Mata 5:37 - Bible Zulgo

³⁷ Say ki gweɗwim a ka, , kige tsa pəra, tsəka, aɗaba dukw ana aka za i gər a taŋa ya ka, taŋa a dara ka, i təv Əbay sitene ya.»

Mata 5:37 ပူးပေါင်းရင်းမြစ်များ

Mata 13:19

Ama gà mìsle ŋgiɗ ka, tə tsaraka bazlam Əbay Mbulum ana a ta kwere a ya. Tàa dzar zləm, ama tàa tsaraka tsa. Əbay sitene a dehe a, ndzìkeɗ ndzìkeɗ a ndzehe a bazlam ata tə dzar zləm a. Tar ti ndzikiɗ ba ka, wur daw ata a dza aka vatwa ya.

Mata 13:38

Na a ne gùvàh ka, gər ahəɗ. Dite na a ne hwife daw ata ka, gà mburma ana ta gəs bazlam Mbulum, ti de a a mekwere ŋgar a. Tìzèmiŋ ka, gà na ta gəs bazlam sitene ya.

Mata 15:19

Aɗaba na a dere a i gəzləŋ mburma ya ka, madzala gà gər ana ti dzele a ŋgwala tsiye. Taŋa na a peze a za a mburma aà makə̀ɗà mburma, nda mege muva, dite nda mege mezelme nda təv dukw ana biy metsike tsiye, nda gà mege akəl, nda masàsà pàrsa aà mburma nda metsìkè dukw ana ìrih ìrih ìrih ŋgwala tsa aà mburma ya.

Mata 5:36

Ka ta mbaɗum, kù gwaɗum tsidze. Aɗaba ki slwim a aà maslə̀là ambəz ana i gər kurum a nda ahər kurum ŋa ilik tsa, ku mege herrè ŋa, kige tsa lìviŋ lìviŋ a tekeɗe ibam a.

Mata 6:13

Kasla mər lele ika vatwa yak a, aɗaba Əbay sitene ma dzik a mər, ma ta bana mər a bakal tsa.> {Aɗaba kər ka, Əbay, mala ndzəɗa ana a kwere a gà duwa, mburma tì zlibe à kər a tserdze aà biybiy a. *Amin.»}

Yuhana 17:15

I heme a ka, dite kà ndzək tar ika gər ahəɗ a ɓav tsa, ama kasla tar i təv wele ana ŋgwal ŋa tsiye.

Yuhana 8:44

Tsir kurum ka, Əbay sitene. Ki gwim a tekeɗe ka, dukw ana a sasar a. Ŋgat mala makə̀ɗà mburma daga piŋŋe. Aka tsik dukw ana ndzer a ilik tsidze, aɗaba ana ndzer ŋgar a riŋ tsiye. I təv pàrsa ŋgar ata a sasa ya ka, hiywe a mətsawa i ŋgar ka, aà taŋa pəra, aɗaba ana ŋgat mala pàrsa, dite ŋgat tsir gà pàrsa ya asa.

EFESIYA 4:25

Aɗaba taŋa, kà sàsum pàrsa asa tsa, ku mege weke ma tsik ndzer ŋgar a mburma.*fb* Aɗaba kwa ka, ilik na i təv Yesuw Kiristi ya.

EFESIYA 6:16

Gəsum Mbulum nda gəzləŋ kurum kəla pat kamala slakwa ana i ahər ika miɗ gùvəl a, dite gà simir Əbay sitene ti ndze a kurum a asa tsa. Ku mege akwa ihər tekeɗe ka, slakwa ata a mbete a dər ivaɗ.

KULUSIYA 3:9

Ka tə sasayum aaba pàrsa tsa, aɗaba kà sərum ka, kàa miyakum aba à mendze kurum ana akahər ata ya, nda gà dukw ana kà gewim tserdze ya. Aɗaba kwìtsìɓ kàa yum ikaba dukw ana miviya ŋa, kamala miviya petek a.

KULUSIYA 4:6

Bazlam kurum ana ki tsikwim a ter a ya, ma ge ka, himmè lìfèɗìɗe lele, dite ka sərum dər mbaŋa ka, meme na ki fèfilwim a ter aaka a lele, a gà na ta wiz aà kurum a bazlam a ya.

2 TESALUNIKE 3:3

Ama BATSAH kwa ŋa a ge a kurum a dukw ana a tsik i sida ya hiywe. Ŋgat ka, a vile a kurum a ndzəɗa a gəzləŋ kurum ɓəŋɓəŋ lele. A kesle a kurum i təv Əbay sitene ya asa mbaŋa, na dite à mbè aà kurum a asa tsiye.

YAKUBA 5:12

Gà damər gà, bazlam ana batsah ŋa ka, araha: I təv ana bəla ki tsikwim a duwa i sida ya ka, ka ta mbaɗum tsidze. Ka ta mbaɗum nda zləm Mbulum tsa asa. Ku mege nda zləm gər ahəɗ, kige tsa nda zləm gà duwa ŋgiɗ pampam tekeɗe, ka ta mbaɗum dər tsa. Na bəla bazlam ana kàa gwaɗum aaka «haya» ka, ki gweɗwim a «haya» pəra. Kige tsa kàa gwaɗum «awaŋ» ka, ma ndisl aka taŋa pəra. Ma tə za i gər a taŋa ya tsa, tsəka, ki bwim a i seriye Mbulum ana a ge a ya tsa.

1 Yuhana 2:13

A kurum gà bàba gà mburma ana ki gwim a megemir Mbulum a, i wetse a kurumaha dukw aaha ka, aɗaba kàa sərum wele ana ŋgat a riŋ daga piŋŋe aka ana tàa ge gər ahəɗ zukw tsiye ya. A kurum gà gawla ŋana, i wetse a kurumaha mbaŋa ka, aɗaba ana kàa pazum aba Əbay sitene a bəɗ a.

1 Yuhana 3:12

Ka ti nekwa kamala Kayinu ana akahər ata ya tsa. Ŋgat ka, Əbay sitene na a vəlar ndzəɗa, dite na a kəɗ dər damər ŋgar ana məmər tar ilik a. Aàmala na a kəɗ ŋgat a? A kəɗ ŋgat ka, a samata megemir damər ŋgar ata a gewa ya ka, ŋgwal ŋa lele. Ama biy ŋgar ka, ŋgwala tsa.

1 Yuhana 5:18

Kà sərakwa dər, gà na ti ne gà ɓəza Mbulum a ka, ku mege weke, a gewe a bakal asa tsa, aɗaba Kəla Mbulum a riŋ a kesle a ŋgat. Kamala taŋa ya, Əbay sitene a sle aà melime aà ŋget a asa tsa.