Mata 5:12 - Bible Zulgo12 Ŋgeywim ba hinne, gəzləŋ kurum ma ndza ndzəɗakkà ivaɗ, aɗaba Mbulum a ta vile a kurum a dukw maya ba kurum i gər ŋa i mbulum ka, batsah ŋa. Ama sərum dər ka, tàa ge dukw ana ŋgwal ŋa tsiye hinne, a gà ɓəzla məma à guma Mbulum ana tə lah ahər ɗa ya ka, kataya mbaŋa.» အခန်းကိုကြည့်ပါ။ |
Mata 5:12
51 ပူးပေါင်းရင်းမြစ်များ
I dəba ŋa ya, a gwaɗa a tar asa: «Na ki gwim a ndəra ka, ka ta gwim kamala gà ɓəzla mimbèhè are ana ta mbehe a are a Mbulum a tsa. Aɗaba tar ta gewa ndəra ka, ɓìrìzl ɓìrìzl ta mbìɗ a à are tar kamala ana tar ka, gà məməta ŋa ya, dite gà mburma ta fə̀r aà tar, ta gwa aà tar ka, gà ɓəzla mege ndəra nda ndzer kaɗəŋ. Iye ihər i gweɗe a kurum a nda ndzer: Tar ka, tàa ŋgat dukw mayaba tar aka ndəv.
I dəba ŋa ya, a gwaɗa a tar asa: «A kurum gà mburma ana riŋ i Yeruzalem a, i Yeruzalem a. A kurum ana kà batsawum gà ɓəzla məma à guma Mbulum, dite kə̀ kalawum gà na Mbulum a slərawaha tar a təv kurum a nda kur a. Wànà sik ndaw na a sèsiŋ magəsa aaba gər a gà mburma kurum, kamala məmər mendzikwir ana a yehe a gər a gà ɓəza ŋgar aà huɗ gwezleviyek a. Ama ka, a sàs a kurum dər akaba ɓav tsa asa.
A pat ana gà dukw ata tàa le aà kurum a ka, ndabayum a mbulum, ŋgayum ba, aɗaba Mbulum a ta vile a kurum a dukw maya ba kurum i gər ŋa i mbulum ka, batsah ŋa. Ama sərum dər ka, gà tsir gà mburma aaha ti sèwèr a kurum a are ya ka, ta ge ɗa a gà ɓəzla məma à guma Mbulum akahər ata ya ka, kataya mbaŋa.
Ama ka, kataya ivaɗ tsa. Wayum gà ɓəzla mene are kurum. Gwim a tar ŋgwal ŋa, vəlum ahər, ka tə dzalum ka, ti ta me a mər a dər aɗəm a pèt ŋgiɗ tsəna, meme tsa. Dite i dəba ŋa ya, ki ta ŋgetwim a dukw maya ba kurum batsah ŋa, ki ti nwim a gà ɓəza Mbulum ana i gər ŋa ya. Aɗaba ŋgat tekeɗe, a gewa ŋgwal ŋa a gà ɓəzla segeme, nda gà ɓəzla swalwa mbaŋa.
Gà mesewere are ana kwa ihər ki sèwèrekwe a kinehe ya ka, ti ndze a tsa, tì ndìv a mba. Ki ta ŋgetekewe a dər ka, mezlibe ana batsah ŋa ya. Mezlibe ata ka, a ti zè a dukw tserdze, dite a ndze a ka, aà biybiy. Agəra taŋa na ki fìrekwe a aà gà mesewere are ata ka, kamala ana mawura ba ŋa tsiye ya.
Megìse kurum ana kə̀ gəsum Mbulum a ka, a ne kamala dukw taf masakəŋa ana kà kə̀ɗumar a. Ama na bəla ta kiɗ a iye ka, a ne a kamala ana i dzar à məmbəz gà kamala dukw taf masakəŋana ya mbaŋa. I səkah dər aaka ka, aka biy kurum ana kà vəlumar a. Na kataya ka, i ta ŋgeye a ba hinne, dite maŋgayaba ata a ge a i təv kurum mbaŋa.
Kinehe ka, iye ihər i ŋgeye a ba aɗaba mesewere are ana i sèwèr a agəra kurum a. Kamala na akahər ata Yesuw Kiristi a sèwèr are ya ka, iye tekeɗe, i sèwèr a are aɗaba gà mburma ŋgar mbaŋa. Gà mburma ata ka, ti ne kamala ba ŋgar a. Mesewere are ana i sèwèr a kamala taŋa ya ka, i zlèk a kurum aà mesewere are ana ki sèwèrekwe a aɗaba ŋgat a, na dite megemir ŋgar ma da aka miɗ aka miɗ a.
Gà Yahuda ata ka, ta batsawa gà ɓəzla məma à guma Mbulum ana akahər ata ya. Dite gà asiŋ ŋa ibam, tàa kəɗ Yesuw Kiristi BATSAH kwa ŋa mbaŋa asa. Dite araha kinehe asa ka, hiywe gà asiŋ ŋa ihər ti ne a mər a are hinne mbaŋa. Ama dukw ana ta ge a ya ka, a tsahən aà Mbulum tsidze. Tar ti ne ka, gà ɓəzla mene are a mburma tserdze.
Kàa sèwèrwim akaba are nda gà na ta gasa tar a daŋgay, aɗaba Yesuw Kiristi ya hinne. I təv ana gà mburma tə ndzaka aà kurum gà dukw kurum a tifeɗ tifeɗ tekeɗe ka, kàa gəsum gəzləŋ, kàa ŋgayum ba nda gà tar ivaɗ, aɗaba ana kà sərum ka, kàa ŋgatum gà ŋgwal gà dukw ana i təv Mbulum, à zè a gà dukw ata tserdze, wura a sle a aà mekìzele aà kurum a asa tsiye ya.
Agəra megìse ana ta gəs Mbulum nda gəzləŋ tserdze ya ka, ta ge gùvəl aà ahəɗ ŋgiɗ, ta mba aà tar. Ta ge dukw ana ŋgwal ŋa ndaka vatwa ŋa lele ika miɗ Mbulum a. Tàa ŋgat dukw ana Mbulum a tsik a tar i sida ya, a gwa ka, i ta vile a kurum a ya mbaŋa. Agəra megìse ata ta gəs Mbulum a ka, təts ta handaka aka bazlam a gà azil, na dite ka, ta papaɗa tar asa tsiye.*fv*
ကြော်ငြာတွေ