Mata 5:9 - Bible Zulgo

⁹ Maŋgayaba i təv gà na lìfèɗìɗe ti sir a ba à mburma ya, aɗaba tar ka, ti ti ne a gà ɓəza Mbulum.

Mata 5:9 ပူးပေါင်းရင်းမြစ်များ

Mata 5:45

dite ka, nwim gà ɓəza Mbulum Tsir kurum ana i gər ŋa ya. Aɗaba Mbulum ka, a waya mburma hinne. Pat ŋgar a də̀vawa ka, aka gər gà mburma ana ta ge a dukw ana ŋgwala tsiye mbaŋa, dite aka gər gà mburma ana gà ŋgwal ŋa ya tserdze. A dzawa yam tekeɗe, kamala taŋa ya mbaŋa, tsəka, a wele a ikaba mburma ya tsa.

Mata 5:48

Ama nwim ka, gà ɓəzla mege dukw ana ŋgwal ŋa lele ya, kamala Mbulum Tsir kurum ana i gər ŋa, a wele a ikaba mburma ya tsiye.»

Luka 20:36

Aɗaba tar ka, ta mete a asa tsa. Ti ndze a ka, kamala gà gawla Mbulum a. Tàa ne gà ɓəza Mbulum, aɗaba tàa mbəlara i məməta ya aka ndəv.

Luka 6:35

Ama ka, kataya ivaɗ tsa. Wayum gà ɓəzla mene are kurum. Gwim a tar ŋgwal ŋa, vəlum ahər, ka tə dzalum ka, ti ta me a mər a dər aɗəm a pèt ŋgiɗ tsəna, meme tsa. Dite i dəba ŋa ya, ki ta ŋgetwim a dukw maya ba kurum batsah ŋa, ki ti nwim a gà ɓəza Mbulum ana i gər ŋa ya. Aɗaba ŋgat tekeɗe, a gewa ŋgwal ŋa a gà ɓəzla segeme, nda gà ɓəzla swalwa mbaŋa.

Gà Ɓəzla Meslire 7:26

Ndidwe ŋa ka, Musa a le aà gà Isərayel sula, ta gìzl a ba ika magər tar. A sasar zləmana ka, tə sər aaba ahəm. A gwaɗa a tar:

RUMA 12:18

Kurum ka, mərum aba sah aà mege dukw ata ŋgwal ŋa ya, na dite ki ndzwim a barbararra ika magər kurum nda gà mburma tserdze ya, na mege a ge a ba ya.

RUMA 8:14

Aɗaba gà na Mezite Mesife Mbulum a ɗe a ter a à vatwa ya tserdze ka, tar ti ne gà ɓəza Mbulum.

RUMA 8:16

Mezite Mesife ata na a ɗif a kwe a dər i gəzləŋ kwa ka, kàa nekwa gà ɓəza Mbulum kaɗəŋ a.

RUMA 8:19

Aɗaba zləma gà dukw ana Mbulum a geye tserdze ya ka, tar riŋ ihər ta veviŋa. A sàs a tar ka, hinne na aà meŋgete a pat ana Mbulum a ta pèt a aba a gà ɓəza ŋgar ndərzayya i təv dzaydzay ŋa, na a vile a ter a mezlibe ata ya.

1 Kurintiya 6:6

Dite aàmala na ki gwim a seriye aà gà asiŋ gà mburma Mbulum ŋgiɗ ika miɗ gà na tàa gəs Yesuw Kiristi tsiye ya?

2 Kurintiya 13:11

Gà damər gà, kinehe ka, bazlam gà aka ndəv a faha. Ndzum zayzay lele. Gəsum ahəm aà dukw ana i tsik a kurum a lele, dite ka simwim aba ika vatwa Mbulum. Bazlam kurum ma ge ka, ilik pəra. Ndzum ika magər kurum ka, zayzay lele. Na ki ndzwim a kataya ka, Mbulum ana ŋgat mala mawàyà kwa ya, nda məvəla a kwa matasla yam a gəzləŋ a ka, a ndze a i təv kurum mbaŋa.

2 Kurintiya 5:20

Aɗaba taŋa, mər ka, maa ne gà ɓəzla meslire Kiristi. Ar ka, kamala ana Mbulum nda gər ŋgar a zel a a mburma nda bazlam mər a. Mìi ge a kurum a kamkam, aɗaba Kiristi: Vəlumar vatwa, ma sər ba à kurum nda Mbulum.

GALATIYA 5:22

Ama megemir Mezite Mesife Mbulum ka, pam. Ar ka, kamala dizl ɗaf ana a we a dukw ŋgwal ŋa ya. Gà dukw ata ka, mawàyà ba ana gà mburma ta weye a ba ya. Maŋgayaba, nda matasla yam ana i gəzləŋ tar a. Ta gis a gəzləŋ i təv gà dukw ŋgiɗ a pampam. Ta gis a mburma lele, ta ge a ter a ka, dukw ana ŋgwal ŋa ya. Tar ka, gà mburma ana gà ndzer ŋa ya.

EFESIYA 4:1

Kərga taŋa ya, iye ka, iye i daŋgay, aɗaba ana iye mala meslire Yesuw Kiristi BATSAH kwa ŋa ya. Iye ihər i ge kurum a kamkam: Ama mede kurum ma ge ka, kamala biy ana Mbulum a waya, a zal a kurum dər a.

FILIPIYA 4:2

A kurum gà Avudiya nda Sintike, i ge a kurum a kamkam, agəra ana kurum riŋ mandza ŋa i təv BATSAH kwa ŋa ya ka, sərum ba lele.

KULUSIYA 3:13

Sərum ba ika magər kurum lele. Na bəla wura aka ge a kurum dukw ana ŋgwal ŋa tsiye ka, ka ta mumar aɗəm à bakal ŋa tsa, pə̀lumar dər seyiŋ ivaɗ. Pə̀lum a ba à bakal kamala ana BATSAH kwa ŋa a pəl a kurum dər a mbaŋa.

IBƏRANIKWA 12:14

Yahum vatwa nda ndzəɗa kurum fit, na dite ki ndzwim a zayya lele ika magər gà mburma tserdze ya. Ki yehwim a vatwa ka, dite mendze kurum ma ge tsəɗaŋŋa ika miɗ Mbulum lele mbaŋa. Aɗaba na wura a ndze a kataya tsəka, wura ilik a ŋget a a Mbulum tsa.