Mata 5:3 - Bible Zulgo

³ A gwaɗa a tar: «Maŋgayaba i təv gà mburma ana kinehe, tə sər, mər ka, gà ɓəzla matawak ika miɗ Mbulum taluw taluw a, aɗaba tar ka, ti ti ndze a nda gà Mbulum i mekwere ŋgar.

Mata 5:3 ပူးပေါင်းရင်းမြစ်များ

Mata 11:25

I dəba ŋa ya ka, Yesuw a hama a Mbulum, a gwaɗar: «A kər Tsir gà, kər ana ki kwere a gà gəza mbulum nda gər ahəɗ a. Iye ihər i gek a kəkaaha, aɗaba kər ka, kàa kaha duwa à gà ɓəzla metsehe ya, nda gà na tə sər duwa hinne ya. Ama kinehe ka, kər ihər ki ɗif a dər a gà na tə sər duwa tsiye.

Mata 11:6

Ama ki gweɗwimer a asa ka: Maŋgayaba ika gər wur ana aka məsak à megìsè iye i gəzləŋ ŋgar tsiye.»

Mata 13:16

Ama kurum kinehe ka, maŋgayaba i təv kurum, aɗaba kàa ŋgatum a dukuməŋa nda are kurum, kàa tsarakum nda zləm kurum lele mbaŋa.

Mata 19:14

Ama Yesuw a tsaraka məpala ahəm gà mburma ŋgar ata ta pele a a gà tsir gà ɓəza ya ka, a gwaɗa a tar: «Mandza, ka palum a tar ahəm tsa, tə dara à gà ɓəza a təv ga ya. Aɗaba mekwere Əbay Mbulum a waya ka, medzibe gà mburma ana kamala gà ɓəza aaha ya, na ti de aɗəm a ya.»

Mata 24:46

Aɗaba wele ana aka ge megemir kataya ka, a ŋget a maŋgayaba i gəzləŋ, a pat ana mala ga ŋgar aka dara, aka le aà ŋgat, a ge a megemir kamala taŋa ya ya.

Mata 25:34

I dəba ŋa ya ka, iye Əbay, i gweɗe a a gà na ika tsèke ahər mezime gà ya:

Mata 3:2

A gwaɗawa a tar ka: «Mbəɗum à madzala gà gər kurum a təv Mbulum, aɗaba mekwere ŋgar aka à mendzera.»

Mata 8:11

Iye ihər i gweɗe a kurum a nda ndzer ŋa asa: «A pat ana Mbulum aka da a mekwere ŋgar a ka, a ta ge a ba kamala taŋa ya mbaŋa. Gà mìsle ŋgiɗ hinne ti deyere a i təv pat ana à mbizere a ya, nda gà i təv ana à dìɗ aɗəm a ya. Ti ti zim akaba a ɗaf nda gà Abəraham, nda gà Izak, nda gà Zakup.

Markus 10:14

Yesuw a tsaraka məpala ahəm gà mburma ŋgar ata ta pele a ahəm a gà tsir gà ɓəza ata ya ka, a tsəɓar. A gwaɗa a tar: «Mandza, ka palum a tar ahəm tsa, tə dara à gà ɓəza a təv ga ya. Aɗaba *mekwere Mbulum a waya ka, medzibe gà mburma ana kamala gà ɓəza aaha ya, na ti de aɗəm a ya.

Luka 11:28

Ama Yesuw a gwaɗar aaka: «Seyiŋ tsa ivaɗ, maŋgayaba ka, ika gər gà mburma ana ti tsereke a bazlam Mbulum, ta gis ahər a ahəm lele ya.»

Luka 18:14

Yesuw a gwaɗa a tar asa: «Iye ihər i gweɗe a kurum ŋa: Mala dùwan aaha, aləka a da a ma ka, aka mbər mene ŋgwal ŋa ika miɗ Mbulum, bakal ŋgar aka pəl kuɗa. Ama Farisa aaha ka, ŋgat ka, a ne ŋgwal ŋa tsa. Aɗaba na wura a sasar, tə zalar batsah ŋa ka, Mbulum a ne a ŋgat kəla ŋa ivaɗ. Ama wur ana aka ne à ba ŋgar kwizikw ika miɗ mburma ya ka, Mbulum a ne a ŋgat batsah ŋa asa mbaŋa.»

Luka 22:29

Ama iye tekeɗe ka, i ti sese a kurum a mekwere Əbay Mbulum Tsir gà, kamala ana ŋgat a sèsiŋ a mbaŋa.

Luka 22:30

Aləka i təv ana Yàa da a mekwere gà ya ka, ki ti zimekwe a dukw mezime nda masà duwa i təv ilik ŋa nda gà iye, dite ki ti ndzwim a aka təv mendze Əbay aà mege seriye gà gwala gà Isərayel ana kurwa gəra sula ya.»

Luka 4:18

«Iye i ahər Mezite Mesife Mbulum, aɗaba a zla iye aà meɗìfè à bazlam ŋgwal ŋana a gà ɓəzla matawak. A slərra iye ya ka, a təv gà ɓəzla daŋgay a, aà meɗife a tar à məpala à tar. Dite aà mahə̀ndə̀kà are a gà ɓəzla guluf mbaŋa nda gà aà mibeyè à gà na ti sèwèrewa a tar are ya.

Yuhana 20:29

Yesuw a gwaɗar: «Kə̀ gəs ka, aɗaba ana kàa ŋgetiŋ kuɗa ya. Ama kə̀la ka, maŋgayaba ika gər gà na ta gəs iye nda gəzləŋ ka, tàa ŋgetiŋ tsiye.»

YAKUBA 1:10

Ama mala mazazama Mbulum ana limana ŋgar a riŋ hinne ya tekeɗe ka, ma ŋgaya ba mbaŋa, aɗaba Mbulum aka mà à ŋgat a bəɗ, aka vəlar aɗəm dukw ana ŋgwal ŋa ya ivaɗ. Aɗaba mala limana ka, ti dzeye akaba a nda limana ŋgar kamala mibezè kwizir ana a bize a ya.

YAKUBA 1:12

Maŋgayaba ika gər wur ana a mir a aba i təv gà dukw ana ti dzik a à ŋgat a tserdze ya. Ama na aka mər aba i təv gà dukw ata ti dzik a à ŋgat a ka, a ŋget a dukw maya ba ŋgar, kamala megweɗe ya, mesife ana Mbulum a gwa i sida ya ka, i ta vile a a gà mburma ana ta waya iye ya.

YAKUBA 2:5

Kurum gà damər gà ana i waya kurum hinne ya, tsarakum. Aɗaba Mbulum a pala gà ɓəzla matawak ata ika gər ahəɗ a ka, dite ta ŋgat dukw ana ŋgwal ŋa ya, agəra megìse ana ta gəs Yesuw Kiristi ya. Mbulum a ta vile a ter a mekwere Əbay ŋgar ana a gwa i sida ya, i ta vile a a gà mburma ana ta waya iye ya.

Sunwa Yuhana 19:9

I dəba ŋa ya asa ka, gawla Mbulum a gweɗiŋ: «Wetse aka wakita ka: Maŋgayaba ika gər gà mburma ana tàa zal a tar, ta gwaɗa a tar, dumara a megirive mandə̀ɗà daala Kəla Təmaŋ a bəra ya ya.» Dite gawla Mbulum ata a gweɗiŋ asa: «Bazlam aaha ka, ndzer, pàrsa iɗəm tsa. A dara ka, ika arah Mbulum a.»

Sunwa Yuhana 22:14

Kamala taŋa ya, maŋgayaba a ta ge a i təv gà na ta bereye a aà gà petek tar a tsəɗaŋŋa lele ya. Tar na ti ta ŋget a vatwa, aà mada a ŋgwal kwite ata ya. Dite tar asa na ti ta ŋget a vatwa aà mazəma mawà dizl ɗaf ata a vile a mesife a mburma ya mbaŋa.

Sunwa Yuhana 3:17

Kurum ki gweɗwim a i gər kurum ka, waytsà mər ka, gà Əbay ŋa, maa ŋgat duwa tserdze, kuɗa duwa a ge a mər a asa tsa. Ama kurum ŋa kà sərum aaba tsa. Kurum ka, gà ɓəzla mesewere are ivaɗ. Ti zleŋe a kurum, kurum ka, gà matawak hinne, sagurɗumɗum petek ika kurum tsa, dite kurum ka, gà guluf asa mbaŋa.