Mata 5:40 - Bible Zulgo

⁴⁰ Na wura aka ge aà kər seriye, a waya a zle a aà kər gèeriy a ka, ka ta palar ahəm tsa, vəlar aaka tùmbùlum ŋana asa.

Mata 5:40 ပူးပေါင်းရင်းမြစ်များ

Mata 5:39

Ama iye ihər i gweɗe a kurum ŋa: Na wura aka ge aà kurum bakal a ka, ka ta mumar dər aɗəm tsa. Ama ku weke na aka lakək aka mahwalum aka tsèke ahər mezime ka, mbə̀ɗaraha à biy ŋgiɗ aaha, ma lakək aaka asa.

Mata 5:41

Na wura aka fàr aka kər ndzəɗa, aka gwaɗak, ŋgizliŋeha à dukw gà naha mibe ŋa zaakwa te ka, ka ti niw ahər tsa, ŋgəzlar dərraha, ma za i gər a biy ŋgar ata ya.

Luka 6:29

Na wura aka lakak aka mahwalum ka, waɗàl mbə̀ɗaraha à biy ŋgiɗ, ma lakək aaka asa. Na wura aka kə̀zala aà kər tùmbùlum ana ika ba yak a ka, ka ta palar ahəm tsa, vəlar aaka gèeriy ŋa ana i huɗ ŋa ya mbaŋa.

1 Kurintiya 6:7

Kaɗəŋ, mege bazlam ana a riŋ ika magər kurum ki gwim a ya, na a sər ba ka, kurum riŋ ihər ki gwim a bakal a. Na bəla wura aka ge a kurum dukw ana ŋgwala tsiye, bəla a zla aà kurum duwa nda akəl a ka, ŋgulum ki giswim a gəzləŋ pəra, tsəka, ki dwim a aba a seriye aka miɗ mburma ka, ŋgwala tsa.

1 Kurintiya 7:36

I fèfil a kinehe agəra gawla ana makasl ŋgar a riŋ a mbaŋa. Na bəla wele ata a dzele a, a gweɗe a: I miyek a à ŋgat. Tsaatsa, a tsik kataya ka, arəv tar ikaba, a waya mandàɗà hwarwa aka dəm aaha à gər ŋgar tsa, dite meèweke ba tar tekeɗe, ar ikaba ka, ŋgulum ma zla ŋgat kaɗəŋ, kamala ana a waya ŋgat ndeɗiŋa ya, bakal iɗəm tsa.