Mata 5:17 - Bible Zulgo

¹⁷ I dəba ŋa ya, Yesuw a gwaɗa a tar aaka asa: «Ka tə dzalum i gər kurum, i dara ka, aà mimbètè à məpala ahəm Musa, kige tsa à dukw ana gà ɓəzla məma à guma Mbulum ti tsik a tsa. Aɗaba i dara ka, aà mimbètè dər tsa, ama aà mege dukw ana ta wiz ahər a mburma ya ivaɗ.

Mata 5:17 ပူးပေါင်းရင်းမြစ်များ

Mata 3:15

Ama Yesuw a gwaɗar aaka: «Awaŋ, ka peliŋ ahəm tsa, viliŋ vatwa, aɗaba a sèsiŋ ka, ki geme a dukw ana Mbulum a waya ya.» Yuhana a tsaraka kataya ka, a gəs bazlam Yesuw ata a tsiker a. A daha, a tsilwiɓ aɗəm à ŋgat kuɗa.

Mata 7:12

Aɗaba taŋa, dukw ana a sàs a kurum zləmana gà mburma ta ge a kurum ŋgwal ŋa ya ka, kurum tekeɗe ibam, gwim a tar kataya mbaŋa. Taŋa na dukw ana i wakita məpala ahəm Musa nda biy gà ɓəzla məma à guma Mbulum a tsik tserdze ya.»

Luka 16:17

Aɗaba ŋgulum gà gər ahəɗ nda gəza mbulum ka, tì ndìviŋa. Ama məpala ahəm Mbulum ka, à ndìv a tsa. Ku mege dukw ana mewetse ŋa iɗəm kwizikw hinne tsiye tekeɗe, à nikiɗ a ihər a tsa, a ndze a aà biybiy.

Yuhana 8:5

Ama Musa a gwaɗa a mər i təv məpala ahəm Mbulum a ka, na kàa lwim aà wura kataya ka, say makə̀ɗà ŋgat nda kur ana, dite kər dze ana, kù gwa aaka ana, meme?»*fa*

Gà Ɓəzla Meslire 18:13

ta gwaɗa a Galiyaw: «Wele aaha a riŋ a yehe a vatwa, dite gà mburma tə̀ dza gurmits a bəɗ a Mbulum ka, kamala biy na məpala ahəm Musa a tsik a tsiye.»

Gà Ɓəzla Meslire 21:28

Gà mburma ata ibam, ta wideye aaba hinne, ta gwaɗa a gà asiŋ gà mburma: «Dumara tsəma, kurum gà mburma aaha i Isərayel a. Araha, na wele ana a tsikewa manəsa bazlam nda təv gà Isərayel a, dite ka, nda təv məpala ahəm Musa ya, dite nda təv ga Mbulum batsah ŋa aaha kwa iɗəm a asa. Ama a zeke a dər ndeyndey, aɗaba araha, aka ndzəkara gà mburma ana gà Yahuda tsiye, a təv aaha ŋgwal ŋa lele tsəɗaŋŋa biy Mbulum a. Tàa nəs dər.»

Gà Ɓəzla Meslire 6:13

Tə ndzəkaha gà ɓəzla masàsà à ŋgat pàrsa ata mbaŋa. Gà mburma ata ta gwa: «Wele aaha ka, a tsikewa dukw ana ŋgwal ŋa tsiye, aà batsah ga Mbulum kwa aaha, dite aà məpala ahəm Musa asa.

RUMA 10:4

I tsik taŋa ka, aɗaba à gər ana Yesuw Kiristi a dara ya ka, məpala ahəm Musa ka, vatwa ana mburma ti de a dər a təv Mbulum a asa tsa. Ama kinehe, wele ana aka gəs ŋgat nda gəzləŋ a ka, ŋgat na a ne a ŋgwal ŋa ika miɗ Mbulum a.

RUMA 3:31

Na bəla kù gwaɗakwa, Mbulum a ne à ter a gà ŋgwal ŋa, agəra ana ta gəs Yesuw Kiristi nda gəzləŋ tar a tekeɗe ana, məpala ahəm Musa a ne a kamala dukw taf masakəŋa ya ɓav a? Ama ka, kataya tsa. Ki ɗifekwe a ka, à ndzer ŋa ana iɗəm a ivaɗ, na taŋa ya.

RUMA 8:4

A ge taŋa ka, na dite ki ŋgetekewe a vatwa aà mege dukw ana məpala ahəm ŋgar a tsik a kwa ya ndzer. Aɗaba mendze kwa ana ki ndzekwe a kinehe ya ka, Mezite Mesife Mbulum na a kwere a kwa ya, tsəka, meèweke ba kwa asa tsa.