Mata 5:22 - Bible Zulgo

²² Ama iye ihər i gweɗe a kurum a nda ndzer: Na wura aka ge arəv aà damər ŋgar ka, ta ger a seriye asa mbaŋa. Dite asa ka, wur ana a gweɗe a a damər ŋgar, kər ka, ndzə̀fakkà, metsehe yak a riŋ tsiye ka, ti ta ge a seriye ŋgar ka, biy ana à mère a a dəba ya asa tsiye. Ama ku weke na a ndeveye a a damər ŋgar pìslìɗìɗe, a gweɗere a, kər ka, ndìrɓek kàa dzeye ika miɗ Mbulum a ka, bazlam ŋgar ata a tsiker a ka, biy maya ahər ŋgat a akwa ana a mbete a tsa aà biybiy a ide.

Mata 5:22 ပူးပေါင်းရင်းမြစ်များ

Mata 10:17

Kaslum ba kurum tsireŋŋè i təv gà mburma ya, aɗaba a pat ŋgiɗ ka, ti ta gese a kurum, ti de à kurum a aka miɗ seriye, ti ta gezlere a kurum i ga mahàmà a Mbulum tar a.

Mata 10:28

Ka ta gwim magəɗa a gà na ta bets a slu ba kurum a tsa, aɗaba ti sle a aà medzeye à mesife kurum tsa. Ama gwim magəɗa ka, a Mbulum ana ŋgat a sle a aà medzeye à slu ba kurum, nda mesife kurum fit a akwa ana a mbete a tsa aà biybiy a ivaɗ.

Mata 12:24

Gà *Farisa tə tsaraka kataya ka, ta gwa: «Awaŋ, a ge a ka, wele aaha a delewe a gà sitene aà mburma ya ka, nda ahər *Beldzebul, Əbay sitene. Ŋgat na a vəlar ndzəɗa ya, tsəka, a sle a tsa.»

Mata 17:5

I təv ana a riŋ ihər à fèfil a mba ya ka, magùdwagùdwa a tarra aka gər tar a herrè, tits a le a tar. Zàmma tsəka, tə tsarakara iɗəm mifefile i huɗ magùdwagùdwa ata ya, Mbulum a gwaɗa a tarra: «Naha ka, Kəla gà mandərkwasla gà ana i waya hinne ya. Maŋgayaba gà fit dze ka, ika gər ŋgar. Dzum zləm a dukw ana a tsik a kurum a ya.»

Mata 18:21

I dəba ŋa ya, Piyer a da a təv Yesuw. A daha, a gwaɗar: «Əbay gà, medzige ndaw na damər gà a giŋ a bakal, dite i piler a dər a? Wànà medzige təsəla ya?»

Mata 18:35

I dəba ŋa ya, Yesuw a gwaɗa a gà ɓəzla mazazama ŋgat asa: «Kamala taŋa ya, Tsir gà Mbulum ana i gər ŋa ya tekeɗe, a ge aà kurum a kataya mbaŋa, na kàa pə̀lum aba à bakal nda gà mburma ŋgiɗ nda gəzləŋ ilik tsiye.»

Mata 23:15

A kurum gà ɓəzla medzeŋge məpala ahəm Mbulum aaha nda gà Farisa ya, kurum ka, gà ɓəzla mimbèhè are. Ama ka, tuwum ba kurum. Aɗaba kurum riŋ ihər ki sìweywim a bə̀ba gər ahəɗ aaha dze ya, ku mege aka gər duluv tekeɗe, kà dawum pəra, a sàs a kurum mayaha gà mburma ana ti zezem a kurum a mbaŋa. Dite bəla kàa lwim aà wura ilik ka, mà gəs pàrsa kurum ata kuɗa. Ki niswim a à mendze ŋgar ndeyndey, dite a de a akwa ana a mbete a tsa aà biybiy a mazàkà ŋa.»

Mata 23:33

I dəba ŋa ya, a gwaɗa a tar asa: «A kurum gà bàba gà mesiwiɗ nda gà ɓəza gà mesiwiɗ aaha. Aləka dze ana, meme na ki ta beywimere a i akwa ana a mbete a tsa aà biybiy a ɗara?

Mata 25:41

Dite i dəba ŋa ya asa ka, i gweɗe a a gà na ika tsèke ahər gùla gà ya:

Mata 26:59

Gà bàba gà ɓəzla mandəva kuɗa a Mbulum, nda gà asiŋ gà mburma ana ta kwere a gà Yahuda ya tserdze, ti yaha vatwa aà mege seriye aà Yesuw i fata kuɗa. Tə sasaya ahər pàrsa hinne, aɗaba a sàs a tar makə̀ɗà ŋgat.

Mata 3:17

A tsarakara mifefile ana a ɗera i mbulum a. Mbulum a gwaɗarra: «Kər na mandərkwasla gà ya, Kəla gà. Maŋgayaba gà fit dze ka, ika gər yak.»

Mata 5:34

Ama kinehe ka, iye ihər i gweɗe a kurum ŋa: Na kataya ka, ŋgulum ka mbaɗum tsidze, ku mege nda zləm gà dukw ana i gər ŋa i mbulum a tekeɗe, aɗaba taŋa ka, təv mendze Əbay Mbulum.

Mata 5:44

Ama iye ka, iye ihər i gweɗe a kurum ŋa: Wayum gà ɓəzla mene are kurum ivaɗ. Hamum a Mbulum aɗaba gà na ti ne a kurum a are, ta ge a kurum a swalwa ya,

Markus 14:55

Aləka gà bàba gà ɓəzla mandəva kuɗa a Mbulum nda gà asiŋ gà mburma ana ta kwere a gà Yahuda ya tserdze, ti yaha vatwa aà mege seriye a Yesuw i fata kuɗa, aɗaba a sàs a tar makə̀ɗà ŋgat. Ama tàa ŋgat bakal ŋa tsa.

Markus 15:1

Aləka aka mbulum ana a də̀v i mèkwède ya ka, gà bàba gà ɓəzla mandəva kuɗa a Mbulum, nda gà bàba gà mburma ana ta kwere a gà Yahuda ya, nda gà ɓəzla medzeŋge məpala ahəm Mbulum tserdze, ti yaha ba gər aka seriye ŋa. Tə dza akaba dukw ana ta ge a à Yesuw a. I fataya ka, tə daha, tə dzaw ŋgat tez tsara. Tə da à ŋgat a bəra Pilatus, mala sik Əbay ana a kwere a ahəɗ gà Ruma ya.

Luka 12:5

I ɗif a kurum a à wur ana ki gwimer a magəɗa ya. Gwim magəɗa ka, a Mbulum. Aɗaba i dəba məməta kurum a ka, a sle aà meye a mesife kurum a akwa ana a mbete a tsiye. Ama ka, iye ihər i gweɗe a kurum a nda ndzer: Ŋgat na ki gwimer a magəɗa ya.

Luka 22:66

Aləka mbulum a də̀v ka, gà bàba gà mburma ana ta kwere a gà Yahuda ya, nda gà Əbay gà ɓəzla mandəva kuɗa a Mbulum, nda gà ɓəzla medzeŋge məpala ahəm Mbulum tserdze ti yaha ba gər. Tə daha à Yesuw aka miɗ tar aà megèr seriye.

Yuhana 11:47

Ama gà Farisa ata nda gà Əbay gà ɓəzla mandəva kuɗa a Mbulum a, tə tsaraka kataya ka, ti yaha gər a gà asiŋ gà bàba ŋa ana ta kwere a mburma ya, ta gwaɗa a tar: «Ki gekwe a dze ana, meme na wele aaha a riŋ a geye a gà dukw mene aà mburma hinne ya?

Yuhana 15:25

Gà dukw ata ta ge a ba kataya ka, dite bazlam ana mewetse ŋa i wakita məpala ahəm tar a, mə̀ pàt aba lele, a gwa: *fb*

Yuhana 7:20

Gà mburma ata ta gwaɗar: «Ki be a a dala kəla yà? Weke na a yehe a vatwa aà makə̀ɗà kər a?»

Yuhana 8:48

Gà mburma ata ta gwaɗa a Yesuw: «Yawwa, maa gwaɗak tsiye, kər ka, gà Samariya, sitene i ba yak a?»

Gà Ɓəzla Meslire 17:18

Gà wele duwa a riŋ i kwite ata mbaŋa. Zləm tar gà *Epikuriya nda *Situkiya. Tar ka, gà ɓəzla meɗe à fəla ana ti ɗe a dər a mburma ya. A pat duwa, gà asiŋ ŋa ana i liwiŋ tar a, tə dza ba aà mege bazlam nda gà Pul asa. Gà mìsle ŋgiɗ ta gwaɗawa: «Dukùla na naha a ɗeme a dze ka, kà sərakwa tsiye?» Gà asiŋ ŋa ibam, ta gwaɗawa: «A ɗif a ka, à gà zləm mbulum ana kà sərakwa ilik tsiye.» Ti tsik ahər gà bazlam ata ka, aɗaba ana Pul a riŋ a tsik a ka, aà Yesuw nda mimbile ŋgar ana a mbəlara i məməta ya.

Gà Ɓəzla Meslire 22:30

A sàs a Əbay gà sliwdze ata mesire ndzer ŋana, aàla na gà Yahuda ta vəl bakal a Pul dze ya? Aɗaba taŋa na, ndidwe ŋa a pə̀lara tsitsirɓe ana i ahər Pul a, dite a zal a gà Əbay gà ɓəzla mandəva kuɗa a Mbulum nda gà bàba ŋa ana ta kwere a gà Yahuda ya tserdze, ti yahaba gər. Dite i dəba ŋa ya ka, a hitse à Pul aka miɗ tar.

Gà Ɓəzla Meslire 23:1

Pul a dza are aà mayahaba gər mburma ata ndzazlzla lele. A gwaɗa a tar: «A kurum gà damər gà, iye mandza ŋa ika miɗ Mbulum ka, nda gəzləŋ ilik lele, à gər ana i gəs ŋgat, haa kinehe ya.»

Gà Ɓəzla Meslire 24:20

Kige tsa kinehe ka, wiz aà gà mburma aaha ta gəsara iye ya, ti tsikik a bakal ana ta gəs dər iye aka miɗ mayahaba gər gà mburma ata ndavana aaka ya.

Gà Ɓəzla Meslire 4:15

Ama ka, ta gwaɗa a tar aakaha: «Dum i ga mər ana mì yahawaba aɗəm gər a tə̀ma.» Dite tar ŋa, tə dza akaba bazlam ika magər tar.

Gà Ɓəzla Meslire 5:21

Gà ɓəzla meslire Mbulum ata ta gəs mifefile gawla Mbulum ata tsara. I mèkwède hedwe ka, tə da a ga Mbulum batsah ŋa ata. Tə daha, tə dza ba aà metsìkè bazlam ata a gà mburma. Zàkwayiya ka, gà mala mandəva kuɗa a Mbulum ata nda gà mburma ana ta gəs bazlam ŋgar a, tə zal a gà asiŋ gà bàba gà Yahuda ana ta kwere a mburma ya. Ti yahaba gər. Ta fàfəl ika magər tar. Aləka i dəba ŋa ya, tə slər gà mburma aka gà ɓəzla meslire Mbulum ata i ga daŋgay a.

Gà Ɓəzla Meslire 5:27

Tə ndzəkaha tar aka miɗ seriye a təv mayahaba gər tar ata. Dite batsah mala mandəva kuɗa a Mbulum ata a wiz aà tar bazlam a.

Gà Ɓəzla Meslire 6:12

Tə dza ahər gà asiŋ gà mburma ŋgiɗ nda gà bàba ŋa ana ta kwere a gà Yahuda ya, dite nda gà ɓəzla medzeŋge məpala ahəm Musa asa mbaŋa. Gà mburma ata tə daha, ta gəs Etiyen, dite tə da à ŋgat aka miɗ mayahaba gər mburma.

Gà Ɓəzla Meslire 6:15

Gà mburma ana mandza ŋa i bəɗ i təv mayahaba gər tar ata ti yahawa ba aɗəm gər tserdze ya ka, ta màha à are aka Etiyen ba bà ba ba. Ta fə̀r ahər ka, yemere ŋgar twiy twiy twiy à div a kamala gawla Mbulum a.

Gà Ɓəzla Meslire 7:37

Musa aaha asa na a gwaɗa gà Isərayel ka: *fo*

RUMA 12:10

Wayum ba ika magər kurum, aɗaba ana kurum ka, nda gà damər ika vatwa Mbulum a. Ku weke mə̀ fə̀r aà damər ŋgar ka, hə̀zkə̀kə̀mma batsah ŋa kamala ana a za ŋgat ŋa ya.

1 Kurintiya 6:10

nda gà ɓəzla akəl, kige tsa gà ɓəzla məburnun, nda gà na ta kweye a à guzum a, nda gà na ta wele a aà mburma ya nda pàrsa ya, nda gà ɓəzla makàzàlà duwa aà mburma ya nda ndzəɗa, gà ɓəzla bakal ata tserdze ya ka, ti sle a aà mada a mekwere Mbulum tsidze.

1 Kurintiya 6:6

Dite aàmala na ki gwim a seriye aà gà asiŋ gà mburma Mbulum ŋgiɗ ika miɗ gà na tàa gəs Yesuw Kiristi tsiye ya?

1 TESALUNIKE 4:6

Wura ilik ma ta ge bakal, a ge a wirwir aà damər ŋgar a nda təv məkəs ŋgar a tsidze. Aɗaba BATSAH kwa ŋa a ta vile a mesewere are ka, a gà na ta gewa gà medzibe gà dukw bakal ata kamala taŋa ya. Mì be a kurum à ɗaf, mì tsik a kurum aba taŋa ya ka, daga piŋŋe.

TITUS 3:2

Gwaɗa a tar ka, ti tsik dukw ana ŋgwal ŋa tsiye aà wura tsa. Ta gewa maàga tsa asa mbaŋa. Ama ti ne ka, gà ɓəzla magəsa gəzləŋ nda mazlə̀bà à gà mburma tserdze ivaɗ.

IBƏRANIKWA 12:25

Aɗaba taŋa, gwim metsehe, ka ti niwim Yesuw ana a riŋ à fèfil a kurum a kinehe ya tsa. Aɗaba gà mburma ana akahər ata tar mandza ŋa aà sik kwite Sinay a ka, ti niw bazlam wur ana a tsik a tar bazlam Mbulum ika gər ahəɗ a, a waya mibe a tar à ɗaf a. Ama ka, tàa beye tsa seyiŋ ana, sakwàn nda kwa ana kinehe ka, kwa riŋ ki tserekikwe a bazlam wur ana a dara i gər ŋa ya ya? Meme na ki ta beyekwe a ya, na kàa niwekwa bazlam ŋgar dze ya?

IBƏRANIKWA 5:9

Mbulum a ndəv à dukw ana a dzala, a waya aà mege nda ŋgat a ka, a ne mala məmbə̀là à gà mburma ana tserdze ta gəs ahər ahəm a, dite ka, ta ŋget a mesife ana à ndìv a tsa aà biybiy a.

YAKUBA 2:20

Kər ana metsehe yak a riŋ ba ya? Meme na ki ɗiŋ a à wur ana a gweɗe a: «Yàa gəs Mbulum», ama ka, a ge a dukw ana ŋgwal ŋa ya tsa, dze ana, wànà megìse ŋgar ata ana, a ge a ŋgulum a?

YAKUBA 3:6

Arah mburma a ndzikiɗ ba ka, akwa ana wànə̀nə̀nna kataya ya mbaŋa. Aɗaba taŋa, mayaha gər bakal ana ki gekwe a ika gər ahəɗ tserdze ya, a dara ka, ika arah ana mandza ŋa i bazlam mburma ya. Arah à nis a à mendze mburma ana a ndze a ya fit kweleŋ. A tike a akwa ana à nis a à mendze ŋgar ata, daga akahər ana ta we a ŋgat a, haa a təv ana à mìt a ya. Akwa ata a dere a ka, i təv akwa ana a mbete a tsa aà biybiy a asa mbaŋa.

1 PIYER 2:23

Ku mege ti tsik aà ŋgat dukw ana ŋgwal ŋa tsiye tekeɗe ka, aka mà a tar aɗəm à bakal ŋa tsa. Ti sèwèrer are hinne tekeɗe, aka dza aà tar magəɗa nda bazlam ɓav tsa asa. Ama a vəl ba ŋgar a ahər ka, a Mbulum ana ŋgat mala masàsà ikaba seriye bakal nda ndzer ŋa ya.

1 PIYER 3:9

Na wura aka ge a kurum dukw ana ŋgwala tsiye ka, ka ta mumar aɗəm à bakal ŋa tsa. Kige tsa bəla wura aka tsik aà kurum dukw ana ŋgwala tsiye ka, ka tə ndavayumar aɗəm ɓav tsa asa mbaŋa. Ŋgulum ki gweɗwimer a ka: Mbulum mi pisak ahəm ivaɗ. Aɗaba akahər ana Mbulum a zal a kurum a ka, aka mbər metsike i sida ya, a gwa: «I ta pise a kurum a ahəm.»

1 Yuhana 2:9

Na wura a gweɗe a, iye ka, mandza ŋa i təv dzaydzay ŋa, ama a ne a are a mburma ka, sərum dər, wele ata ka, ar ka, i luvuŋ hiywe haa kinehe mba.

1 Yuhana 3:10

Ama wur ana a gewa dukw ana ŋgwal ŋa tsiye ika miɗ Mbulum, kige tsa a waya mburma tsəka, ŋgat ka, mburma Mbulum tsa. Kamala taŋa ya na ki sirekwe a dər ikaba ya, naha ka, gà ɓəza Mbulum, kige tsa gà ɓəza Əbay sitene ka, aà gà dukw ata ta geye a ya.

1 Yuhana 5:16

Ama bakal ŋgiɗ a riŋ ka, mburma ta mìt a dər tsa. Na bəla wura a riŋ a ŋget a a damər ŋgar ana ika vatwa Mbulum a, a riŋ a ge a medzibe bakal ata ka, ma hama a Mbulum aɗaba ŋgat, dite ka, Mbulum mə vəl mesife a damər ŋgar ata. I tsik kataya ka, agəra gà mburma ana ta ge a bakal, dite ka, ta mìt a dər tsiye ɗekɗek. Aɗaba bakal ŋgiɗ a riŋ ka, ta mìt a dər. Yàa gwa ka, hamum a Mbulum agəra gà mburma ana ta ge a medzibe bakal ata ya tsa.

Yuda 1:9

Ku mege Misel ana ŋgat batsah ŋa ika magər gà gawla Mbulum tserdze ya tekeɗe, aka tsik dukw ana ŋgwal ŋa tsiye aà Əbay sitene ɓav tsa. Aɗaba akahər ata piŋŋe, i təv ana tar nda Əbay sitene ta ge maàga aka məməta Musa ya, aà misire dər ka, weke na a zle a məməta ŋa ya ya. Misel aka gwa ka, làŋa iye batsah ŋa ya, aka ndava a Əbay sitene ata tsa. A sasar na Mbulum ma kwara akaba ŋgat, mà tàtə̀kar a.*fa*

Sunwa Yuhana 20:14

I dəba ŋa ya ka, tə dza à gà dukw ana ta bets a mburma ya, nda gà təv mendze gà məməta ana ti ndze a iɗəm a, a akwa ata kamala duluv a. Akwa ata ka, təv məməta gà mburma ana ti ta mete a masula ŋa ya.