Mata 5:11 - Bible Zulgo

¹¹ A gwaɗa a tar asa: «Maŋgayaba i təv kurum, na bəla gà mburma tàa ndavaya a kurum, ti ne a kurum a are, ti tsik aà kurum a dukw ana ŋgwal ŋa tsiye, hə̀rə̀ts hə̀rə̀ts nda pàrsa, aɗaba ana kurum gà mburma gà ya ka, mà tsəɓ a kurum tsidze.

Mata 5:11 ပူးပေါင်းရင်းမြစ်များ

Mata 10:18

Ta gese a kurum aka miɗ gà ɓəzla makwàrà mburma, nda gà aka miɗ gà Əbay gà bàba ŋana agəra iye. Kamala taŋa ya, ki gwim a sida gà nda ndzer ŋa ika miɗ tar, nda gà aka miɗ gà mburma ana tar gà Yahuda tsiye asa mbaŋa.

Mata 10:22

Gà mburma tserdze, ku weke tekeɗe, ti ne a kurum a are, aɗaba ana kurum gà mburma gà ya. Ama wur ana ədəts aka gəs gəzləŋ, aka simeraha haa a pat ana mesife ŋgar à ndìv a ya ka, Mbulum a mbil a dər.

Mata 10:25

Ama aləka wele ana ti ɗifer a à metsehe mba ya, tàa geye akaba nda wele ana a ɗifer à metsehe ya ka, ma ŋgaya ba lele. Na ta ge a dukw ana bəla meme a mala meslire kamala dukw ana ta ge a a mala ga ŋgar a ka, ma ŋgaya ba mbaŋa. Na tàa gwa aà iye ana mala ga ya, *Beldzebul seyiŋ ana, sakwàn gà mburma ana i ma gà ya ya?»

Mata 10:39

Wur ana a zezem a madzala gà gər ŋgar, a gwa ka, i mbil a à mesife gà ya ka, a dzeye a dər seyiŋ ivaɗ. Ama wur ana a dzeye a à mesife ŋgar aɗaba iye ya ka, a ŋget a ivaɗ asa.»

Mata 19:29

Yesuw a gwaɗa a tar asa: «Ku weke na aka miyak aba à ga ŋgar a, kige tsa à gà damər ŋgar, nda gà tsir ŋgar, nda gà mama ŋgar, nda gà ɓəza ŋgar, dite nda gà gùvàh ŋgar agəra iye ka, a ŋget aɗəm a, à zè a taŋa a miyak dər aba kinehe ya medzige dərməka. Dite a ta ŋget a mesife ana à ndìv a tsa aà biybiy a asa mbaŋa.

Mata 24:9

I dəba ŋa ya ka, ta gis a kurum, tì dze a kurum a ahər a mburma, tì sèwèr a kurum a are, dite ta bets a kurum. Ku weke tserdze a ne a kurum a are, aɗaba iye.

Mata 27:39

Gà mburma ana tə dawaha nda təv ŋgar ata ya ka, ta gewa à gər kwatà kwatà, kamala megweɗe ya, na a gwa, kirim tsa iye ŋa ya ya. Dite tə dzawa ba aà mendeveyar pìslìɗìɗe.

Markus 13:13

Gà mburma tserdze, ku weke tekeɗe, ti ne a kurum a are, aɗaba ana kurum gà mburma gà ya. Ama wur ana ədəts aka gəs gəzləŋ, aka simereha haa a pat ana mesife ŋgar à ndìv a ya ka, Mbulum à mbil a dər.»

Markus 13:9

Ama kurum ka, say ndzum nda metsehe kurum lele. Aɗaba a pat ŋgiɗ ka, ti ta gese a kurum, ti de a à kurum aka miɗ seriye. Ti ta gezlere a kurum i gà ga mahàmà a Mbulum a. Ti ta gese a kurum aka miɗ gà ɓəzla makwàrà mburma nda gà aka miɗ gà Əbay gà bàba ŋana, agəra iye. Kamala taŋa ya, ki gwim a sida gà nda ndzer ŋa ika miɗ tar.

Markus 4:17

Ama bazlam ata a ŋge a zlile aà mendze i gəzləŋ tar tsa. Mendze tar a riŋ ika vatwa Mbulum hinne tsa. Zàkwayiya, na bəla mawùràba bazlam, kige tsa mesewere are aka ge a tar ba a gər ka, ŋgwìɗik ta miyek a à magəsa bazlam ata tsara.

Markus 8:35

Aɗaba wur ana aka sasar məmbə̀là à mesife ŋgar ɗa ika gər ahəɗ a ka, a dzeye a dər seyiŋ ivaɗ. Ama wur ana a dzeye a à mesife ŋgar aɗaba iye, aɗaba bazlam ŋgwal ŋa aaha i tsik a ya ka, taŋa ka, a mbil a dər ivaɗ asa.

Luka 21:12

Ama ələk gà dukw ata ti ti ndzere a ka, say gà mburma ta gese a kurum, tì sèwèr a kurum a are hinne məfara ŋa dzekwiŋ. Ti ti de à kurum a a ga mahàmà a Mbulum a, ta ge a kurum a seriye. I dəba ŋa ya, ti dze a kurum a daŋgay kuɗa, agəra iye. Ti de à kurum a aka miɗ gà ɓəzla makwàrà mburma, nda gà aka miɗ gà Əbay gà bàba ŋana mbaŋa.

Luka 21:17

Gà mburma tserdze, ku weke tekeɗe, ti ne a kurum a are, aɗaba ana kurum gà mburma gà ya.

Luka 6:22

A kurum ana gà mburma ta gewa a kurum matawak a, tə lə̀mawa a kurum aba ya, tə ndavayawa a kurum, dite ta waya kurum asa tsa, aɗaba ana kə̀ gəsum iye, wur ana a dara i təv Mbulum a ya ka, ŋgayum ba.

Luka 9:24

Aɗaba wur ana aka sasar məmbə̀là à mesife ŋgar ɗa ika gər ahəɗ a ka, a dzeye a dər seyiŋ ivaɗ. Ama wur ana a dzeye a à mesife ŋgar, aɗaba iye ya ka, a mbil a dər ivaɗ asa.

Yuhana 15:21

Ama ti sèwèreye a kurum a are ata tserdze ya ka, agəra iye, aɗaba ana tàa sər wele ana a slərra iye ya tsiye.

Yuhana 9:28

Tə tsaraka taŋa ka, tə ndavayar pìslìɗìɗe hinne, ta gwaɗar: «Kər ka, mala mazazama wele ata. Ama mər ka, gà ɓəzla mazazama Musa.

Gà Ɓəzla Meslire 9:16

I ti ɗifer a à dukw ana a ti sèwèr a dər are agəra iye ya.»

RUMA 8:36

Mesewere are kwa ata a ne ka, kamala ana mewetse ŋa i wakita Mbulum, a gwa ka: «Gà mburma ti yehe a vatwa aà məbatsa mər hiywe, agəra ana mìi zezem a kər a. Tar ihər ta fir aà mər a ka, kamala gà təmaŋ ana ti ti zleye a ter a ɗa ya.»*fa*

1 Kurintiya 4:10

Kamala taŋa ya, mər ka, kamala gà ɓəzla falày ana taf masakəŋa ya, na aɗaba Yesuw Kiristi ya. Ama waytsà kurum ka, gà ɓəzla masəra duwa lele, na i təv magàwà ba kurum ana kə̀ gawum ba nda gà ŋgat a. Mər ka, ndzəɗa mər a riŋ tsa, ama kurum ka, ɓəŋɓəŋ gà ndzəɗa ŋa hinne. Mər ka, ta fir aà mər a bəsənnà kamala za ya. Ama kurum ka, tì zlibe a à kurum a ivaɗ.

2 Kurintiya 4:11

I huɗ mandza aà bəra mər ana mìi ndze a ya, mər ka, i ɗa məməta agəra ana mìi zezem a Yesuw a. Ama ba mər aaha ndzəɗa iɗəm tsa, tsèfek tsèfek à mìt a mba ya ka, aka mət zukw tsa. Kamala taŋa ya, mburma ti sir a mesife Yesuw ka, nda təv mər.

FILIPIYA 1:29

Mbulum a vəl a kurum vatwa ka, dite kə̀ gəsum Yesuw Kiristi nda gəzləŋ. Ama ka, taŋa ɗekɗek tsa. A vəl a kurum vatwa ka, aà mesewere are, aɗaba ŋgat mbaŋa.

1 PIYER 2:23

Ku mege ti tsik aà ŋgat dukw ana ŋgwal ŋa tsiye tekeɗe ka, aka mà a tar aɗəm à bakal ŋa tsa. Ti sèwèrer are hinne tekeɗe, aka dza aà tar magəɗa nda bazlam ɓav tsa asa. Ama a vəl ba ŋgar a ahər ka, a Mbulum ana ŋgat mala masàsà ikaba seriye bakal nda ndzer ŋa ya.

1 PIYER 4:14

Na bəla gà na ti tsik aà kurum a dukw ana ŋgwala tsiye, aɗaba ana kurum ihər ki zezemwim a Yesuw Kiristi ya ka, maŋgayaba ika gər kurum ivaɗ na taŋa ya. Aɗaba na kàa sèwèrwim are kamala taŋa ya ka, ndzəɗa Mezite Mesife Mbulum ana tì zlibe a dər a, a ndze a ika gər kurum.

Sunwa Yuhana 2:3

Kurum riŋ ihər ki mirwim a aba a hinne, ku mege kurum riŋ ihər ki sèwèrwim a are aɗaba iye tekeɗe ka, kàa yum ba tsidze.