Mata 5:16 - Bible Zulgo

¹⁶ Aɗaba taŋa, mede kurum ana ŋgwal ŋa ya, mə̀ pàt aba ika miɗ mburma tserdze, kamala dzaydzay ata ya, dite ta fə̀r aà megemir kurum ana ki gwim a a Mbulum ŋgwal ŋa lele ya ka, tar ibam, tə̀ zàmbaɗa à Mbulum Tsir kurum ana i gər ŋa ya mbaŋa te.»

Mata 5:16 ပူးပေါင်းရင်းမြစ်များ

Mata 23:5

Aɗaba megemir tar ana ta ge a ya ka, ika miɗ mburma, dite gà mburma ta fə̀r aà tar, ta gwa ka, tar ka, gà ŋgwal ŋa. Kamala taŋa ya, i təv ana ta heme a a Mbulum a ka, ti ndìwìɗewa gà petek ana slàrra ya a gər, kige tsa aà ahər. Tì dèneye a màdaŋgwàla duwa aka gùva petek tar zigwindindiɓɓe, ti ndze a dər kuɗa ka, ŋgakŋgakəkka asa mbaŋa.

Mata 23:9

Yesuw a gwaɗa a tar asa: «Ku weke ka, ma tə zal a wura ika gər ahəɗ tsa. Aɗaba tsir kurum ka, Mbulum Batsah ŋa ana i gər ŋa ya ilik.

Mata 5:45

dite ka, nwim gà ɓəza Mbulum Tsir kurum ana i gər ŋa ya. Aɗaba Mbulum ka, a waya mburma hinne. Pat ŋgar a də̀vawa ka, aka gər gà mburma ana ta ge a dukw ana ŋgwala tsiye mbaŋa, dite aka gər gà mburma ana gà ŋgwal ŋa ya tserdze. A dzawa yam tekeɗe, kamala taŋa ya mbaŋa, tsəka, a wele a ikaba mburma ya tsa.

Mata 6:16

I dəba ŋa ya, a gwaɗa a tar asa: «Na ki gwim a ndəra ka, ka ta gwim kamala gà ɓəzla mimbèhè are ana ta mbehe a are a Mbulum a tsa. Aɗaba tar ta gewa ndəra ka, ɓìrìzl ɓìrìzl ta mbìɗ a à are tar kamala ana tar ka, gà məməta ŋa ya, dite gà mburma ta fə̀r aà tar, ta gwa aà tar ka, gà ɓəzla mege ndəra nda ndzer kaɗəŋ. Iye ihər i gweɗe a kurum a nda ndzer: Tar ka, tàa ŋgat dukw mayaba tar aka ndəv.

Mata 6:9

Na ki dzwìm a ba aà mahàmà a Mbulum ka, araha na dukw ana ki gweɗwim a ya:

Mata 9:8

Ama gà mburma ana tar riŋ i fata tserdze ya, ta ŋgat a dukw mene à mburma ata Yesuw a ge ya ka, ta ge magəɗa hinne, tə zàmbaɗa à Mbulum, aɗaba ana a dara, a vəl ndzəɗa a mburma kataya ya.

Luka 11:2

Yesuw a tsaraka kataya ka, a dza ba aà meɗìfè a tar dər. A gwaɗa a tar: «I təv ana ki hemwim a ya ka, gwaɗum: Tsir mər, kər ka, tsəɗaŋŋa, bakal i təv yak tsa. Gà mburma tserdze tə̀ zlə̀b dər à kər. Mekwere yak ana ki kwere a ya ka, ma ge ba i təv mər mbaŋa.

Yuhana 15:8

Na kàa nwim kamala dizl ɗaf ata a wa hinne ya ka, gà mburma ti sir a dər ka, kurum gà ɓəzla mezezeme iye ndzer kaɗəŋ. Kamala taŋa ya, mezlibe ana tì zlibe a à Mbulum Tsir gà ya, à pèt a aba parakkà lele.

Gà Ɓəzla Meslire 9:36

Məkəs duwa a riŋ, mala mazazama Yesuw i Yafa, zləm ŋgar Tabita. Tə zalar ndaka ahəm girek ka, «Dwarkas», kər megweɗe ya ka, «miyak. » A ndzawa i ŋgar ka, aà mege ŋgwal ŋa a mburma, dite aà mazlàkà gà matawak gà mburma ɗekɗek kəla pat.

1 Kurintiya 14:25

Kamala taŋa ya, gà dukw ana gà makàhà ŋa i gà gəzləŋ tar tə dzalawa ya ka, à pètere a a bəra ya ndərzayya kuɗa. Ti ti dze a gurmits a bəɗ ika miɗ Mbulum, dite tì zèmbeɗe a dər, ta gweɗe a parakkà: «Mbulum ka, a riŋ ika magər kurum ndzer.»

2 Kurintiya 9:13

Məvəla dukw taf kurum ata na à pèt a à ndzer kurum a mburma parakkà, ti sir a dər, gəzləŋ kurum ŋgwal ŋa, kàa gəsum ŋgwal bazlam ata aka gər Yesuw Kiristi ya ka, ndzer kaɗəŋ, dite kàa gəsum ahər ahəm lele asa ya. Na tàa samata, ki gwim a kataya ka, gà mburma hinne ti ti zèmbeɗe a à Mbulum. Ti ti zlibe a dər mbaŋa, agəra ana ki vilwim a ter a gà dukw kurum fə̀làh fə̀làh, dite ki vilwim a a gà asiŋ gà mburma Mbulum ŋgiɗ tserdze mbaŋa ya.

GALATIYA 1:24

Tə tsaraka kataya ka, tə zàmbaɗa à Mbulum aɗaba iye, agəra dukw ana a mbəɗ à iye ya.

EFESIYA 2:10

Aɗaba ŋgat na a ge kwa ya. A vəl a kwa mesife awiya ŋana nda ahər Yesuw Kiristi, dite ki gekwa dər megemir ŋgwal ŋana. Mbulum a ge aba megemir ata ya daga piŋŋe ka, dite kwa ka zazamakwa ndaka vatwa ŋa lele.

EFESIYA 5:8

Akahər ata ka, kurum mandza ŋa i luvuŋ. Ama kinehe ka, kurum i təv dzaydzay ŋa, aɗaba ana kurum mandza ŋa i təv ilik ŋa nda gà BATSAH kwa ŋa ya. Aɗaba taŋa, zazamum mede gà mburma ana i təv dzaydzay ŋa ya.

1 TESALUNIKE 2:12

Mì màwa a kurumaha à arəv, mì vəlawa a kurum ndzəɗa, dite mì hamawa a kurum ka, hinne asa mbaŋa, na dite mede kurum ana ki dwim a ya, mà tsahən aà Mbulum a. Ŋgat a zal a kurum ka, na dite ki dwim a a mekwere ŋgar, ki ti ndzwim a nda gà ŋgat i təv mezlibe ŋgar ana tì zlibe a dər a ya.

1 TIMUTE 2:10

A sèsiŋ ka, megemir tar ana ta ge a ŋgwal ŋa ya na a ne a madùwàyà ba tar a ivaɗ. Gà məkəs ana ta gweɗe a, mìi ge a magəɗa a Mbulum a ka, ta ge kamala taŋa ya nda gəzləŋ tar ilik.

1 TIMUTE 5:10

Dite megemir ŋgar ana a ge a ya, gà mburma tə sər dər ka, ŋgwal ŋa lele, kige tsa na aka gala gà ɓəza ŋgar nda metsehe lele ya, nda gà bəla a gewa gər a gà mbəlakw ana tə dawaha a ma ŋgar a, dite bəla a barawa ahəɗ aà sik a gà mburma Mbulum ana tə dawaha mbaŋa ya, kige tsa na bəla a zlàkawa gà ɓəzla mesewere are asa ya. Na kàa ŋgatar, a gewa gà megemir ana ŋgwal ŋa ya kataya ka, wetse ŋgat kuɗa.

1 TIMUTE 5:25

Mege i təv megemir ana mburma ta ge a ŋgwal ŋa kinehe ya tekeɗe ka, à pèt a aba bise kamala taŋa ya mbaŋa. Ku mege aka pàt aba kinehe tsa tekeɗe ka, a sle a aà makàhà ba tsa, à pèt a aba aka miɗ mba.

1 TIMUTE 6:18

Gwaɗa a tar ka, say ta gewa ka, dukw ana ŋgwal ŋa ya, tə̀ zlak mburma lele, ta vəl ahər fə̀làh fə̀làh. Ta ge gà ɓəzla hə̀za tsa.

TITUS 2:14

Ŋgat a dzeye à mesife ŋgar aɗaba kwa. Kamala taŋa ya na a pəl a kwa dər à bakal kwa tserdze ya. A bara aà kwa bakal kwa ya, na dite kà nekwa gà mburma ŋgar ana gà biy ŋgar, ta vile a ba aà mege gà megemir ana ŋgwal ŋa lele ya.

TITUS 2:7

Ama kər ka, ge dukw ana ŋgwal ŋa ya ɗekɗek pəra, na dite gà asiŋ gà gawla ata tàa fə̀r aà kər i təv gà dukw ana ki ge a ŋgwal ŋa tserdze ya ka, ti zezem a kamala biy yak ata ki ge a ya mbaŋa. I təv ana ki dzeŋge a ter a ya ka, dzeŋge a tar ndaka vatwa Mbulum nda gəzləŋ ilik ŋa. Ka ti tsik a tar aɗəm dukw ana taf masakəŋa ya tsa.

TITUS 3:14

Gà asiŋ gà mburma ma ana ta gəs Yesuw Kiristi kamala ma ya tekeɗe ka, say ti sinike ba aà mege dukw ana ŋgwal ŋa ya kəla pat mbaŋa, na dite ka, ti sir a dər, tì zlèk a gà na duwa aà tar tsiye ya. Na tàa ge dər kamala taŋa ya tsəka, megìse tar ana ta gəs a ka, a ge a ŋgulum ɓav tsa.

TITUS 3:4

Ama ku mege kataya tekeɗe, Mbulum ana ŋgat mala məmbə̀là à kwa ya, aka pàt a kwa à ŋgwal ŋgar ana a ge a kwa akahər ata ya, dite meme na a waya kwa hinne ya.

IBƏRANIKWA 10:24

Say ki weyekwe a ba lele, ki yehekwe a vatwa ka, aà məmayabaha à arəv ika magər kwa ilik ilik tserdze, na dite mawàyà ba kwa ata ki weyekwe a ba ya ka, mà səkah aka miɗ aka miɗ nda megemir ana ŋgwal ŋa ya mbaŋa.

1 PIYER 2:12

Mendze kurum ana ki ndzwim a i liwiŋ gà na tə sər Mbulum tsiye ka, bakal ma ge iɗəm tsa, ndzum lele. Aɗaba ku mege gà na ti tsik aà kurum a dukw ana ŋgwala tsiye tekeɗe ka, ta fə̀r aà mede kurum nda megemir kurum ka, lele asa mbaŋa. Dite bəla Mbulum à hìndìk a ter a dər are, tì zèmbeɗe a dər a pat ana a dere a a təv tar a.

1 PIYER 2:9

Ama kurum ka, gà gwala Mbulum ana a pala kurum a. Dite kurum gà ɓəzla mandəva kuɗa ŋgar ana ki gwim a meslire a batsah Əbay a. Kurum ka, gà tsəɗaŋŋa, kurum gà mburma ŋgar ana a ndzəkara kurum i luvuŋ a, a da à kurum a təv dzaydzay ŋgar ana a də̀v hinne kamala dukw mene aà mburma ya.*fd* Dite a pala kurum ka, aà ka nwim gà mburma ana ki tsikwim a dukw ana a ge ŋgwal ŋa, a za gà dukw tserdze ya, a mburma.

1 PIYER 3:1

A kurum gà məkəs, hənum à gər a bəɗ a zal kurum. Aɗaba na kàa gwim kataya ka, gà zal kurum ana tàa gəs bazlam Mbulum tsiye ka, bəla ta mbìɗ a à gəzləŋ tar. Ta gis a Mbulum nda gəzləŋ tar mbaŋa, ku mege kàa fàfəlum a tar agəra bazlam Mbulum tsa tekeɗe ya.

1 PIYER 3:16

Ama ki tsikwim a ter a gà bazlam ata ka, nda mandza akaba ahəm lìfèɗìɗe lele, tsəka, nda maàga tsa. Gwim dukw ana kà sərum i gəzləŋ kurum ŋgwal ŋa ya kəla pat mbaŋa, dite ku mege ti ndeveye a kurum ŋa, nda gà bəla ti tsik aà kurum a dukw ana ŋgwala tsiye, agəra mendze kurum ana ŋgwal ŋa lele, kə̀ gəsum Yesuw Kiristi nda gəzləŋ kurum a tekeɗe ka, hwarwa a ge a teriŋa.

1 PIYER 4:11

Na wura aka ŋgat ndzəɗa aà metsìkè bazlam ka, ma tsik kamala na Mbulum a tsiker a ika arah a, tsəka, ma zle ahər biy ŋgar pam tsa. Wele ana à zlèk a mburma ya ibam, à zlèk a ka, nda ndzəɗa ana Mbulum a vəlar a mbaŋa. I huɗ gà dukw ana ki gwim a tserdze ya ka, mezembeɗe ma ge ka, biy Mbulum, aɗaba ana kə̀ gəsum Yesuw Kiristi ya. Ŋgat ka, aka ŋgat ndzəɗa ika gər gà duwa ya tserdze aà biybiy, nda gà vatwa mezlibe ana gà mburma tì zlibe à ŋgat a. *Amin.

1 PIYER 4:14

Na bəla gà na ti tsik aà kurum a dukw ana ŋgwala tsiye, aɗaba ana kurum ihər ki zezemwim a Yesuw Kiristi ya ka, maŋgayaba ika gər kurum ivaɗ na taŋa ya. Aɗaba na kàa sèwèrwim are kamala taŋa ya ka, ndzəɗa Mezite Mesife Mbulum ana tì zlibe a dər a, a ndze a ika gər kurum.