haa kinehe. Aɗaba taŋa na a sər ba ka, kà wayum Mbulum a.

2 Yuhana 1:8

Aɗaba taŋa kinehe ka, gwim metsehe, megemir kurum ana kì geywim tserdze ya ka, ma ti ne taf masakəŋa tsa. Ama ka, ɗum, ki ŋgetwim a dukw mayaba kurum ata Mbulum a gwa, i vile a kurum a ya fit dze ivaɗ.